نايف جهز بن شريد
12-09-2007, 04:32 PM
قدم اليكم قصائد للشاعر عبدالله بن زويبن المعمري_
مع تحيات _ابوصالح المعمري
الشاعر عبد الله زويبن المعمري الحربي اسما قد لا يكون معروفا للجميع .....
لكن هو شاعر .. واعني بكلمه شاعر .. من اذا قرات مثايله رسخت في الذهن واستفدت منها ..
_وليس من الشعراء الذين يصفون كلمتن ويرتبونها على القاف _وقالوا امبراطور الشعر .. وباشه الشعر .. وهات من الالقاب .. والحقيقه هو راثع في بطن الشعر .. تسمع قصيده ولا تطلع بناتج_
نرجع لشاعرنا .. صدر له ديوان صوتي .. (( يباع في التسجيلات الاسلاميه )) ومع ذلك يحتوي على قصائد غزليه الديوان تحت اسم ،،، جواهر الشعر _بصوت الشاعرمساعد ضيف الله المعمري_وابن زويبن هو خال مساعد_
والى روائع هذا الشاعر ..
ياراكب اللي يـوم تسمـع وشيشـه
وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة
وتبيـن أنيـابٍ سـوات المناقـيـش
يمرج مع البيـدا إمـراج الخريشـة
إلى أمرجت بين الوحش والنواحيـش
مـن عقـب ماهـي للمنايـا وليشـة
بين الصقـور ومبهمـات النواتيـش
حيت حياة اللـي بتالـي الحشيشـة
عقب الدرك شرب القراح النقاريـش
جمسٍ يربح كـل مـن حـط شيشـة
يتعـب بتعبيتـه طـوال الخراطيـش
إلى وقف يكـوي الكبـود الغشيشـة
وإلى مشى ما يلحقه مومي الريـش
برقٍ من العارض جذبنـي رعيشـه
يـوم يتـلالا بالمـزون المراهيـش
وأثره ما يسقـي الكبـود العطيشـة
يبرق ويرعد مير مدري على ويـش
لا تحتزم باللـي ضلوعـه هشيشـة
اللي ليا سمع النـداء صـد تطنيـش
لا تحتزم بـه لـو تحيـزم بخيشـة
ما يقطع الدِيـان ركـض الأكاديـش
وبيتٍ بليـا سـاس مثـل العريشـة
يطيح لـو لمـع ببويـه و ورنيـش
وجرد السهـال الخاليـات الوحيشـة
اللي تطوى في شجرهـا الحنافيـش
أخير من ضله ،،، وبعض المعيشـة
يعافها الطيب ،، ويفرح بهـا الديـش
وقال المثل : ( مامن ورى طلع بيشة
عيشة ) وراس الضبي ما به عراميش
××××××××××××
يا مـل قلـبٍ هواجيسـه يسجنـه
سج النضا بالمطـارق والمشاعيبـي
هن ودهن كل روضٍ زيـن يرعنـه
وهم ودهم المساء عـن المعازيبـي
يوم انتهاء كل ما بالخـرج والشنـة
تواعدوا بيـت نطـاح المواجيبـي
شيخٍ صدى صوت نجره كل ما دنـه
يقنب بروس النوازي قنبـة الذيبـي
يرخص خروفه ولا يبخل على بنـه
ويشكر ويذكر ليا عدوا هل الطيبـي
تريحـن وأمرحـن يومنهـن جنـه
وأنا الهواجيس تسرحبي وتسريبـي
راحن بقلبي ولا أدري ويـن ودنـه
أخذت في جوهـن غفـوة وتغييبـي
سجيت معهن علـى فلـمٍ يعرضنـه
عن غيب بعض القرايب والأصاحيبي
ابليس لـولاه كـل النـاس بالجنـة
لاكـن يلعبـنـا راع التلاعيـبـي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطـرد عنـه
وجرد سيوفه عطيبات المضاريبـي
هجرت كل الـدروب اللـي يمرنـه
أخير لي من مجيه ، عنـه تجنيبـي
ولو ما أقتدي في كتاب الله والسنـة
خليت كلٍ على دينـه يصلـي بـي
الى الجوهره الثالثه
يا سيد الاحباب زحت الهم عن بالي
عندك بكسب الحبايـب دبلوماسيـة
لك فرصة تجمع الغالي مع الغالـي
من غير موعد تجي وتروح عفوية
أخذتني من معاصير أشهب اللالـي
ورمستني رمس بأجواك الرومانسية
غطيت وجه السماء بغيوم وخيالـي
والأرض غطيتها بـورود سحريـة
متشابكٍ نبتها مـن كـل الأشكالـي
من كل الأشكال تقل انقوش زوليـة
وصممت طيارةٍ تصميمهـا عالـي
ما صممتهـا الولايـات المريكيـة
من غير كبتن تجول فوق الأطلالـي
وغمزت زر المحرك وأقلعـت فيّـه
طارت عن الأرض مليارات الأميالي
شوي وإلا لمست الشمـس بيديـة
وتحطمت بالمضامي والخلاء الخالي
جيعان ضميـان لا هـذي ولا ذيـة
متعلقٍ في عمـود اليـاس بحبالـي
متلولحٍ مـا تطـب الأرض رجليـة
جميع ما شفت بس أشيـاً تهيالـي
أفكـار وضنـون وأوهـامٍ خياليـة
يا سيد الأحباب تضرب فيك الأمثالي
من سابق الكون لك حسنة ولك سية
حسنتك تجمع لك أجيالٍ مع أجيالـي
العالـم الميتـه والعالـم الحـيـة
وسيتك تدفن بوايـق كـل ختالـي
من السباع الضـوراي والحراميـة
....والجوهر الرابعه .....
جل من يعلم عن اللي تخفيه الصدور ـالكريم اللي شظايا العظـام يلمهـا
قالوا ان الحق موجود قلت الحق نور ـوالرجال اللي مع الحق انـا ماذمهـا
مير شفت الحق ناقص وبالبطل مخشور ـبين ناس من الخلايق وانا ماأعمهـا
عقب مارزيت الاعلام في روس القصور ـجالها سيلٍ يطم الجبـال وطمهـا
مالها غير انت يالحر يالسيف البتور ـوانت ابوها ياطويل الـذراع وسمهـا
وانت ابو فيصل ليا صمل العلم مخبور ـالقريبة والبعيـدة نظـرك يزمهـا
في طريق القافلة سكروا باب العبور ـوانت بشتك يدخل المستجير بكمهـا
عودوا من دونها اللي يخوضون البحور ـكل ماواقوا على البير هابو جمهـا
وادخلت في غابةٍ وسطها ريحة نمور ـوالنمور يعيفها الذيب حيث يشمهـا
واعترضها من دفنها مع اللي فالقبور ـوان نشدته قال لا عاد تنقـل همهـا
قلت ما انسى همها قال انا نفس الشعور ـمير لو طالت وعرضتع تراني عمها
أنت ربي جاب لك صقر ماهو بالصقور ـالجزيلة يعترضها ويسفـك دمهـا
واخطرت في خاطري كلمةٍقامت تدور ـأسمها عند القحاطين ياويل أمهـا
لا يوهمك التغطرس ويعميك الغرور ـتحسب انك حولها وانت منت بيمها
أنت طيرٍ يمسك الريش وتطير الطيور ـبالهوى يفرد كفوفه ونوب يضمهـا
*********
مع تحيات _ابوصالح المعمري
الشاعر عبد الله زويبن المعمري الحربي اسما قد لا يكون معروفا للجميع .....
لكن هو شاعر .. واعني بكلمه شاعر .. من اذا قرات مثايله رسخت في الذهن واستفدت منها ..
_وليس من الشعراء الذين يصفون كلمتن ويرتبونها على القاف _وقالوا امبراطور الشعر .. وباشه الشعر .. وهات من الالقاب .. والحقيقه هو راثع في بطن الشعر .. تسمع قصيده ولا تطلع بناتج_
نرجع لشاعرنا .. صدر له ديوان صوتي .. (( يباع في التسجيلات الاسلاميه )) ومع ذلك يحتوي على قصائد غزليه الديوان تحت اسم ،،، جواهر الشعر _بصوت الشاعرمساعد ضيف الله المعمري_وابن زويبن هو خال مساعد_
والى روائع هذا الشاعر ..
ياراكب اللي يـوم تسمـع وشيشـه
وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة
وتبيـن أنيـابٍ سـوات المناقـيـش
يمرج مع البيـدا إمـراج الخريشـة
إلى أمرجت بين الوحش والنواحيـش
مـن عقـب ماهـي للمنايـا وليشـة
بين الصقـور ومبهمـات النواتيـش
حيت حياة اللـي بتالـي الحشيشـة
عقب الدرك شرب القراح النقاريـش
جمسٍ يربح كـل مـن حـط شيشـة
يتعـب بتعبيتـه طـوال الخراطيـش
إلى وقف يكـوي الكبـود الغشيشـة
وإلى مشى ما يلحقه مومي الريـش
برقٍ من العارض جذبنـي رعيشـه
يـوم يتـلالا بالمـزون المراهيـش
وأثره ما يسقـي الكبـود العطيشـة
يبرق ويرعد مير مدري على ويـش
لا تحتزم باللـي ضلوعـه هشيشـة
اللي ليا سمع النـداء صـد تطنيـش
لا تحتزم بـه لـو تحيـزم بخيشـة
ما يقطع الدِيـان ركـض الأكاديـش
وبيتٍ بليـا سـاس مثـل العريشـة
يطيح لـو لمـع ببويـه و ورنيـش
وجرد السهـال الخاليـات الوحيشـة
اللي تطوى في شجرهـا الحنافيـش
أخير من ضله ،،، وبعض المعيشـة
يعافها الطيب ،، ويفرح بهـا الديـش
وقال المثل : ( مامن ورى طلع بيشة
عيشة ) وراس الضبي ما به عراميش
××××××××××××
يا مـل قلـبٍ هواجيسـه يسجنـه
سج النضا بالمطـارق والمشاعيبـي
هن ودهن كل روضٍ زيـن يرعنـه
وهم ودهم المساء عـن المعازيبـي
يوم انتهاء كل ما بالخـرج والشنـة
تواعدوا بيـت نطـاح المواجيبـي
شيخٍ صدى صوت نجره كل ما دنـه
يقنب بروس النوازي قنبـة الذيبـي
يرخص خروفه ولا يبخل على بنـه
ويشكر ويذكر ليا عدوا هل الطيبـي
تريحـن وأمرحـن يومنهـن جنـه
وأنا الهواجيس تسرحبي وتسريبـي
راحن بقلبي ولا أدري ويـن ودنـه
أخذت في جوهـن غفـوة وتغييبـي
سجيت معهن علـى فلـمٍ يعرضنـه
عن غيب بعض القرايب والأصاحيبي
ابليس لـولاه كـل النـاس بالجنـة
لاكـن يلعبـنـا راع التلاعيـبـي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطـرد عنـه
وجرد سيوفه عطيبات المضاريبـي
هجرت كل الـدروب اللـي يمرنـه
أخير لي من مجيه ، عنـه تجنيبـي
ولو ما أقتدي في كتاب الله والسنـة
خليت كلٍ على دينـه يصلـي بـي
الى الجوهره الثالثه
يا سيد الاحباب زحت الهم عن بالي
عندك بكسب الحبايـب دبلوماسيـة
لك فرصة تجمع الغالي مع الغالـي
من غير موعد تجي وتروح عفوية
أخذتني من معاصير أشهب اللالـي
ورمستني رمس بأجواك الرومانسية
غطيت وجه السماء بغيوم وخيالـي
والأرض غطيتها بـورود سحريـة
متشابكٍ نبتها مـن كـل الأشكالـي
من كل الأشكال تقل انقوش زوليـة
وصممت طيارةٍ تصميمهـا عالـي
ما صممتهـا الولايـات المريكيـة
من غير كبتن تجول فوق الأطلالـي
وغمزت زر المحرك وأقلعـت فيّـه
طارت عن الأرض مليارات الأميالي
شوي وإلا لمست الشمـس بيديـة
وتحطمت بالمضامي والخلاء الخالي
جيعان ضميـان لا هـذي ولا ذيـة
متعلقٍ في عمـود اليـاس بحبالـي
متلولحٍ مـا تطـب الأرض رجليـة
جميع ما شفت بس أشيـاً تهيالـي
أفكـار وضنـون وأوهـامٍ خياليـة
يا سيد الأحباب تضرب فيك الأمثالي
من سابق الكون لك حسنة ولك سية
حسنتك تجمع لك أجيالٍ مع أجيالـي
العالـم الميتـه والعالـم الحـيـة
وسيتك تدفن بوايـق كـل ختالـي
من السباع الضـوراي والحراميـة
....والجوهر الرابعه .....
جل من يعلم عن اللي تخفيه الصدور ـالكريم اللي شظايا العظـام يلمهـا
قالوا ان الحق موجود قلت الحق نور ـوالرجال اللي مع الحق انـا ماذمهـا
مير شفت الحق ناقص وبالبطل مخشور ـبين ناس من الخلايق وانا ماأعمهـا
عقب مارزيت الاعلام في روس القصور ـجالها سيلٍ يطم الجبـال وطمهـا
مالها غير انت يالحر يالسيف البتور ـوانت ابوها ياطويل الـذراع وسمهـا
وانت ابو فيصل ليا صمل العلم مخبور ـالقريبة والبعيـدة نظـرك يزمهـا
في طريق القافلة سكروا باب العبور ـوانت بشتك يدخل المستجير بكمهـا
عودوا من دونها اللي يخوضون البحور ـكل ماواقوا على البير هابو جمهـا
وادخلت في غابةٍ وسطها ريحة نمور ـوالنمور يعيفها الذيب حيث يشمهـا
واعترضها من دفنها مع اللي فالقبور ـوان نشدته قال لا عاد تنقـل همهـا
قلت ما انسى همها قال انا نفس الشعور ـمير لو طالت وعرضتع تراني عمها
أنت ربي جاب لك صقر ماهو بالصقور ـالجزيلة يعترضها ويسفـك دمهـا
واخطرت في خاطري كلمةٍقامت تدور ـأسمها عند القحاطين ياويل أمهـا
لا يوهمك التغطرس ويعميك الغرور ـتحسب انك حولها وانت منت بيمها
أنت طيرٍ يمسك الريش وتطير الطيور ـبالهوى يفرد كفوفه ونوب يضمهـا
*********