محاورة بين الشاعر سلطان الهاجري والشاعر سعد بن جدلان

[زبدة عربها]

بسم الله الرحمن الرحيم

السلام عليكم ورحمة الله وبركاته وبعد

هذه المحاورة جرت بين كلا من سعد بن جدلان الأكلبي و سلطان بن وسام الهاجري



الهاجريhttp://www.raffe3.com/uploads/27d4b1037e.jpg (http://www.raffe3.com/)
يا سلامي ردةٍ من بقيق إلى الجنوب
الهبوب تدفها و السعد يبرا لها
ما اقدر اصدق صدوق و لا أكذب كذوب
لين أشوف الغترة اللي يطيح عقالها

سعد بن جدلان :http://www.raffe3.com/uploads/215d9ad757.jpg (http://www.raffe3.com/)
مرحبا ترحيبة كنها رسم النصوب
كلما نشّت يسير العرب باضلالها
صاحبي قد له سنة قلبه دبوب
لا لقا له صخرة ماتشال اشتالها


سلطان الهاجري :
انت مندوب الأذاني و مندوب القلوب
و الحقيقة كل حسنة بعشر أمثالها
شلتها من قو باسي و لا نيب مغصوب
و انت حتى العوسجة تنسدح بضلالها


سعد بن جدلان :
أنت دايم منشغل في الحساني و الذنوب
تحسب ان رب الملا ما خلقك الا لها
ما نبي نور القمر يختفي قدم الغروب
تأخذه يمنى الهوا بالهوا لشمالها

سلطان الهاجري :
ليش تهرج كذا و انت شعب من الشعوب
الشعوب لحالها والملوك لحالها
ما نعرف الأجرب الا اليا حك الجنوب
و الفرس ما تشره إلا على خيالها

سعد بن جدلان :
انت يا سلطان ما انتب على العليا مغصوب
خلها ترتاح احلا لكم و احلا لها
أنا حراث المزارع و طحّان الحبوب
لا طحن لك حبة ما عطاك بدالها


سلطان الهاجري :
أنت ابن جدلان ما انته بعلام الغيوب
كل يوم يا سعد حالتك يرثى لها


###

[مطيري]

السلام عليكم ورحمة الله وبركاته


شاعرين عماااااااااااااالقه

سعد بن جدلان وسلطان الهاجري

محاوره رائعه امتعتينا في قرائتها

[زبدة عربها]

... يامرحبا ومسهلا..

حياك يالمطيري..

اكرمتني بمرورك الطيب..

[بري حالي]

http://www.raffe3.com/uploads/27d4b1037e.jpg :)



االله الله عليتس محاورة رائعة لشعراء من الطراز الاول فحول الشعر


تسلم يمناتس لاعدمناتس



دام عزتس وعساتس علاالقوة دووم يالغلا

[بـنـدر]

الله الله الله الله

ابن جدلان

انت يا سلطان ما انتب على العليا مغصوب.......خلها ترتاح احلا لكم و احلا لها


سلطان :

أنت ابن جدلان ما انته بعلام الغيوب.....كل يوم يا سعد حالتك يرثى لها

ياسلام

لعب كايف والأجمل النقض والفتل والتمريرات الخفيّه

صح لسانهم

وسلمت يمينش يابنيت راكان

[مهرة الشمال]

يااسللام شعراااء

ماايحتااج شهاادهـ مني

يسلمووو

[الرحــال]

بنت راكان

مشكوووووووووووووووووووووووووره على النقل الرائع

محاوره بين عمااااااااااااااااااااااااالقه

الله يعطيكِ العافيه

[زبدة عربها]

بري حالي..
ارحبي واقربي يالشيخه..
ياهلا وغلا..
تسلمين عالمرور ولاندمتي..

[زبدة عربها]

صح بدنك يابندر..
الله يسلمك يالشيخ..

حياك..

[زبدة عربها]

مهره الشمال..

حياش ربي ..

الله يسلمش..

[زبدة عربها]

الرحال..

لاشكـــــــــــــــــــــــر على رغبــــــــــــــــــــه..

الله يعافيك ..
لاهنت عالمرور الطيب..