غتــار على كرسي الاعتراف

[العنــا]

السلام عليكم ورحمة الله وبركاته

اعزائي اعضاء منتدى البدوان

اقدم لكم المشرف غتار مشرف قسم التسلية وسعة الصدر على كرسي الاعتراف

لمدة ثلاثة أيام

الان تفضلوا بإستجوابه



للتذكير فقط


تمنع الاسئلة العلمية والدينية .

يحق للعضو المستجوب رفض ثلاثة اسئلة فقط طوال فترة جلوسه على الكرسي .

يمنع تكرار الاسئلة .

[العنــا]

أول سؤال غتار

ماهو شعورك وانت تجلس على الكرسي ؟

[همس الأصيل]

هلا وغلا أخوي غتا111ر

يسعدني أن أكون ثاني من يوجه لك أسئلة ويارب تكون خفيفة عليك ..

1/ عرفنا على نفسك ..الأسم ..الهواياااات ؟

2/ هل أنت من محبي الشعر ؟ ولمن تقرأ من الشعراء؟

3/ من هم الأعضاء الذين تحرص على تواجدهم في مشاركاتك؟

4/ هذه الكلمات ماذا تمثل لك /

البــــــــــــــــحر

الحـــــــــــــــب

الغروووووووب


الأمــــــــــــل


منتدى البدوان


5/ هل تحس إنك قدمت للمنتدى ماتطمح له ؟


6/ هل أنت عضو في منتديات أخرى ؟؟


شاكرة لك تقبل الأسئلة بصدر رحب .... لك مني أرق تحية ..ف14:)

العناااااااااا يعطيك العافية على الترشيح ..[/font]

[همس الأصيل]

سؤال إلحاااااااااااااااااقي نسيت اضيفه إذا تكرمــــــــــــــــت تجااااوب عليه ...

البنووووووووووووووته الحلوووة اللي في الصورة الشخصية الخاصة بك من هـــــي؟؟



مع خالص احتراااااااامي وتقديرررررررررررري ...

[الـحـالم]

غتار

عندما تضيق بك الدروب وتحتار .. ويصعب عليك الاختيار ...

بين الكتم والبوح .. بين الالم والجرح ... ومن يخلو في زماننا ...

إلى من تتجــه بعد الله .. لبث همومك وما يعتريك ... ؟

وتحمل منا كثرة الاسئلة ... فأنت كريم ... وحسبي انا ننستحق ..

بكلمات قليلات منك تكفينا للاجابة ... فأحرفك مؤثرة ومعانيك موصلة ..

ثلاث رسائل موجهه لأعضاء المنتدى ..

الرسالة الأولى ( العضو ........ )

الرسالة الثانية ( العضو .........)

الرسالة الثالثة ( العضو ........)

الحالم

[بنت القصيد]

يامـــرحبـــا ياغتـــاااار

ربـــي يعينـــك أنــشاللــه علــى الأسئلــه ههههههههههههههه

لاكــن انا مانــي مكثـــره :)


هــل أنــت مــع أو ضــد زواج الأقــارب ؟؟ وليــش ؟؟



مودتـــي لــك

[غتا111ر]

اشكر كل من رشحني للمثول امام اسالتكم الحلوه ف10ههههههههههههههههههههههه

بسم الله نبدأ....

يعطيك العافيه اخوي العنا ,,,علي مجهودك الرائع في قسم العامه ,,,,وبالنسبه لسؤالك ماهو شعورك وانت تجلس على الكرسي ؟

شعوري كشعور اي طالب داخل الفصل وقاعد وراء والمدرس يشرح وهو ماهو فاهم وش السالفة ف1

[مغرورة بتواضعي]

عندي سؤال واحد بس عشان ما احب احرج بالاسئله


سؤالي هو انك توصف لنا موقف صعب مر عليك و ايش كان ردت فعلك؟؟؟

[غتا111ر]

هلا وغلا أخوي غتا111ر

هلا فيك

يسعدني أن أكون ثاني من يوجه لك أسئلة ويارب تكون خفيفة عليك ..

وانا اسعد همس

1/ عرفنا على نفسك ..الأسم ..الهواياااات ؟

مواطن سعودي بسيط ههههه الاسم نواف ...الهوايات لعبه الهوكي وجمع الطوابع

هههههههههههههههههه احب الشعر واكتبه وركوب الرحول عند الابل هههههههههههههه

2/ هل أنت من محبي الشعر ؟ ولمن تقرأ من الشعراء؟

ايه وشاعري المفضل سعد علوش

3/ من هم الأعضاء الذين تحرص على تواجدهم في مشاركاتك؟

لايوجد

4/ هذه الكلمات ماذا تمثل لك /

البــــــــــــــــحر

غموضه يحيرني ...

الحـــــــــــــــب

حلاة الروح ,,,

الغروووووووب

لحظه تأمل ,,,


الأمــــــــــــل

النور اللي يضيء حياتي ,,

منتدى البدوان

اعطيته القليل فأعطاني الكثير,,,,


5/ هل تحس إنك قدمت للمنتدى ماتطمح له ؟

نوع ما,,,,


6/ هل أنت عضو في منتديات أخرى ؟؟

نعم ....


شاكرة لك تقبل الأسئلة بصدر رحب .... لك مني أرق تحية

انا الي شاكر لك تواجدك في صفحتي اختي ..


سؤال إلحاااااااااااااااااقي نسيت اضيفه إذا تكرمــــــــــــــــت تجااااوب عليه ...

البنووووووووووووووته الحلوووة اللي في الصورة الشخصية الخاصة بك من هـــــي؟؟

ماتلاحظين انك زودتيها هههههههههههههههههههههههههههههههه

امزح هاذي ياطويلة العمر بنتي جوري الله يخليها لي ,,


تحياتي

[غتا111ر]

عندما تضيق بك الدروب وتحتار .. ويصعب عليك الاختيار ...

بين الكتم والبوح .. بين الالم والجرح ... ومن يخلو في زماننا ...

إلى من تتجــه بعد الله .. لبث همومك وما يعتريك ... ؟

الي اخوي الي اصغر مني علي طول لانا قريبين من بعض كثير والله يعينه علي دايم غاثه بسوالفي وهو مايقصير يخفف عني ههههههههههههههههههههههه

وتحمل منا كثرة الاسئلة ... فأنت كريم ... وحسبي انا ننستحق ..

بكلمات قليلات منك تكفينا للاجابة ... فأحرفك مؤثرة ومعانيك موصلة ..

ثلاث رسائل موجهه لأعضاء المنتدى ..

الرسالة الأولى ( العضو ........ )

الرسالة الثانية ( العضو .........)

الرسالة الثالثة ( العضو ........)


اعفيني اخي الحالم عن الجواب عن هذا السؤال انا صريح واخاف اجرح احد ,,,,,


مشكوووور اخوي الحالم علي تواجدك في صفحتي

[غتا111ر]

مرحبا فيك اختي بنت القصيد،،

هــل أنــت مــع أو ضــد زواج الأقــارب ؟؟ وليــش ؟؟

نعم لتقوية الترابط الاسري في مجتمعاتنا الذي يميل الي التفكك والانحيدار

اشكر علي تواجدك في صفحتي اختي بنت القصيد وملكة الالغاز ف7

[غتا111ر]

هلا فيك اختي مغرورة ولو اخذي راحتك بالاسئلة تمونين ،،،،

سؤالي هو انك توصف لنا موقف صعب مر عليك و ايش كان ردت فعلك؟؟؟

اصعب موقف مر علي كنت مره مسافر وكانت معي زوجتي وبنت جوري عمرها شهرين

وانا مع الخط كحة بنتي وانكتمت وظاق تنفسها وانا مع الخط وخصوصا اني اول مره يكون عندي طفل عليمي ماعرف ههههههههههههههههه وماقدرت اتصرف ومن حسن حظنا كنا قريبين من قريه اسرعة عليها والبنت خلاص صار وجهها ازرق من ظيق التنفس

وأول ماوصلت وقفت عندي بقاله وسألة عن مستشفي قالي فيه اثنين خاص وحكومي قلت وين الخاص اخلص البنت راحت علينا المهم وصفلي ورحت للخاص مالقيت فيه احد يقولون انتظر ندق علي الدكتور يجي قلت اقول ماعندكم سالفة وين الحكومي بس واثناء كل هالمشاوير كانت اهمها تحاول تسويلها تنفس اصطناعي رحنا للمستشفي الحكومي والحمد لله عطوها اكسجين وبخار وتعافت البنت ,,, وقعد يظحك الدكتور علينا يقول البنت شرقانه كان طقيتوها من ظهرها وخلاص هههههههههههههههههههههههه وهذا اصعب موقف رعب واجهته

اتمني اكون ماطولت عليك اختي مغروره وشاكر لك تواجدك في صفحتي ..

[نورالعيون]

السلام عليكم

غتااار الله يخلي بنوتك يارب

المهم عندي كم من سؤال لو مافيها ازعاج جاوب عليهم

ماهو رأيك بكرسي الاعتراف؟؟؟؟

هل انت راض عن نفسك ..؟؟
وما هي المجالات التي تتمنى ان تأخذها منهاجا في حياتك ؟؟


هل ندمت فحياتك على شي معيّــن ؟؟؟

ويعطيك العافيه يارب

[غتا111ر]

السلام عليكم

وعليكم السلام

غتااار الله يخلي بنوتك يارب

ويخليك ان شالله

المهم عندي كم من سؤال لو مافيها ازعاج جاوب عليهم

ابد خذي راحتك ..

ماهو رأيك بكرسي الاعتراف؟؟؟؟

ناجح جدا وطريقه لتقريب الاعضاء مع بعض ومازادمن نجاحه الا اخونا العنا بمجهوداته الرائعه ...

هل انت راض عن نفسك ..؟؟

مافي انسان كامل ولاراضي كل الرضي عن نفسه لكن اقول نوع ما,,,راضي

وما هي المجالات التي تتمنى ان تأخذها منهاجا في حياتك ؟؟

المجالات عديده وراح اختار الأصلح منها,,,جواب دبلوماسي ههههههههههههه

هل ندمت فحياتك على شي معيّــن ؟؟؟

لا والحمد لله


شاكر لك اختي نور تواجدك في صفحتي

[زبدة عربها]

الله قوه غتاااار..

شحالك..
اربك طيب..

الله يخلي لك بنيتك والله يرزقك بالذريه الصالحه انشاء الله..

الوكاد عندي كم سؤال واتمنى انهم مايكونون ثقلين عالمعده..^_^

س1: هل تحب البل..ومدى حبك لهم..وماهو النوع الاحب لقلبك؟؟

س2:قصيده تتمنى لو انت اللي كاتبها بجميع ماتحوى من معنى واحساس..؟

س3: لمن توجه هالابيات
1-:ياحبي اللي سنين أحياك واموتك**الى متى وانت تموتني وتحيني..؟

2-ماقول غير الله يخليك يارب** ويعمي عيونن من حسدها تصيبك..؟

3-جعل من لامني في حبك يصبح ضريري** فاقد شوفه ويتلمس بعصاه<<قوي ادري ؟؟

4- آخر عباراتي وداع وآخر مشاويري رحيل**جيتك وبي لفحة ضما واقفيت كبدي ناشفه؟

5-إشتقت لك شوق فاق الشوق يا شوقي** شوقٍ شقا روح ( زود الشوق ) مشقيها؟

6-أمـوت من فـرقـاك .. وأمـوت بلقـاك**وأمـوت من جورك ..وأمـوت بحنـانك؟

7-قدعطيتك وانت ماظنك لئيم** والنصيحه لليالي تذكره
لاتحرك جرحي الماضي الاليم**ولاتحسب ان طول بعدك بخره؟

8-كل شي يهون غير التجاهل والصدود** ماقبله من غيرك شلون منك اقبله؟

9-(وعاشر من اتعاشر مقوله لهـا ازمـان**فـلا بـد مـن فرقـا بليـا تجماعـي) ؟

10- يجيني منه هيبة معزه,سحا وتقدير::أقابله عندي علم واروح ماقلته؟


###

الله يعينك ادري نشفت ريقك بس اتمنى انك تجاوبها كلها ...

آآآآخر سؤال: احلى او اقوى توقيعين عجبنك بالموقع ؟


اشرب ماي ورى كل سؤال..


وسلامتك..^_^

[rayanat al3ood]

غتااااااااااااااااااااار

الله يعطيك العافية انا بطلعك من جو التحقيقات الى جو حب الاستطلاع ف7

و الله يعينك على ما جاااااااااااك >>> قول آمين

س1: كم كيلو ارز تاكل كل يوم ؟؟؟ و كيف تزن لقمتك؟؟ ف1

س2: كم كيلو فصفص تقرضه كل يوم على فكة الريق و انت رايح الدوام؟؟

س3: هل تتطلع الى المشاركة في مزايين بورقيبة؟؟؟ ف6

س4: كم كرسي كسرت بجلوسك عليه الى حد الآن ؟؟

س5: ما هي اولوياتك بعد جر الربابة و مشاهد الحيران؟؟

س6: على من تستند اذا ضاقت عليك الوسيعة ؟؟

س7: متى اخر مرة كلت حلتيتة ؟؟ و لماذا؟؟

س8: هل تؤمن بطب جداتنا العجايز ؟؟ و اذكر موقف اذا وجد و و كم عدد حالات الوفيات ؟؟

س9: ما هو حيوانك الاليف عدا عنزتكم المربوطة فالحوش ف1؟؟

س10: و اخيراً وش رايك بالاسئلة ؟؟؟

و تقبل اسئلتي و مروري و تحياتي

[البدويه]

السلام عليكم

وشلونكم سأل ومسأول ان شاءلله طيبين وبخير


ياهلا والله فيك اخوي العزيز غتا111ر على كرس يالاعتراف صج لايق عليك الكرسي جنه مفصلك

والله انا الحين ماعندي اي سؤال ؟؟

بس حبيت امر وسلام وشوف اسألت الاخوان والاخوات وردودك عليهم

والله يعطيك العاافيه ويعينك على الردود



ولا انسى ان اشكر الكابتن العنا على هالموضوع والله يعطيه العافيه وماقصر

داايم مبدع ومجتهد و راائع 00 الله يخليه لنا وللمنتدى



وتحيتي للجميع

[نورالعيون]

http://www.alqsed.com/up/uploads/4656624222.gif (http://www.alqsed.com/up)

يسلمو غتار ويوفقك ويسعدك ربي


http://www.alqsed.com/up/uploads/72debc960a.gif (http://www.alqsed.com/up)


http://www.alqsed.com/up/uploads/4656624222.gif (http://www.alqsed.com/up)

[۩ .. بقـايـا غيــوم ..۩]

http://home.no.net/anyas/anyaflower106.gif

غتا111ر

..هلا وغلا فيك أخــوي منور كرسي الاعتراف ..


* قد يتاجر البعض بكل شئ فى سبيل ان يصل الى ما يطمح
اليه ولو على حساب اقرب الاقربين اليه !!!
ماهو الطموح بنظرك ؟

* الاصدقاء والاخوان والاحباب كل الناس يتخلل علاقتهم شيء
إسمه ( العتـاب ) .
هل تتقبلــه بصدر رحب ام تفهمــه بشكل ثاني ؟

* ترى كيف تكون شخصية واسلوب غتا111ر عندما
تكون طرف في نقاش او حوار يتسم بالجديه ..
وكيف تتصرف لو احسست بوصول هذا النقاش
الى طريق مسدود ؟؟

... اسفه على الاطاله ولك حريـــة الاجابه ...

.
.

ولا انسى اخيراا شكر المبدع والمتالق العنـــا
على اتاحة الفرصه لنا والتقرب من الاعضااء اكثر
عساك عالقوه ....


مع خالص الود والاحترام

۞سفـ الخوالد ـيرة۞

http://home.no.net/anyas/anyaflower106.gif

[غتا111ر]

الله قوه غتاااار..

الله يقويك أختي بنت راكان...

شحالك..
اربك طيب..

الحمد لله بخير وعافية ..

الله يخلي لك بنيتك والله يرزقك بالذريه الصالحه انشاء الله..

الله يجزاك خير أختي ..


الوكاد عندي كم سؤال واتمنى انهم مايكونون ثقلين عالمعده..^_^

لا عاادي أخذي راحتك أختي ...

س1: هل تحب البل..ومدى حبك لهم..وماهو النوع الاحب لقلبك؟؟

أكيد أحبهااااااااا.... لدرجة العشق ....الصفر ..

س2:قصيده تتمنى لو انت اللي كاتبها بجميع ماتحوى من معنى واحساس..؟

لايجضرني الآن ...

س3: لمن توجه هالابيات

1-:ياحبي اللي سنين أحياك واموتك**الى متى وانت تموتني وتحيني..؟

بنتي جوووووووري

2-ماقول غير الله يخليك يارب** ويعمي عيونن من حسدها تصيبك..؟

بنتي جووري..

3-جعل من لامني في حبك يصبح ضريري** فاقد شوفه ويتلمس بعصاه<<قوي ادري ؟؟

لام جووووووري ..


4- آخر عباراتي وداع وآخر مشاويري رحيل**جيتك وبي لفحة ضما واقفيت كبدي ناشفه؟

لا يووجد..

5-إشتقت لك شوق فاق الشوق يا شوقي** شوقٍ شقا روح ( زود الشوق ) مشقيها؟

بنتي جوووووووووووري..

6-أمـوت من فـرقـاك .. وأمـوت بلقـاك**وأمـوت من جورك ..وأمـوت بحنـانك؟

لزوجتي الغالية ..

7-قدعطيتك وانت ماظنك لئيم** والنصيحه لليالي تذكره..

لاتحرك جرحي الماضي الاليم**ولاتحسب ان طول بعدك بخره؟

لا يوووجد..

8-كل شي يهون غير التجاهل والصدود** ماقبله من غيرك شلون منك اقبله؟

لايوووجد....

9-(وعاشر من اتعاشر مقوله لهـا ازمـان**فـلا بـد مـن فرقـا بليـا تجماعـي) ؟

لاعضاااء البدوووووان ...

10- يجيني منه هيبة معزه,سحا وتقدير::أقابله عندي علم واروح ماقلته؟

للوالده الله يحفظهاااااااا..
###

الله يعينك ادري نشفت ريقك بس اتمنى انك تجاوبها كلها ...

اتمنى اكون جاوبت عليها كلها واللي ماقدرت عليه برد اذا رجعت من أم رقيبة..

آآآآخر سؤال: احلى او اقوى توقيعين عجبنك بالموقع ؟

توقيع أخوي مسااافر للشقى ...و أخوي كحيلااان ..

اشرب ماي ورى كل سؤال..

لا عاااادي أختي أسئلة حلوووة ..

وسلامتك..^_^


الله يسلمك أختي شاكر لك هالأسئلة ....



أخواني الأعضاااء باااقي الأسئلة راح أجاوب عليها اذا رجعت لأني ماشي

الآن لام رقيبة ..


تحياتي لكم ..

[¶ متهـورهـ بس ثقهـ ¶]

<== تشرب شويهيه وتنـآظر غتآر عن بُعد ف2


أبدأ قولي ببعض الابيات الخزعبليه .. ف2


لآ حدك المنتدى على قول اللي مايقال ف8

قوله انك مانت قآيل قصر معك الزمن او طــآل ف8

وبآلمرهـ سلملي على العنـآ وبآقي العيـآل ف8

وصل فرضك واقضب ارضك وخل عنك الهبآل <== ف1 ف1

:
:

يلآ يـآالعنـآ .. عطنـآالشـآهي عطنـآ المـآهي .. خلنا نكيّف .. ف2 ف1

1.. متى آخر مرهـ بكى فيهـا غتـآر ...؟ ف5 ف9

2.. موقف صار لك ايام ماكنت ورع .. ولا تنسـااه مهمـا كآن ... ماهو ياترى ؟ ف5

3.. نكتهـ سمعتهآ وتحس إن هالنكتهـ مآبعدهـآ نكتهـ؟؟

4.. وش رآيكـ بالبني الي يدخلن شآتات وباتات وماتات / ؟ صراحتن وطراحتن ف5

5.. وش داخل بوكك لا هنت ؟؟ ف2

6.. هل تؤيد الزواج العائلي ولا تؤيد الزوآج من خـآرج العائله ف5 <== وش هالدخله ف5 ف1 ف1 ف1


7.. هل تعرف عمري واذا ماتعرفه كم تعطيني عمـر ..! ف2 ف2 ف2 ف2


8.. لو طلبوك التلفزيون لتقيدم برنـآمج .. يعني تصير مذيع .. وش تبي تصير مذيع برنامج شعري او فكاهي او اخباري او مناقشات او او شي من عندك لو حبيت تضيف .. حتى لو تبي تصير في كلام نواعم اتوّسط لك ماعندي مشكله ف1 ف1 ف 2



9..هذآ انا جيتك اسولف يآفهد من حر مــآبي

فضفضه ابو بوحـ .. مدري؟! المهم جيتك وانا

ضايقـ(ن) صدري وقلبي ماقوى يحمل صوآبي

والقمر مـآبان نورهـ ولا لمحت عيني سنــآ ف2

^
^

رد على هالابيات الي لفيصل العدواني ف2


يلااا يلاا رد .. ف5



:
:


يآخي احس اني ولا الام بي سي مع هالتقطيعات .. ولا اكثر من ستمئه الف مرهـ ارووح أطالع مسلسلآتي وأجي وأروح أسكّت ورعـآننـآ <= عاد ذولي كلفووني ساعهـ ونص وثلاث دقايق ف1 ف2



يلا خلاص زعلت منيب مكمله اسئلهـ



وخر عني .. مناكـ يلااا ف1

[راعي اطير الوحش]

السلام عليكم
اخوي غتااار
انا لا اريد اسالك ولاهم يحزنون
بس ابا اقولك الله يعينك على الاعظاء

[العنــا]

انتهت الفتره المقررة لجلوس غتار على كرسي الاعتراف

شاكرين حسن تجاوبه معكم . وسوف يكمل الاجابه على اسئلتكم بعد عودته

الموضوع مفتوح . لحين عودة غتار حتى يجيب على الاسئلة الرجاء عدم اضافة اي رد

أما بالنسبة لآخواني اللذين شكروني العفو يالغالين والشكر لله وماسوينا ومهما علمنا

مقصرين

لكم مودتي واحترامي

[غتا111ر]

السلام عليكم ورحمة الله ...اناسف اخواني الاعضاء علي التاخير بس كنت في ام ارقيبه

وابشركم فزنا بالمركز الثالث فئة 30 صفر..<<<<<<<<<باركوله ههههه




الله يعطيك العافية انا بطلعك من جو التحقيقات الى جو حب الاستطلاع

و الله يعينك على ما جاااااااااااك >>> قول آمين

الله يعافيك اختي ريانه..أمين

س1: كم كيلو ارز تاكل كل يوم ؟؟؟ و كيف تزن لقمتك؟؟

كوب ونص ههههههههه والله مدري بس فمي صغير ههههههههه

س2: كم كيلو فصفص تقرضه كل يوم على فكة الريق و انت رايح الدوام؟؟

اقرض والله معمول تمر مع فنجال اقهوه وانا داعس علي طريق عنيزه البكيريه رايح الدوااااااااام هههههههههههههههههههههههههه



س3: هل تتطلع الى المشاركة في مزايين بورقيبة؟؟؟

حمدلله مشاركين وفايزين بالمركز الثالث

س4: كم كرسي كسرت بجلوسك عليه الى حد الآن ؟؟

ولا كرسي حتي البلاستك لاني خف الريشه يبيلي مشروع تسمين ههههههههه

س5: ما هي اولوياتك بعد جر الربابة و مشاهد الحيران؟؟

مطارحت الحشو اي (البعرور الصغير )ههههههههههه في الشبك هههههههههههههههههههه

س6: على من تستند اذا ضاقت عليك الوسيعة ؟؟

علي ربي.

س7: متى اخر مرة كلت حلتيتة ؟؟ و لماذا؟؟

اسمعبها بس ولا عمري شفتها مو اكالها ههههههههههههه

س8: هل تؤمن بطب جداتنا العجايز ؟؟ و اذكر موقف اذا وجد و و كم عدد حالات الوفيات ؟؟

مقتنه فيه خاصه للاطفال وماذكر ولا حالتي وفاه بس اسبوع بالمستشفي هههههههههه

س9: ما هو حيوانك الاليف عدا عنزتكم المربوطة فالحوش ؟؟

البعير المربوط في الشبك ههههههههههههههههه

س10: و اخيراً وش رايك بالاسئلة ؟؟؟

عسل دامها منك هههههههههههههههههههههه

و تقبل اسئلتي و مروري و تحياتي

تسلمي اختي وشاكر مرورك صفحتي

[غتا111ر]

غتا111ر

..هلا وغلا فيك أخــوي منور كرسي الاعتراف ..

النور نورك اختي بقايا غيوم


* قد يتاجر البعض بكل شئ فى سبيل ان يصل الى ما يطمح
اليه ولو على حساب اقرب الاقربين اليه !!!
ماهو الطموح بنظرك ؟

هدف سامي يضعه الانسان امام ناظريه ويفعل المستحل الي تحقيقه..


* الاصدقاء والاخوان والاحباب كل الناس يتخلل علاقتهم شيء
إسمه ( العتـاب ) .
هل تتقبلــه بصدر رحب ام تفهمــه بشكل ثاني ؟

اتقبله بصدر رحب وكثير تصير معي ...

* ترى كيف تكون شخصية واسلوب غتا111ر عندما
تكون طرف في نقاش او حوار يتسم بالجديه ..
وكيف تتصرف لو احسست بوصول هذا النقاش
الى طريق مسدود ؟؟

شخصية متفهمة أحاول أفهم الطرف الآخر و أكون لي نظرة معينه لهذا النقاش ..اتصرف عادي أغلق الموضوع ولحين هدوء النفوس وبعدين أرجع وافتحه



... اسفه على الاطاله ولك حريـــة الاجابه ...

لاعاد اختي واتمني اني اجبتك علي اسالتك وتشرفت بمشاركتك في صفحتي

[غتا111ر]

السلام عليكم

وشلونكم سأل ومسأول ان شاءلله طيبين وبخير


ياهلا والله فيك اخوي العزيز غتا111ر على كرس يالاعتراف صج لايق عليك الكرسي جنه مفصلك

والله انا الحين ماعندي اي سؤال ؟؟

بس حبيت امر وسلام وشوف اسألت الاخوان والاخوات وردودك عليهم

والله يعطيك العاافيه ويعينك على الردود



ولا انسى ان اشكر الكابتن العنا على هالموضوع والله يعطيه العافيه وماقصر

داايم مبدع ومجتهد و راائع 00 الله يخليه لنا وللمنتدى



وتحيتي للجميع


تشرفت بمرورك ولاعدمتك اختي البدويه نورتي الصفحه ...

[غتا111ر]

ههههههههههههههههههههههههههههه

هذا اللي مخوفني متهوره وتسأليني رحنا وطي ف9

1.. متى آخر مرهـ بكى فيهـا غتـآر ...؟

قبل سنه لما مات ولد اخوي عمره 1ونص بحادث وكنت احبه موووت

2.. موقف صار لك ايام ماكنت ورع .. ولا تنسـااه مهمـا كآن ... ماهو ياترى ؟

مره كانت معي نباطه وذبحت حمام جارني السوري ومسكني ورفع فيني ترفيع

للحين احسه بوجعه ههههههههههههههههههههههههههههههههههههههه

3.. نكتهـ سمعتهآ وتحس إن هالنكتهـ مآبعدهـآ نكتهـ؟؟

في محشش جالس علي باب بيتهم في وقت متأخر جته دوريه سألوه قالوله انت من

أهل البيت قالهم لا من كفار قريش هههههههههههههههههههههههههههه

4.. وش رآيكـ بالبني الي يدخلن شآتات وباتات وماتات / ؟ صراحتن وطراحتن

قليلات حيا من احترام للجميع وتظل وجهة نظر ..

5.. وش داخل بوكك لا هنت ؟؟

بطاقتي وبطاقة صراف البنك الاهلي والبنك الراجحي بس

6.. هل تؤيد الزواج العائلي ولا تؤيد الزوآج من خـآرج العائله <== وش هالدخله

جاوبت عليه كتبت السؤال اختي بنت القصيد..


7.. هل تعرف عمري واذا ماتعرفه كم تعطيني عمـر ..!

15هههههههههههههههههههههههههه امزح يمكن من 20 الي 25


8.. لو طلبوك التلفزيون لتقيدم برنـآمج .. يعني تصير مذيع .. وش تبي تصير مذيع برنامج شعري او فكاهي او اخباري او مناقشات او او شي من عندك لو حبيت تضيف .. حتى لو تبي تصير في كلام نواعم اتوّسط لك ماعندي مشكله ف 2

برنامج شعري طبعا ..

9..هذآ انا جيتك اسولف يآفهد من حر مــآبي

فضفضه ابو بوحـ .. مدري؟! المهم جيتك وانا

ضايقـ(ن) صدري وقلبي ماقوى يحمل صوآبي

والقمر مـآبان نورهـ ولا لمحت عيني سنــآ

^
^

رد على هالابيات الي لفيصل العدواني


يلااا يلاا رد ..

ههههههههههههههههههههههههههه
اعفيني من الرد يبيلها تفكير وشغله وانا دوبي جاي من سفر ودي اريح ...

احلى ماصفحتي هي مداخلتك اختي متهوره ...

[غتا111ر]

السلام عليكم
اخوي غتااار
انا لا اريد اسالك ولاهم يحزنون
بس ابا اقولك الله يعينك على الاعظاء

يعطيك العافيه اخوي تشرفت بمرورك ونورك صفحتي ...