خلني ساكت

[فيصل بورسلي]

الكلام اللـي علــى لســـاني انــا مقـــدر اقولـــه
لـــو اقــوله تزعـل العشــره وتضّايق حبــايب

خلني ساكت دام انـا هــادي وكلماتــي خجولــه
خــل عنــك المعمعــه وشلي انـا بكــل الطلايب

دايـم اتجينــي بمشــاعر غاضبه دايــم عجولـــه
ما تفكــر بحبيبك شـــاللي صــار وليـش غايب

تعتقــد عــادي علي ابعــد انـــا يعنــي بسهولــه
وانسى كيف يدق قلبي باسمك ومنك انت ذايب

بس اشوفك انسى هالعـــالم اقــول اهلاً بزولــه
وارسم البسمه على وجهي لجل اغلى القرايب

منهو غيرك يرسم الدنيا ورسم عمري وفصوله
منهــو علمّنـــــي ألــم الشــوق لا هبّت هبـايب

من عرفتك هام قلبي بالهــوى عرضه وطولــه
لا بخلت احساس مرّه ولا رجعت الدرب خايب .