معاي نكتب قصيده..كلن يجيب بيت من عنده..

[زبدة عربها]

السلام عليكم ورحمة الله وبركاته ,,

واضحة الفكرة ,,

ببدي في بيت يكون من قلبي طبعا! ,, ويجي اللي بعدي يكمّل ع نفس الوزن والقافيهـ ,,
//


بانتظاركم..

وروني مهاراتكم الشعريــــــــــــه ,,

ولاتخذلوني !!

ولحد يضحك عالكسر..اللي بيجبره يجبره ولا لايضحك..^_^


بسم الله أبدأ ..

ضر قلبي في غيابه أقوى مضرّه.. ليت يدري في غيابه وش جرالي..
وضر قلبي بسواته العن مضره..باتهامه زور لعرضي الغالي......

* بنت راكان*

كملو...

ولا حد يخذلني..

[¶ متهـورهـ بس ثقهـ ¶]

ضر قلبي في غيابه أقوى مضرّه.. ليت يدري في غيابه وش جرالي..
وضر قلبي بسواته العن مضره..باتهامه زور لعرضي الغالي......
:

لعنبـو يومن كنت أبـآدله المسرّه .. مـآهقيت ان هذا حـآلي وآه يآوجد حـآلي

أنقهرت وقلبي صـآبته مليون حرّه .. مدري هي من غيـآبه ؟ والا من غربآلي





هـآه كملت عليتس يـآبنت رآكـآن ... :$


موضوع متعوب عليه .. ف2



يلا عاد نبـآ حمـآس .. :$



تقبلي خالص تهووري .. ف2


برب

[زبدة عربها]

هالله هالله..

فارقت لي خلٍ يامتهوره ويانكره
لعشــرة سنين وايام وليالي

انا اشهد انه غاليٍ حيييل وبالمره
من يوم صد وبقلبي منزله خالي

###

[rayanat al3ood]

موضوع حلو و رائع و لو اني اظبط الوزن كان ما بخلت

بس كل شئ فوقته حلو

انتظروني ف1

[غريبه دنيتي]

والله موضوع شيء


مزيون


حلو



لكن والله ماني بشاعر ولا حولي الشعر لكن لعيون غالي نجبر مدينه

يابنت من راح مكانه يسره.......... مرده يعرف وشهو جرالي
ويجبه الندم ولا يعاود الكره.......... وان مارجع يا عالم بحالي
واللي مايذوق بحياته المرِه......... يبطي بحلاتها ماله مجالي
ولو عيني بتذرف الدمع مره......... والله ماتسكب الا لفراق غالي



يالله مع أن البيوت مكسوره لكن يالله والله ماأردها في خاطرك وانا أخو نوره

[¶ متهـورهـ بس ثقهـ ¶]

8
8


على اللي فوق توقييع رهييييييييييييييييب ف2



ارحبي يابنت رآكـآن .. صح لسانتس


يلا بما ان اخونا .. جا وكمّل بكمل عليه .. :$


يابنت من راح مكانه يسره.......... مرده يعرف وشهو جرالي
ويجبه الندم ولا يعاود الكره.......... وان مارجع يا عالم بحالي
واللي مايذوق بحياته المرِه......... يبطي بحلاتها ماله مجالي
ولو عيني بتذرف الدمع مره......... والله ماتسكب الا لفراق غالي



صح لسانك ولسان بنت رآكـآن
:
وكـآنب بكمّل ..

الوقت علمنـآ من رآح مآنمرّه ...... كود مع الأيـآم بيشتاق لوصـآلي ..
وأن عوّد الغالي ليت يكفني شرّهـ ..... نذر علي لاصب له من دلتي وفنجـآلي ..!




تقبلو تهووري .. :$

[بنت القصيد]

موووووضووووع جدااااا رائــــع تسلـــمين بنـــت راكـــان


لاتشتكــووون اللــي نـوى بالمضـــره ****** فــرقــاه عيـــد ولاتقــولــوون غالـــي
ألا الــذي يـسـعـــى لكـم بالمســـره ****** هذا الذي اعطيــه حـالـــي ومـــالــي

السمــــوحه علــى الســريـــع :)

مودتـــي لكــم

[غريبه دنيتي]

ماشالله تبارك الرحمن كل وحده بيوتها أحلى من الثاني


هاه <<<<<<<< أنا وش جابني



لكن حشر مع الناس عيد




صح لسانكم جميعا خلوووووووووووها ههههههههههههههههه



لاتشتكــووون اللــي نـوى بالمضـــره ****** فــرقــاه عيـــد ولاتقــولــوون غالـــي
ألا الــذي يـسـعـــى لكـم بالمســـره ****** هذا الذي اعطيــه حـالـــي ومـــالــي


صح لسانك بنت القصيد



المشكله فرقاه في داخلي حره........... أموت لاشفته لغيري وقاطع وصالي
لبى روحه ولبى خيره وشــــــره ............ بس لا يزيد صده ويطيح من تالـــي
ويعلق بقلبي كنه الجمـــــــــــره ........... لا قدرت أرده ولا هو ياعرب جالــي
قولوا له يجي وأن رفض بصــــره......... تكفيني شوفته لازارني بأحلامــــــي



يالله كملوا والله أنكم شاعرات وأنا داخل عرض هههههههههههههههههه

[النايف]

بنت راكان

مشكوره عالموضوع أكثر من رائع

تسلمي ياذوق

الناس أنواع وبهـا العاقـل يتيـه
أحدٍ بفعلـه طـاب وأحـدٍ يلامـي

وأحد تصانيـف المذلـه تباريـه
متوارثه ما بيـن خـال وعمامـي

تحياتي



النايف

[زبدة عربها]

موضوع حلو و رائع و لو اني اظبط الوزن كان ما بخلت

بس كل شئ فوقته حلو

انتظروني ف1

تسلمين..
عادي هاتي اللي تقدرين عليه والوزن ماعليه لاتخافين ماقدامنا دكتور غسان ولا العميمي خخخخخخخخخخخخخ

حياش يالشيخه...

[زبدة عربها]

والله موضوع شيء


مزيون


حلو



لكن والله ماني بشاعر ولا حولي الشعر لكن لعيون غالي نجبر مدينه

يابنت من راح مكانه يسره.......... مرده يعرف وشهو جرالي
ويجبه الندم ولا يعاود الكره.......... وان مارجع يا عالم بحالي
واللي مايذوق بحياته المرِه......... يبطي بحلاتها ماله مجالي
ولو عيني بتذرف الدمع مره......... والله ماتسكب الا لفراق غالي



يالله مع أن البيوت مكسوره لكن يالله والله ماأردها في خاطرك وانا أخو نوره


لبا الحشا ياخو نوره..جبتها عالجرح..
والله ماهمني الوزن الا المعنى اللي يشلع القلب..
ولو عيني بتذرف الدمع مره......... والله ماتسكب الا لفراق غالي
ابدعت ولاهنت يالسنافي..

[زبدة عربها]

8
8


على اللي فوق توقييع رهييييييييييييييييب ف2



ارحبي يابنت رآكـآن .. صح لسانتس


يلا بما ان اخونا .. جا وكمّل بكمل عليه .. :$


يابنت من راح مكانه يسره.......... مرده يعرف وشهو جرالي
ويجبه الندم ولا يعاود الكره.......... وان مارجع يا عالم بحالي
واللي مايذوق بحياته المرِه......... يبطي بحلاتها ماله مجالي
ولو عيني بتذرف الدمع مره......... والله ماتسكب الا لفراق غالي



صح لسانك ولسان بنت رآكـآن
:
وكـآنب بكمّل ..

الوقت علمنـآ من رآح مآنمرّه ...... كود مع الأيـآم بيشتاق لوصـآلي ..
وأن عوّد الغالي ليت يكفني شرّهـ ..... نذر علي لاصب له من دلتي وفنجـآلي ..!




تقبلو تهووري .. :$

تبقين يا اغلى متهوره..
حياش
وصح والله بدنش ولسانش وعلى شانش

انتي اللي ابدعتي..

ويامرحبا وشعلوها..

[زبدة عربها]

موووووضووووع جدااااا رائــــع تسلـــمين بنـــت راكـــان


لاتشتكــووون اللــي نـوى بالمضـــره ****** فــرقــاه عيـــد ولاتقــولــوون غالـــي
ألا الــذي يـسـعـــى لكـم بالمســـره ****** هذا الذي اعطيــه حـالـــي ومـــالــي

السمــــوحه علــى الســريـــع :)

مودتـــي لكــم


يــــــــــــــــا بنت بنت بنت بنت القصيــــــــــــــــد
والله ابدعتي
والله بيتين يسون قصيده
وصدقتي المفروض مانشكي اللــي نـوى بالمضـــره
وعلى قولش فرقاه عيد


صح صح صح لساااااااااانش
وارحبي..

[زبدة عربها]

العفــــو للجميع..
واتمنى انكم تواصلون ونكتب اطول قصيده بالعالم..هههههههههههههه

على فكره اتمنى الابيات كلها من تاليفكم تكون احلى..

وابدعتو والله ابدعتو جميع..

المشكله فرقاه في داخلي حره........... أموت لاشفته لغيري وقاطع وصالي
لبى روحه ولبى خيره وشــــــره ............ بس لا يزيد صده ويطيح من تالـــي
ويعلق بقلبي كنه الجمـــــــــــره ........... لا قدرت أرده ولا هو ياعرب جالــي
قولوا له يجي وأن رفض بصــــره......... تكفيني شوفته لازارني بأحلامــــــي

###

صح لسانك والله مبدع وتقص علينا تقول منت حول الشعر هاه..


ماشلت له بالقلب حقد ٍ ولو ذره.............رغم الذي شفت منه برى حالي
من زود حبه بقلبي ومن زود كبره............أصلي جنوبيه وقلبته شمالي...

........؟؟
اللي بعدي ورني ابداعك ..

[¶ متهـورهـ بس ثقهـ ¶]

يـآلبيه يابنت رآكـآن .. :$



شوفو غيربه دنيتي يقول ماني حول الشعر واهو أصلا من لب الشعر .. :$


ماشاء الله عليك الحين لآأصّكك بعين تصير ألعن من الفلسطيني اللي جا بشاعر المليون .. ف1 ف1 ف1



ويابنت رآكان ازهليها .. والله اني ماكتبت شي منقول .. كل شي من تأليفي وارتجالي .. :$


ماشلت له بالقلب حقد ٍ ولو ذره.............رغم الذي شفت منه برى حالي
من زود حبه بقلبي ومن زود كبره............أصلي جنوبيه وقلبته شمالي...

:

دوكم اللي برتجله الحين .. :$ ف2

يقولون كثر الوصل مامنه الا المضرّه ... لآصرتـ مثلي محطمه آمـآلي
وإذا كان مالك نصيب فيه بالمرّهـ ... أسحب نفسك قبل ماتغني موآلي ..



وصح لسان الجميع .. :$

[غريبه دنيتي]

أرحبي صح بدنك يابنت راكان والله الشعر بوادي وانا بوادي لكن والله ما أردها زانت زين وأن مالقحت ماضرها الفحل




وأرحبي يامتهوره والله أني صادق بس هذي تسمى فيضة قريحه ولا مانيب شاعر



ويابنت راكان والله كل الابيات اللي قلتها انها مني ولا أخذتها من أحد ولا لطشتها..





يقولون كثر الوصل مامنه الا المضرّه ... لآصرتـ مثلي محطمه آمـآلي
وإذا كان مالك نصيب فيه بالمرّهـ ... أسحب نفسك قبل ماتغني موآلي ..



صح لسانك خلوها هههههههههههههههه

موال ينهض وخاطري له يجره ....... أحبك أموت فيك ياخي تعالي
وش فيك ماتحن بحبيبك وتبره ....... ترا كثير التغلي يصير محتالي
ترا الحر حلاته لا وقف على وكره ......... وانت حلاتك لا شفتك قبالي
هاك قلبي خذه وخله بستره ......... بين ضلوع صدرك ولا تبالي
وان ضايقك قلبي قلي بوخره ........ ارده لصدري وتخليني بحالي



يالله اللي بعدي والله أنكم شاعرات

[منطوق قلبي]

السلام عليكم ورحمة الله وبركاته

مشكوره يا (بنت راكان) على هالطرح الرائع المتميز

وأن شاء الله اقدر اني أباريكم وأطرب مسامعكم بمشاركتي البسيطه ف7

وعلى قول المثل: ((مع الخيل ياشقرا))

أحــــــــم أحـــــــــم

تقول منطوق ف1 :

يا ويل حالي على من صابته ضره .... على صغير(ن) دمعه بالخــد همـــالي

يبكي على أمه وينهج فاتح الفره .... يشكي عليها من غبـر ســود اللـــيالي

من غرير(ن) يلعب معه والا يجره .... يبغي يتسلى به وهو صار به غربــالي

يالله أنك تفرج عليه من هول حره .... وتشفي غليله من الذي مزوحه ثقالي



هذي القصيده كتبتها يوم شفت (حوير ) قصيرنا مستوجع ومشتحن لامه(اللي وافتها المنيه في عيد الاضحى اللي فات) .. وكان معاقبه صبي راعيه اللي من يشوفه ماغير يسحبه من ذيله يبغى يتجيد قدام ابيه) وانا بصراحه حزنت منه

ودكم تضيفون المعلقه خير وبركه

والا على قوله المثل ((ياطير يالي كل ماتبغى المطير ..في السماء والله لك درب سماح))

وأتمنى اني ابهرتكم وأطربت مسامعكم بأباتي الموسيقيه ف3

وسلامتـــــــــــكم
وتقبلي مشاركتي وتحياتي ومروري وسلام حوير قصيرنا ف1

[ريــميــة نــجــد@]

بنت راكان .. من جد فكره حلوه و ما أستنكرها منك..

بس المشكله أن القريحه عندي نضبت خلااص ما أقدر أكتب >>> تكفين يا الخنساء ههههههههههههههههه..

لا والله بحاول بعصر مخي عصر وإن شاء الله يطلع معي شيء..

مشكوره يا بنت راكان...

[¶ متهـورهـ بس ثقهـ ¶]

هلا وسهلا ..



آي ويل بي بـآك :$


يا ويل حالي على من صابته ضره .... على صغير(ن) دمعه بالخــد همـــالي

يبكي على أمه وينهج فاتح الفره .... يشكي عليها من غبـر ســود اللـــيالي

من غرير(ن) يلعب معه والا يجره .... يبغي يتسلى به وهو صار به غربــالي

يالله أنك تفرج عليه من هول حره .... وتشفي غليله من الذي مزوحه ثقالي


:

دوكم
:$



هموم هالدنيـآ كمـآ مليون ذرّه ... مـآتلقى مخلوق من الهم سـآلي

وليى توجّدت بتموت حـــــرّه ... كثر التوجّـد مـآيـرد غــــــــآلي

[زبدة عربها]

لبـــــــــــــــــا كبودكم جميع والله..
وصح لسانكم جميع والصراحه كل مشاركه اقوى من الثانيه والله يعطيكم العافيه..

والسموحه عالتاخير لان والله انشغلت شوي..

وهذاني جيتكم ولكم ماجبت من ابيات..



ياللي تلوموني على ماقول كل مره......الحب يجي مر وبعضه يجي حالي

وانا اشهد اني ذقت من الحب مٌره.........وما احتلت ارده لاباول ولاتالي....


###

[زبدة عربها]

...وين العرب..
ولا كمّلت قريحتكم..

يالله رووني ابداعاتكم..

[بـنـدر]

موضوع مزركش

وونيس

<< يقول كني ألــعب بلووت :)

^
^
خانه التعبير


وترقبوا المشاركه في وقتٍ لاحق

[ليل المزايين]

ياليتني لابغيت اكره قدرت اكـره
ماكان قلبي ليا جيت اكرهك عيا
هذي اول مشاركه اتمنى تعجبكم

[زبدة عربها]

ياحي الله بنت الاجاويد...

اررررحبي يالبا قلبش..

بتعجبنا والله غصب بعد..

وحياش الله..

[زبدة عربها]

يامرحبا ومسهلا ..
وحياك الله يالسنافي..

ووجودك هنا مزركش ..

وارحب ارحب..

[البدويه]

والله إنـيّ يـوم أجيـك وغايتـي مـسـروره 00 كنـيّ مرشّـح لحكـم .. وفـارق أستبيـانـي
دام حبّـك يالغـلا دولـه .. وأنـا دسـتـوره 00 رح تسيّد فـي حشـاي .. ومجلسـك وجدانـي
ودامك أوّل من نزل قلبـيّ وسيّـس سـوره 00 ليـه .. ماأعيّـد وقربـك فـي حمـى حدانـيّ
ياشعـورٍ لاكتبـتـه .. مـاخـذل جمـهـوره 00 يوم أغيّـب فيـه .. وأفكـاري وقـار الحانـي

[شامان]

شـــــــــــــــــــامان
من نوى لك بالمضره لاتسره
والجفا والبعد يرخص كل غالي
راضيين بالقدر خيره وشره
والظروف الي تغيرها الليالي
من نوى الفرقى عساها مستمره
الله يهنيه لاحصل بدالي

[زبدة عربها]

والجوف ياوجده وياحر حره

متشعللن شوقه للخلا الخالي

وياشوق شوقي وشوقي يامره

انا اشهد اني بالخلا يرتاح بالي

[فجر العيد]

فكره رائعه وانا أأيدك على طول وتسلمي .....
هاك هالبيتين ودري اذا بتعجب ولا ,,,,,,,,,,,
خلاني وبقلبي نار ودمعي ادره ’’’’’’’’’’’’’’’’ لكن على ماقيل تنسيني اليالي


وتقبلي تحياتي ومروري فجــــــــــــــــــــــــــــر العيد

[عجمي وعالي نجمي]

موضوع جمييييييييييييييييل يابنت راكان والفخر لي انش تجارين العرب بالقصيد والابيات لاهنتي يابنت راكان على الطرح المميز وانتي بصراحه شاعره في قمة الروعه لاهنتي والا الامام وانا جبتلي ابيات لعيونش يابنت راكان هع تقووول الابيات :


1- في وقتنا الحب صار اكبر مضــــــره &*& اي لافيو يعني احبك وتمشي بين الجهالي
2- تلعب عليه بكلمتين حلوه وتغـــــــــره&*& وهو يتبعها على هواها كانه مقيد بالسلالي
3- وعلومنا اما تكدر الخاطر ولا ماتســـــره&*& عكس ماضي السيف والرمح وفوح الدلالي

وسلامتكــــــم ..

لي عوده باذن الله ننتظر ابادعاتكم يله يالذيابه كملو الابيات ..

[¶ متهـورهـ بس ثقهـ ¶]

1- في وقتنا الحب صار اكبر مضــــــره &*& اي لافيو يعني احبك وتمشي بين الجهالي
2- تلعب عليه بكلمتين حلوه وتغـــــــــره&*& وهو يتبعها على هواها كانه مقيد بالسلالي
3- وعلومنا اما تكدر الخاطر ولا ماتســـــره&*& عكس ماضي السيف والرمح وفوح الدلالي


صح لسانك واسمح لي اكمّل على ابياتك ف2 ف2


وبعض البنات صارن للكسر مثل جرّه .. .. سهلٍ خدشها وللكسر ماتبآلي ..
همّها تقضي وقتها بالضحك والمسرّه .. .. وبلسانها كلمة ( هذا رقم جوآلي ) ..
والله لو إن بيدي نفـــــع او مضـــرّه .. .. لآ أفعل اللي مافعلوه الرجآلي ..








يلا اللي بعدي يكمّل ف2

[النايف]

^

^


الله الله


رآحت في خبـــر وآدي الشعـــرآء ف5ف6

[¶ متهـورهـ بس ثقهـ ¶]

بس عشـآن ماحد يشكك في قدرآت شاعريتي ف2 ف1

امثال الدرويش واعوانه الحاقدين ف2

انا شاعرة موقف ف2 ف1 هههههههههههههههههههههههههههههههههههههههههههه



الدرويش هد اعصابك احسك بتموت ف1

[لآبآس يآخآطري]

صح لسانك واسمح لي اكمّل على ابياتك ف2 ف2


وبعض البنات صارن للكسر مثل جرّه .. .. سهلٍ خدشها وللكسر ماتبآلي ..
همّها تقضي وقتها بالضحك والمسرّه .. .. وبلسانها كلمة ( هذا رقم جوآلي ) ..
والله لو إن بيدي نفـــــع او مضـــرّه .. .. لآ أفعل اللي مافعلوه الرجآلي ..








يلا اللي بعدي يكمّل ف2



انشهد انك شاعررررررره والله منتي بهينه ماشا ءالله

بس ابي ا عرف انتي سعوديه ولا كويتيه بس اتوقع سعوديه ..

[النايف]

أنتي في ووجهي يامتهـــورهـ :D


حنـا عـآرفين أنــكـ شاعــرهـ وأنــكـ تغــوصي البحــآر السبع ف1

بس خلي شعــركـ هذا بعــدين آذا أحتجــناهـ منــكـ ف5;):D




وبعـــدين أي حــآقدين بالله عليــكـ ف2


خـــلآص ولآأزيــد ف22

[¶ متهـورهـ بس ثقهـ ¶]

لآ بـآآآآآآآآآس ف2 ف2


علّم الحاقدين علي اني شاعره ف2


فيه عذآل هنا ينكرون شاعريتي ف2 ف1


:

لآباس ف2


ردّك اللي ماهو هيّن ف2


انا سعووديّه نمره واستمـآره ف2




/



النايف ف2



لا زيد زيد ههههههههههههههههههههههه

[النايف]

بس ابي ا عرف انتي سعوديه ولا كويتيه بس اتوقع سعوديه ..

لآبآس يآخاطري << أسمكـ رهيب مررررهـ ف2<< تبيعه بـ100 سعودي ف1

هـذي المتهــورهـ سعوديه وكويتيه وسمبــلآنيه << ركزوا ع سمبلآنيه ف1


لآبآس اذا ودكـ تبي تعــرف سمبلآويــه ؟؟؟ف2

أتـذكر ذيـكـ الحشــرهـ الي تخش عليكـ من تحت البـآب ف1ف1ف1ف1




بس تصــدقين يالسمبلآويه قصدي يالمتهورهـ حصلت لي معآكـ قصص كتير كتيــر ف1<< الله يرجكـ

اذا شفتهــآ تذكرتــكـ ع طــووووووووول هههههههههههههه

[¶ متهـورهـ بس ثقهـ ¶]

اسرد لي القصص الكتير لاهنت ف1

[لآبآس يآخآطري]

ههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههه


الله يقطع بليسك يانايف ضحكتني الله يضحك سنك


اما سمبلاويه هذي جديده هههههههههههاي


النايف افكرر اني ادخل متهوره في قصائد صوتيه عندي شركه صوتيات


<<<<يبي يسمع صوتها وبعدها يقفل جواله عفوا ان الرقم اللي طلبته
هههههههههههههههه


<<<نظام قديييييييييييييم ههههههههههههههههههههههههههههههه

[¶ متهـورهـ بس ثقهـ ¶]

تصدقون اني ماعرف سمبلاويه يعني وشو ف5

اللي اعرفه السيلانيه ف2 ف1

عشان كذآ على شحم للاحتياط ف2

يمكنها سبّه والا شي ف2

[عجمي وعالي نجمي]

وبعض البنات صارن للكسر مثل جرّه .. .. سهلٍ خدشها وللكسر ماتبآلي ..
همّها تقضي وقتها بالضحك والمسرّه .. .. وبلسانها كلمة ( هذا رقم جوآلي ) ..
والله لو إن بيدي نفـــــع او مضـــرّه .. .. لآ أفعل اللي مافعلوه الرجآلي ..








يلا اللي بعدي يكمّل ف2[/quote]




صح لسانش يالشاعره ولاهنتي على الابيات المميزه اسمحيلي اكمل الابيات واقول :



1-القدر لابد يصير اما بحالــيه ولامــره &*& والرجال مابيدينهم حيله بوقتنا الحالي
2-نسكت ونخبي بقلوبنا ونموت حره&*&من عقب الشجاعه ومسكن الجبالي
3-صرنا نذل لمن شفنا اصغر عيال الهره &*& قالو الزمن تغير قلت البلاء من الاجيالي

وسلامتكم ...

اتمنى انها تعجبكم ف20 طاح شعر راسي وانا ادور عن القافيه بس لعيونكم كل شي يهون يااقدع بدوان هع يله لاوصيكم بالابيات الباقيه الللللله يعينك ياللي بعدي ف40 تحياتي لكم


عجمـــي وعالــي نجمــي

[العنزي الوايلي]

لو سمحتم ارجو من جميع الاعضاءردود علي ان يعرفون الوزن والقافيه وكيف يجي البيت مكسور

[فهد الرسلاني]

اقول ارفعوها وعن الكلام اللي ماله داعي انم اكبر من كذا

[عجمي وعالي نجمي]

انتم وش تتكلمون عنه ترا مافهمت مقصودكم ياليت توضحون اللي تقولونه فهد الرسلاني ترا مافهمت وش قصدك وانت يالوايلي شغلتك شغله بس والله ماردك في طلبك واذا انت تبي تعرف البيت المكسور كلمني على الايميل وابشر بالسعد هاك [email]maks-a-@hotmail.com[/emai l]

[شوفك ابكاني]

ياحوير لاتحزن وموالك تجره.............هذا القدر واختارها الوالي
والموت آتي وما منه مفره............وما اظن احد عليه متعالي
وقبرهاعسى السحايب تمره...........ويسقيه ربي المزن همالي



انا الصراحه ما اعرف حوير شخصيا طبعا هو احد الاعضاء في المنتدى لكن الام غاليه على كل انسان الله يرحمها يسكنها فسيح جناته