حـــس الاحســاس

[غبة بحر]

مرحـبا الســاع

شحالكـمـ !!


فـي كل مكـان ذكراكــ باقـيهـ
حتى صورتـك ببـالي محفوظهـ
وروحكـ بالقــلب بـاقيــهــ ..
وعطــر شذاكــ اشمه كل ثانيهــ
حياتي كـلها من اجلكـ اعيشها
ارجـع ولـو دقايق تبتسم وترحـل
ياليت اقدر اشوفكـ كـل يومـ
الله يحفضك ياغلايـ ويحفض غاليك
ويهونـ لك دروبكـ وايامكـ ..

[غبة بحر]

قالت ترى مالي على الحب حيله
قلبي عجز يعطيك نص اللي تعطيه
قلت السبب ما دامني بشوق أجيله
قالـــــت أخاف من الزمن لا يعاديه
قلت الزمن جاير على الناس ميله
ولا هـــــــــــو بيدي أو بيدك نباريه
وسكتت وسالت دمعتينن عليله
مـــــن موق عيني لين بللت أياديه
وتقول لا تبكي وذي مستحيله
وشلون ما ابكي وقلبه يقول مابيه
والله لو يدري عن اللي أشيله
بوســـــــط قلبي له من إخلاص شاريه
وعن الوفا والحب الله دخيله
وعن الوداد اللي سكــــــن قلب مغليه
ما كان فكر لو بلحظه يزيله
ولا كـــــــان فكر لـــــــــــــو بلحظه يعنيه
قلبي يقول أعشقه ثم انحني له
وعقلـــي يقول إحساسك شوي داريه
أصبحت أنا في وسط حبه هبيله
ما عاد عرفت شلون حبــــــك أجاريه
مشموم يا كل الحلا والفضيله
يا عمر خالـــــــــــد يا صباحه وأماسيه
إذا قليبي يزهمك اسمعي له
وإذا فؤادي ضايقــــــــــــــــك لا تجافيه
لان الحياه بدون شوفك ذليله
ولان العمر من دون حسك ما أدانيه
تفداك روحن جت في ايدك قتيله
تنشد مشاعر قلبك اللي قفلتيه
وتفداك عين من عذابك شليله
تنشـــــتد بدمع العين قلبك وترجيه
وهذا قلبي هو معك علمي له
إذا هو ما يستــــــــــــاهلك لا تحبيه
إذا غرامه عيب أو به فشيله
يا لعنبو داره علـــــــــــــى دار راعيه
خليه يشقى وأشعليه بفتيله
وخلي حرارة نارك تشـــــــــــب تكويه
ما عاد يهم ما دام انتي خليله
قلتي له بأبســـــــــط عبارات مابيه
يرحمه ربي دام موتته ويله
ويسمـــــــــح دروب الذي كان مغليه
وإن كان قلبك قد لقا له بديله
فالله يوفق قلبك بكـــــــــــل خطاويه
خالد بيبقى لك وفي بين جيله
مهما جرى ما راح تغير طــــــــواريه
تبقين مشموم الحبيبه دليله
وتبقين حــــــب صادق محد يمحيه

بريشة / غبة بحر