هبوط وتغير اسلوب سعد علووش !!

[لآبآس يآخآطري]

السلام عليكم ورحمه الله وبركاته ..


صباح الخير اخواني اعضاء منتدى البدوان ..

قبل امس كنت اشوف اخر امسيه لسعد اللي كانت في دبي ؟!!

تغير سعد صار .. تحسه يبي يقلد على نزار قباني ؟


وصار يتجاهل الشعر الشعبي اللي اوصله الى النجوميه ؟



صاارت اشعاره الاخيره ... مالها اي ضجه اعلاميه او اشتهار ؟!!



اذا استمر سعد على ذا الاسلوب ؟ راح الكل ينسى سعد ويعيشون على ماضيه


سعد يسمع في التجديد ؟ ولا يعرف وشلون يجدد في الاسلوب ؟


اتمنى سعد يرجع مثل البومه الصوتي الاول في قمه الروعه ؟

تحياتي لكم ؟

[الدرويش]

هههههههههههههههههههههههههههههههههههههههههههههههههه هههههه

اسمح لي يا لاباس بس أضحك على شيء شفته قبل شوي ف5

وعشان ما تفهمني غلط .. بجيب لك اللي ضحكني ف2





الدرويش

أخشى عليه استغفر الله


عندما يسأل منهو نبيك يقول سعد علوش ف5








انتبه مني يالشييهان ترا احتمال اقولها في اي لحظه ف5ف1 < استغفر الله ف5













السلام عليكم ورحمه الله وبركاته ..


صباح الخير اخواني اعضاء منتدى البدوان ..




عليكم السلام ورحمة الله وبركاته


اول شيء .. يا مرحبا يا خالد تراحيب المطر <== الدرويش عرف اسمه وصجّنا ف2

ثاني شيء .. عسى الله يقبل صيامنا وطاعاتنا

ثالث شيء .. انا ادري إن فيه اشخاص علوشيين قبلي شافوا موضوعك هذا بس من باب الاحترام لأخوهم المنحرف الدرويش ما احد ردّ عليك الى الان ف2<< اشرايكم فيني يالعلوشيين على هــ التصريفه الجآمده ؟ ف5

عشان كذا انا اشكرهم على تواضعهم وانتظارهم لي لكن عسى الله يعزّ مقدارهم ف2



قبل امس كنت اشوفاخر امسيه لسعد اللي كانت في دبي ؟!!


بصراحه مدري وش تقصد بس اتوقع إنك تتكلم عن امسيه مهرجان دبي الدولي للشعر العربي لأنها كانت آخر مشاركه لسعد في مهرجان رسمي
عشان كذا بجاوب عليك بما إنها آخر امسيه وعساها تكون اللي تقصدها



تغير سعد صار .. تحسه يبي يقلد علىنزار قباني ؟

على ما اعتقد انت قلت الكلام هذا بناءاً على القصائد اللي ألقاها في الامسيه

وعشان يكون الموضوع واضح القصائد اللي ألقاها هي ( بالروح وبالدم ) ( الاشجار ) ( يا نبيله )

طبعاً القصيده الاولى مضمونها يحمل معاناة شعوبنا المسلمه والابتعاد عن الله عز وجل

والقصيده الثانيه كانت إلتفاته إنسانيه من شخص يقدّر جمال الاشجار ويقدّر قيمتها في الكون

أمّا الثالثه عباره عن قصيدة تفعيله كانت تحمل جنون سعد علوش في الخيآل والفكر والابداع في جميع حالات الشعر


ابيك يا خالد تركّز معي شوي في مضمون كل قصيده .. شرايك فيها ؟

ما يستحق يكون في مكان نزار قباني ؟

طيب اشرايك لو أقولك أن نزار قباني بكبره ما يسوى فكره قيّمه من أفكار سعد علوش

يمكن أقول الكلام هذا من باب حبي لسعد بس صدقني سعد حاله نادره في شعراء جيله

تدري ليه حاله نادره ؟

لأنه سبق شعراء جيله بمراحل عديده أو (بسنوات ضوئيه) على قولة الغايب الحاضر استهبال ف2

وعشان أريّحك من هذرتي الزايده .. تدري ليه سعد اختار هــ القصائد بالذات ؟

لأنه مشارك في مهرجان دولي لشعراء الوطن العربي

وبما إن يشاركه في المهرجان خيرة الادباء والمفكرين العرب فشيء طبيعي إنه يخاطب شرائح المجتمع العربي بأفكاره وأهدافه الساميه واضف عليها تجديده لمفهموم الشعر الشعبي









وصار يتجاهل الشعر الشعبي اللي اوصله الى النجوميه؟



ما اشوف إنه فيه تجاهل للشعر الشعبي لأن كل ما يكتبه سعد من غير (الفصيح) و(التفعيله) يندرج تحت سياق الشعرالشعبي





صاارت اشعاره الاخيره ... مالها اي ضجه اعلاميه او اشتهار؟!!

أنت يمكن تشوف ما لها ضجه إعلاميه بس صدّقني لها ضجه كبيره عند اللي يتذوّق الشعر وعند محبيه


بعدين يكفي إنه الشاعر الوحيد اللي مؤمن ومقتنع إن الشعر رساله في كل قصائده السنوات الاخيره وبالتحديد القصائد اللتي جاءت بعد قصيدة ( التوبه )


لأنك مجرد تقرأ له قصيده وتنتهى منها تكتشف إنه كان يدعو لــ شيء قيّم طبعاً هذا من غير تقرّبه من الله الواضح في قصائده والمواعظ الدينيه اللي يمررها بين ابيات القصيده
















اذا استمر سعد على ذا الاسلوب ؟ راح الكل ينسى سعد ويعيشون علىماضيه


انا واثق كل الثقه ما راح أحد ينسى سعد إلا شخص مراهق أو شخص لا يعي مفهوم الشعر





سعد يسمع في التجديد ؟ ولا يعرف وشلون يجدد في الاسلوب؟

صدقني إنك انت اللي تسمع في التجديد ف5ف1

قصدي ان سعد فعلاً جدّد في الشعر الشعبي وغيّر بعض المفاهيم السائده عند الشعراء اللي سبقوه


وعلى فكره .. سعد يعتبر الشاعر رقم (1) الذي أجاد في جمع (العاميه والفصيح) من خلال قصائده

طبعاً أنا قلت رقم (1) في (العاميه والفصيح) فقط لأني ما ابي أصدمك واقولك إن سعد علوش هو رقم (1) في شعراء الشعر الشعبي الآن ف2




اتمنى سعد يرجع مثل البومه الصوتي الاول في قمه الروعه؟


اسمع دعوتي اللي اقوى من امنيتك .. جعله مايعوّد على مراهقته الاوليه ف5

بقولها لك يا خالد وبكل صراحه .. سعد علوش كان مراهق في بداياته

كان يحب في اليوم خمس مرات ويزاعل أربع عشان يرضي ثلاث جآيين في الطريق ف2

مستعد أحلف إن سعد يتمنى إنه يتبرأ من قصائده القديمه لأنها ما تشرّفه في الوقت الحالي مقارنةً بقصائده الاخيره
طبعاً ما انكر إن فيه قصائد كانت مميزه وابيات مثل الذكاء وغيرها لكن المراهقه كانت طاغيه عليه في اغلب قصائد الغزل







تحياتي لكم ؟


وأحلى تحيه لك يا لاباس بالنيابه عن كل علوشي يعيش معنا او يقرا كلامك


عساني ما هذرت عليك واجد بس صدقني ما راح تلقاني أصحى من هذا اليوم لأني ما احب النقاش لكن بما إن سعد علوش واحد من هواياتي اظطريت إني اجاوب عليك بكل( شفافيه) ف2



فمان الله

[¶ متهـورهـ بس ثقهـ ¶]

هلا والله في لآبـآس ..

وشلونك .. عسـآك بخير .. وينك ووين أيـآمك ف5 ..



ان شاء الله تكون في اتم الصحه والعافيه والخير ف2 ..





توني اشوف الموضوع واللهي .. ف2


لكن يوم قريت كلآمك وكلآم الأهطف الدرويش .. ف2


حسيت ان الدرويش رد عليك نيـآبه عنّي .؟

وعشان ابيّن لك وش أكثر شي جابه في الصميم الدرويش .. أبنسخه لك :




أنت يمكن تشوف ما لها ضجه إعلاميه بس صدّقني لها ضجه كبيره عند اللي يتذوّق الشعر وعند محبيه


بعدين يكفي إنه الشاعر الوحيد اللي مؤمن ومقتنع إن الشعر رساله في كل قصائده السنوات الاخيره وبالتحديد القصائد اللتي جاءت بعد قصيدة ( التوبه )


لأنك مجرد تقرأ له قصيده وتنتهى منها تكتشف إنه كان يدعو لــ شيء قيّم طبعاً هذا من غير تقرّبه من الله الواضح في قصائده والمواعظ الدينيه اللي يمررها بين ابيات القصيده


8
8


لو برد.. صدّقني برد بنفس هالكلآم .. ف5

وتأكد مو لاني انا احب سعد علوش ؟ أنا أحب الشعر وليس الشخص .! ف5


سعد علوش ماكان يعني لي شعره أي شي .. والله على ما اقول شهيد ف5

حتى اني كنت اقول ان سعد علوش شعره وصخ ومو من مستوآي.. ويسمح لي سعد على ماقلت عنه لكن الصراحه راحه ف2

مثل قصآيده .. تحط حليمه بولند في كمها ؟ ف5 <== اهانه للي كاتب فيها الشعر بس البقره اللي كتب فيها الشعر ماحسّت بهالشي ف5 .. <==وانتي وش دخّلتس ف5


بس برضوو .. له قصايد كانت تعجبني .. بس للأمانه ما احرص على متابعته نهائيا ولا أعدّه من ضمن الشعّار اللي يلفتون نظري ..! ف5

مع اغلب البنات اشوفهم هآبّين فيه ؟؟ سعد وسعد ؟ ويوم قلت لهم سمّعوني له شي قوي ؟ قالو شوفي شكله ف5 <== نظرة البنت اللتي هي مؤدبه وطختها ف5

ف1 ف1 ف1

البنت اللتي هي مؤدبه .. ماعليه لكن صراحتي رآحتي ف2


ومن يوم سعد بدأ يكتب قصايده الاخيره اللي بعد التوبه .. وأنا اعتبره من الشعراء المفضلين عندي .. بغض النظر ان ابن فطيسسس يحتل المرتبه الأولى ومن بعده غيره من الشعراء المفضلين عندي !.






وبرضو تدري اني لاقريت قصيده لسعد ؟ احس اني اقرا حكمه ؟ واطبقها في حيـآتي ؟ يمكن ماتصدق ؟ لكن سعد علوش له فضل بعد الله في مساعدتي على التغلب على اشياء كثيره من خلال اشعآره ؟؟! ف5

وللأمانه ماعمري قريت له قصيده من تالي ماطلعت منها بفايده .. فعلا شعره رسااااائل ..!






وعسى الله يخليك لكل عين ترجيك يـآ لآباس .. ف2



كنت مرآح ارد لان رد الدرويش كفآني ؟ بس قلت لآبد أعلمه اني قريت موضوعه واعلمه وش اللي اقنعني ووش اللي ما اقنعني ف2



وتقبّل خالص تقديري وشكري وتهوّري اللذي لابد منه ف2

[F.A.Y.Z]

ياعمي بلا تهاويل

هو سعد علوش صار اسطوره وله مؤشر يطلع وينزل

يظل شاعر مبدع وراح يقدم الجميل والهزيل

[نواف @]

الدرويش .
الله يبرد قلبكـ قل امين .

[¶ متهـورهـ بس ثقهـ ¶]

آمين <== نيابه عن الدرويش لانه بيجلس سنه واهو يكتبها واحتمال يمدد اجازته وحنا مو ناقصين ترا ف5 ف1 ف1

[الطــــاووسه]

عليكم السلام ورحمة الله وبركاته..
اخوي لا باس اسمحلي اخالفك بكل حرف قلته لانك استندت على قصايد مهرجان دبي _واللي توفق سعد باختيارها_
وقلت رايك فيه لانه مهرجان دولي وقصائده مترجمه وبكل اللغات مفهومه_حسب علمي_ فـ طبيعي ان قصايده راح تكون بهالمواضيع
وبالنسبه لديوانه الأول وقصايده _على اني ما أستغني عنه_مستحيل يرجع سعد لهالمرحله لإنها مرحله وعدت
واذا ماكانت قصايده الحاليه تجديد وش التجديد ؟؟..
وأنت تعرف ان سعد أكثر من يعارض التقليد والتبعيه فـ كيف راح يقلد نزار
وبالنسبه للضجه الإعلاميه سعد في غنى عنها لإن حتى ذوق الاعلام تغير حسب تغير ذوق الجمهور يعني طبيعي اذا ماصار ضجه ولو ان المختلف وضعت قصيدة الاشجار غلاف 2
مع خاااااااااااااااالص شكري لك وللأخوان اللي ردوا..

[النآآآدر]

لاهنت

[خالد الديحاني]

بداية مشكورين على الموضوع المتميز ما في شك ان سعد علوش شاعر معروف وقصايده جزلة
ولكن انا عندي ملاحظة مدري يمكن تكون صح او غلط
وهي انا اشوف ان سعد علوش فيه شوي من الغرور وان ان شاء الله تكون ملاحظتي مو صحيحة
وللامانة يبقى سعد شاعر جميل نستمتع في قصايده
تقبلوا مروري ....

[ليتك معي]

ياخي انا مبلعته في البدايه خل النهايه عاد


هذا راي الخاص فيني


يسلمووو

[شيخة هذيل]

بصراااحه اختلف معك ... مع احترامي لوجهة نظرك


والاخوااان كفو ووفو

[عاصفة الصحــراء]

سعد علوش مو مغرور



بعدين سعد علوش تغير عقب الالتزام قصايده خذت منحنى ثاني وصـــار اروع



ومن حق الانسان انه يقدر ذاته خص في الظروف اللي موجود فيها سعد وانت شايف الساحه الشعريه

صايره حدث ولاحرج فسعد علوش مايقصد الغرور لما يطرح بعض الافكار في قصايده لكنه يقصد انه يعلم


المستشعرين واشلووون الشعر يكتب هاذا اللي احسه



وطبعا اهو قايلي هالكلام كله مو من عندي <<<<< قووووويييييييييييييييييييييييييه ههاا



واختلاف الراى لايفسد للود قضيه

: )

[استهبال]

بعد السلام للجميع

لا باس أقول لك:
وجهة نظرك و نحترمها و نحطها فوق راسنا و ما تلزمنا فيها و بيض الله وجهك.
أخوي الدرويش:
بيض الله وجهك على هالرد الرائع و يشهد الله ان ردك كافي و وافي و قلت اللي ودنا فيه و زيادة و ألف شكر على ورود اسمي في ردك و هذا والله شرف كبير لي و اتمنى اني استحقه. لقد فنّدت أقوال أخونا لا باس بكل احترافية و منطقية و ذوق و هذا شيء يحسب لك و لمنتدانا الرائع.
شي ثاني أخوي الدرويش: تراني أعترف اني أحس اني أخاطر يوم أتكلم معك بشكل مباشر لأني أعتبرك من الكبار الكبار بكل شيء بأخلاقك و رقيك و سعة اطلاعك و ثقافتك و حبك لابو جابر و لكن احترامي لك يقودني لأن أتعلم منك أصول الحياة العلوشية المليئة بالأسرار التي لا يعلمها إلا من عاشها أو جزء منها.
أختي متهورة:
ألف مليون شكر على آرائك الرائعة و وجهة نظرك الراقية و الصريحة و يا عساتس تسلمين. وش أخبار المناورات بينتس و بين معلمنا العلوشي الدرويش؟

وجهة نظر خاصة فيني:

لقد وجدت في قصائد سعد علوش شيء عجيب و غريب و هو أنك كلما حفظت قصائد أكثر و أكثر لهذا النابغة فسوف تذكر بيتا على الأقل في كل مناسبة تمر عليك في حياتك و سوف تكتشف مع الوقت أن هذا الشاعر متكامل بشكل عجيب جدا و كأنه يملأ فراغاتنا بقصائدة و لن تجد موقفا إلا و له بيت شعر يصفه أو يصف تفاعله معه أو ماذا يجب أن تكون ردة فعل أحدنا فيما لو تعرض لنفس الموقف.

أخيرا أقول:

أسأل الله العظيم رب العرض العظيم أن يوفقكم و يسعدكم و يحميكم و يفتح لكم أبواب الرزق كلها و يحفظكم و يحفظ لكم كل من يعز عليكم و يختم بالصالحات أعمالكم. و صلى الله على سيدنا و حبيبنا محمد و على آله و صحبه أجمعين.

أخوكم المحب لكم جميعاً/ ممدوح الحربي

[¶ متهـورهـ بس ثقهـ ¶]

أختي متهورة:
ألف مليون شكر على آرائك الرائعة و وجهة نظرك الراقية و الصريحة و يا عساتس تسلمين. وش أخبار المناورات بينتس و بين معلمنا العلوشي الدرويش؟


أرحب ترآآآآآآحيب المطررر للغيم

لآقـآم يغمز له واهو يهل الأمطـآآآر ف2 ف1 ف1

8
8
8
وليدة اللحظه ف1



بالنسبه للمنآورآآآت ماتبشّر بخييير ف5

كل يوم عن يـوم تتوآآلد الأمرآآآض فينآ .. وكل يوم عن يـوم نتأكد ان حنآ لآبد نتصرف في أنفسنا في أقرب فرصه ف5

حتى ان آخر شي طرا علينا .. هو ان حنآ نحط عند كل مسجد صندوق تبرعآت .. عشان أهل الخير يتبرعون لنا ونقدر ندخل مستشفى يهتم في أمراضنا النفسيه ويراعي مشاكلنا على أتم الاستعدآد .. ف2

ومن نـآحية الكُره الكُره .. أبشرك .. حآليا لنا فتره فآتحين لنـآ (كون) ثـآني للكره .. لان الكون الأولى أمتلى وصار فيه تسررريب .. ف5 ..


فعشـآن كذآ فتحنا لنا كون ثاني عشان نعبيه كره .. ف2

وان شاء الله في زوآجك ببشرك بافتتآح الكون الثالث .. ف2


:
ك



هذا وقد تم اختصار حالاتنا ووضعنا في مووجز لأهم الانباء ف2



وعسى الله يوفق الجميع لما يحب ويرضى .. ف46

[شامه بخد الشعر]

الناس فيما يعشقون مذاهب وانا اشوف ان شاعريته لاتستحق رقم واحد
ويعطيك العافيه

[بن الذيب]

وجهة نظرك


اما انا اشوف سعد يبدع يوما عن يوم


وانتظر جديده بشغف

[عبورآ]

وعليكم السلام عليكم ورحمة الله وبركاته
مع أحترآم لكِ أخي
سيبقى سعد علوش شآعر مميز وله بصمه في الحياة لن تزول مهما محاها الزمن
أقدر الشاعر واعجب لاكــــــن بألقائه وأحرفه لا بشخصه
لابد من الشاعر ان يغييير مسير حروفه لا يسير ع طريق وآحد فقط
ومثلُ مآ قآلت أختي ( طاووسه ) سعد أشد المعارضين ع التقليد فكيف له ان يقلد شآعر .. !
أمآ ع الضجه فهو غنآء عنها والجميع تتغير أحرفه ع أذوآق الجماهير

دِمتَ أخي