نقطة تحول

[كفشتي طأيرهَ]

[ السلآم عليكم ورحمة الله وبركآته ]


صبآحكم / مسآئكم جوري ~

الكثير منآ يشآهد أو قد شآهد برنآمج " نقطة تحول " الذي يقدمه المذيع سعود الدوسري على قناة ام بي سي ..

أعجبتني فكرة هذآ البرنآمج وأحببت أن أنقلهآ إلى هنآ ومنهآ نتعرف على نقطة تحول أعضآء منتدى " البدوان "

اهني تقدرون اتكلمون بحريه دون مقااطعه

http://www.love-m.com/upload/uploads/images/lovem-b03fcc8d65.gif

لكل منآ نقطة تحول كآنت الفيصل في تغيير مسآر حيآتنآ !

مآهي نقطة التحول في حيآتك وهل كآنت دآفع لـ تحقيق النجآح !




اذا حبيتوا شاركوا واذا مااحبيتواا اعتبروه مو موجود:o

ودي ~

[عنآد العقاب]

وعليكم السلام ورحمة الله وبركاته ,

موضوع طيّب , شكراً للطرح ,

لكن يبغالي وقت للتفكير بنقطة التحول اللي عايشتها :)


لي باك :)
"

يعطيك العافيه " كفشتي"ف17

[ناصـر العـتيبي]

موضوع رائع
واقتباس أروع لفكرة البرنامج

اما بالنسبه لنقطة التحول

يبيلها تفكير

لي عوده

[كفشتي طأيرهَ]

عنووده

مشكوره على مرورج

ناطرين نقطه التحول في حيااتج

[كفشتي طأيرهَ]

متجدد

مشكور على مرورك وعلى تاييدك للفكره

بنتظار عودتك

[كفشتي طأيرهَ]

اممممممف2


وين الي يبون يكتبون نقطه التحول بحيااتهمف5

[عنآد العقاب]

السلام عليكم ورحمة الله وبركاته

عوده لعيون " كفشتي "

نقطة التحول بحياتي كانت برمضان اللي فات ,

صعبه أسرد لكم التفاصيل كامله , بس باإختصار :

صارت إمور كثييره و أحداث غيّرت مجرى حياتي , و إكتشفت

بعد فتره إن كل هالإمور اللي صارت كانت لصالحي , والحمدلله

بعد فتره بدت الرؤيه تتضح لي , وهذاني شادّه حيلي و جالسه أبذل

مجهود كبير من أجل الإستمرار على نفس الطريق , و إعتذر ماقدرت أخصص

بالحكي بس صعبه شوي , أتمنى تشاركينا بنقطة التحول يا" كفشتي "ف17

و أشكرش عالموضوع مرتن ثانيه :)

[كفشتي طأيرهَ]

وعليكم السلام وحمه الله وبركاته

مشكوره يالغلا مااقصرتي

اختصرتي كثيرر بس ماعليه المهم انج تعلمتي

الله يوفقج ويثبتج والحياه دروس الشاطر يتعلم منها

انشاءالله بشارك

اسعدني مرورجف14

[ناصـر العـتيبي]

عوده لنقطة التحول

كانت بسن 15 تقريبا وكانت مفترق طرق لتحديد الميول فتخبطت هنا وهناك الى ان اخترت أن اكون كاتبا
وسرت على اختياري الى الأن وذلك اكسبني الموهبه المتطوره
واخرها تقديم حفل تكريم للصحفيين والكتاب بشهر 6 الماضي


كفشتي
ألف شكر على الموضوع الرائع

تقبل مروري مره اخرى
اخووك
متجدد

[كفشتي طأيرهَ]

يعطيك العاافيه

اخوي متجدد

تقبل تحياتي

[كفشتي طأيرهَ]

نقطه التحول بحيااتي كانت عند فشلي باني اجيب نسبه ادخلني القسم الي كنت احلم فيه

وللاسف كانت نسبتي 70 ادبي ماوقفت حياتي عند النسبه عدت الى ادراج الدراسه مع انه الكل رافض

وماشجعوني والكل قال عني غبيه . مع ذلك عدت رابعه ثااثوي ورديت الى المدرسه وقعدت الصبح والواجبات

وصلنا للامتحانات الفااينل وشديت حيلي وامتحنت وخلصت وجت النتاايج طبعااا النتايج كانت صعبه حييل

لاني كنت خايفه مااجيب نسبه وانه كل التعب يروح على الفااضي وراح تثبت علي المقوله اني غبيه واني ضيعت نفسي . كنت مترقبه النتيجه لانه اخر يوم بالامتحانات تسجلين رقمج واذا طلعت النتايج يجيج مسج بالنسبه
دقيت على رفيجاتي الي كانوا معاي بالصف كل ماادق على وحده تقول وصلت والي دقيت عليهم عندهم دور ثااني واهني اشتغل البجي والصراخ وكل شي بعدين حالتي تكسر الخااطري ابوي دق على شركه الاتصالات وقال بعرف نسبه بنتي والحمدالله طلعت النتيجه وكنت جاايبه 80 ماصدقت وكنت مستانسه اكثر وفرحانه وان الله مااخيب لي تعب .

وبعدين رحت لجامعه الكويت كان اخوي معااي عشان بسجل واهو كان رافض اني ادش علوم سياسيه
وانا كل هالتعب الي تعبته عشان ادش هالقسم ردني طبعاا للبيت قال ماكو تبين تربيه دشي غيره لا شنو بيقول عنا الناس بنتهم وين اداووم من هالحجي هذا

رحت لابوي وكلمته انا تعبت ولي حق اني ادش الشي الي حلمت فيه واتمناه وبعد الحاح وبعد ترجي وابوي كان رافض بعد ما ضاقت فيني الوسيعه وقلت حلمي راح والتعب الي تعبته راح ماوقف عند رفض اهلي انا قويه بأس وعنيده مو معقوله استسلم بسهوله ودقيت على سندي جدي وكلمته طبعا جدي مايعرف شنو القسم المهم قال لج الي تبينه يااوليدي للحيني مانسى كلمته وصار الي ابيه ا ودشيت ونجحت باختبار القدرات وداومت كورس كامل بعدين مارتحت حسيت اني مو موفقه لاني يمكن الكل كان رافض .سبحان اذا كان اهلك مو راضين عنك ربك ماايوفقك

سحبت اوراقي ودشيت تربيه القسم المناسب لي كوني بنت قبيله والقبيله لهاا حدود صعب انه البنت بمجتمعنا اتخطااهاا مهما تطورنا وقلنا تفتحت عقلونا تظل العنصريه موجوده والقبيله دايمن حاضره بقولناا

وبس هذي نقطه التحول بحياااتي انشاءالله ماكون طولت عليكم

ودي لكم ~

بانتظار نقطه التحول بحيااتكم ياليت الكل يشارك

[عنآد العقاب]

مبروك حصولك عال80 % ف37


قصتي بالدراسه تشابه لك شوي ,

حلو إنّك كملتي وثابرتي لحد ماجبتي ال80 , جهدك وتعبك ماضاع ,

موفقه إن شاءالله , و في إنتظار بقية الأعضاء ,

و توشكرين عالموضوع الطيّب. ف14

[كفشتي طأيرهَ]

الله يبارك فيج يالغلا

اضم صوتي لصوتج ننتظر بقيه الاعضاء يشرفونا اهنيف14

[كفشتي طأيرهَ]

امممم ليش ماتشرفون الموضوع وتقولون نقطقة التحول بحيااتكم ؟؟

[بإنتـظآآآآركـ]

كفشه تشكرين على الموضوع :)

نقطة تحولي كانت بالمدرسه أيآم آلمتوسط

كنت شقيّه والمعلمات يتنرفزون منّي
وعندي شله عاد تعرفون اللي عندها شله دآشره تقعد تهايط ف43

كنت دايما آرد على المعلمات واكتب تعهدات ووحده من المدرسات حلفت ترسّبني بمادتها
وفعلآ عدت السنه بسببها ف4 .. وبعده مشيت على الصراط المستقيم

رب ضارّة نافعه

[@ ترايستار @]

كفشتس طايره ..
سألتك بالله تفطنيني بعدين ارجع للموضوع اكتب لتس نقطه
من جد اعجبني الموضوع ..
بس الحين انا على تالي بطارياتي خخخخخخخخخخـ اقصد سهران ..
ياخوتس .. انا بذمتس تفطنيني .. عشان ارجع
لأني اذا يسر الله راجع راجع لهالموضوع ..
قولي آمين خخخخخخخخخخخخـ

":/÷ـأ<؛×*لأ؛)*&لأ؛×&*لأ‘{إ ألأ :)

[الذيبه]

وعليكم السلام و رحمة الله وبركاااته


يعطيك العافيه كفوش
طرح رائع ومنه تعم الفائده للجميع

لي رجعه ان شاء الله . .

[كفشتي طأيرهَ]

بانتظارك

كلنا مرينا بالموقف اول المراهقه يكون الانسان مندفع ويحاول يثبت نفسهف090

ومادري احس الشله الطايشه مطلوبه بالسن ف24

امتعينا ونورتي المووضوع يالغلاف090

ودي لج ~

[كفشتي طأيرهَ]

التررس

حياك الله باي وقت تشرفنا بالموضووع ف24

احس بجعبتك مواقف عجيبهف090

بانتظارك لاطول علينا ....ف14

[كفشتي طأيرهَ]

الذيبه

هلا وغلا يابعد شبدي انتي ف090

بانتظارج لاطول علينا.....ف14

[الذيبه]

نقطة تحولي ياطويلة العمر شيء بسيط لكن من جد ماكنت مهتمه في هالامر من قبل
مره مرضت وكان المرض بسيط وتنومت وسبحان الله حسيت الدنيا تغيرت علي مع اني ماطولت اسبوع
ياني حسيت بضيقه و كرهت الدنيا واهلي حقدت عليهم كانو يجوني شوي ويمشون ومو كل اقاربي زاروني والي مر سلم ومشى وحضرت سموي ابيهم يجوني باليوم مرتين ع الاقل

والله اول مره احس بالمرضى والي مايقدرون يتحركون والي اهاليهم قاطعينهم
ومعاملة الممرضات مو ذاك الزود بالذات انهم في اوقات يطنشون

بعدها والله صايره ماانسى المتنومين والمرضى من الدعاء ولما اسمع بأي شخص متنوم اهتم بالسؤال عنه و زيارته


وفيه كثير تغيرات وتطورات وتحول بس اشياء بسيطه كل يوم نفهم شيء ونصحح اخطاء اعتبرها نقطة تحول


وتشكرين الف شكر كفوشه
وننتظر بقية الاعضاء

[كفشتي طأيرهَ]

الذيبه
هلا وغلا حياج الله
طلعتي انانيه تبينهم دوم عندج ههههه
اكيد عندهم ظروف هلي ماجو عليج
المريض محتاج اللي يسال عنه ويخفف عنه
الله يعافي كل مرضى المسلمين
ربي يوفقج تشكرات لتواجدج ياحلووه م6