نتائج مسابقة أحلى القصيد في منتديات البدوان .. الف مبروك للفائزين

[مـحمـد بـن فـهـد]

مسابقة البدوان لأحلى القصيد تم الاعلان عنها مسبقا على الرابط التالي


http://www.albdwan.com/vb/showthread.php?t=19349 (http://www.albdwan.com/vb/showthread.php?t=19349)


واليكم النتائج النهائيه للمسابقه ونبارك لإخواننا الفائزين في هذه المسابقه


1
الفائز الاول / بديع القاف وهذي مشاركته





قالوا علامك ضايق البال محـزون=ودموع عينك فـوق خـدك تتـالا
قلت الهوى رمحه على الدوم مسنون=شدد طميه مـن جنـوب الشمـالا
وشلون اداري دمعة الحب وشلـون=وهذي جروح الحب فينـي تـلالا
اكابر جروحي على شان مزيـون=واشرب من جروحه قراحـن زلالا
لا شفت زوله يوم يمشي على هون=ذكرت رب الكـون جـل وتعـالا
هذا الذي في حبـه اليـوم مفتـون=كن الجمال اليوسفـي لـه جمـالا
ان غاب عني ضايقن فيني الكـون=واليا حضر ياحـي هـاك القبـالا
غنيت له من صافي الشعر بلحـون=لين الغصن من زايد الشـوق مـالا





2
الفائز الثاني/ شوق لجنوب وهذي مشاركته


لو صابكم مابي ترى ما تلومـون=يومنّ ملح الدمـع عالخـدّ سـالا
بلواي ماهو ضيق له وقت ويهون=بلواي من فرقا عنيـد الخصـالا
سعدي غدا وياادعج العين مدفون=ياليتنـي ويـاه تحـت الرمـالا
بدري هجر ليلي وظليت انا دون=نور وغدا عمري رهين الظـلالا
والله لومانـي بذكـراه مسجـون=ماعطيت لاسباب المقاديـر بـالا
توّي دريت ان المنيّه لها عيـون=عين(ن) تخيّر يوم تنوي غـزالا
عزي لمن في ذكر الاحباب مفتون=يومن لقاهـم لا رجـاه استحـالا
حتى قصيدي صار بالدمع معجون=والياس في كبدي محكّـم غـلالا
يالله مالي غيرك ابهمـي امْعـون=ياللي على عرش الدّنا قد تعـالا
انثر علي امزون عطفك بهالكون=وقّف مآسي عمري اللـي تـوالا






3
الفائز الثالث/ الخنساء الصغيره وهذي مشاركتها


في منتـدى البـدوان قامـوا ينـادون=من هو يجاري من قصيـده تـلالا؟؟
قلت : اسمعوني وافهموا لا تروحـون=ودي أشـارك واستثيـر الخـيـالا !
هم يسألونك يا السديري عن /ا/ طعون=تسكـن حشـاك وزوّدوا بالـسـؤالا
لو جربوا كانـوا بجرحـك يحسـون=ومـا كـان زاد الهـم قيـلٍ وقـالا !
يا شاعري كـان الهـوى در مكنـون=والمترفات /ا/مـن الحيـا فـي دلالا!
الحين صار العشـق بـارد ومجنـون=ما بـه حـلا واهـدار دمّـه حـلالا
هـذا يحـب ابرار/حصه/وميـسـون=وياسر ومشعل هم من اصحاب تالا!!!
بالعون مات الحـب بالعـون بالعـون=وكـل المشاعـر آيلـه لـالــزوالا
يا شاعري موجود وان كنت مدفـون=شعـرك خلـود وباقيـاً وِيِتَعَـالـى!





4
الفائز الرابع/ صقار الجزيرة وهذي مشاركته



العقل من فرقا المحبين مجنون=أسهر وعد نجوم قطب الشمالا
فرقا حبيبي تذبح القلب بالعون=الصاحب اللي معتليه الـدلالا
أليا نده يفلان ثم قلتلـه عـون=يطيح قلبي من سها من تتـالا
أدعج غنج ماورد الكحل بعيون=رمشه شراعن يجذبنه حبـالا
أقفا وخلاني رميـه ومطعـون=من عقبها ماذقت طعم الـزلالا
مهو بكيفه ياملا راح مغبـون=حكم القدر خلاه شد الر حـالا
وناعليه أسبغ رضايا وممنـون=لنه وفي ماضمن الوصـل لالا
أحن له والحب بالصدر مكنون=ماغرد القمري لهبوب الشمالا





أما اختيار اعضاء اللجنه فكان كالتالي:-




هلال بن مزعل العنزي




الاول الخنساء الصغيرة ( 5 نقاط )

الثاني بديع القاف (4 نقاط)

الثالث شوق الجنوب( 3 نقاط)








*****




سلطان العطاوي




الاول بديع القاف ( 5 نقاط )

الثاني شوق الجنوب(4 نقاط)

الثالث صقار الجزيرة (3 نقاط)








*****




الشيهااان




الاول بديع القاف(5 نقاط)

الثاني شوق الجنوب( 4 نقاط)

الثالث الخنساء( 3 نقاط)








*****




فبناء عليه تم تحديد المراكز




الاول :- بديع القاف بـ 14 نقطة وجائزته 1500 ريال

الثاني :- شوق الجنوب بــ 11 نقطة وجائزته 1000ريال

الثالث :-الخنساء الصغيرة بــ 8 نقاط وجائزته 500 ريال

الرابع :- صقار الجزيرة بــ 3 نقاط وجائزته 500 ريال










وان شاء الله ان اللجنة اجتهدت في تحقيق الصواب كلن حسب معاييره الخاصة




الف مبروك لإخواننا الفائزين وحظ اوفر في مسابقات أخرى للي ماحالفهم الحظ

وسوف يتم مراسله الاعضاء الفائزين لتسليمهم الجوائز

والله الموفق








وأخيرا




و الشكر لإخونا الشيهان على هذه المسابقه التي تبث روح التنافس الشريف بين شعرائنا

والشكر موصول لاعضاء اللجنة الكرام

هلال بن مزعل العنزي

سلطان العطاوي

والمراقبين نسايم نجد ,عناد العقاب

على كل مابذلوه في سبيل انجاح هذه المسابقة

.

.

.

[آختك يـآ صبي]

آلف مبروووك للفآئزين

و صح آلله آلسنة شعآرنآ

و تسلم يمنآآك على كل مآ تقدم في ذلمنتدى آلطيب

و جزآ آلله حكآمنآ خير على مآ بذلو من جهد

و لآهنتوآ جميع

[عنآد العقاب]

أهنّئ أصحاب الحروف النقيّة والأبيات العذبة ..

كم هي رائعة إنسكابة أقلامهم ..

استمتعت بقراءة جميع القصائد ..

و مُبارك الفوز للمراكز الأربعة ..

.. شكراً لصاحب الفكرة بحجم السماء و الأرض ..

:

.

[القلِب مَغبوטּ]

يعطيكم الف عافيه جهد تشكرون عليه بـ المسابقه

والف مبروك للفائزين وحظ اوفر للي ما فازو

والشكر للحكام واالمشرفين

لاهنتو ف14

[الخنساء الصغيرة]

السلام عليكم ورحمة الله وبركاته

ألف مبروك للفائزين وأنا منهمف2

ويستاهلون جميعا المراكز اللي نالوها


واشكركم على الجائزة

ولكني ومن هذا المتصفح أعلن تبرعي بجائزتي
لمنتدى البدوان " هدية ما من وراها جزية "م2

لأن مشاركتي لم تكن بهدف الفوز بالجائزة
ولكن لمحمد السديري في نفسي كشاعر وفارس
الكثير من التقدير والاحترام


شكرا لكل القائمين على هذه المسابقة
شكرا للجنة التحكيم الموقرة

ودام منتدى البدوان في عطاء وتقدم وازدهار


وعلى هذا أوقع ف3

الخنساء الصغيرة ف14

[عبدالعزيز الحربي]

السلام عليكم ورحمة الله وبركاته

ماشاء الله


اهني منتدى البدوان على نجاح هذه المسابقة الرائعة


كما أبارك لجميع أخواني الشعراء المشاركين بالمسابقة على الفوز لأني أعتبرهم كلهم فايزين .


يالجـنة التحـكـيم لو فـيه مـلـيون ..... قامت بروقي في سماكم تلالا
يقولها شخصٍ على اللجنه يمون ..... نعـم نعـم للجـدّ والشـكّ لا لا


هذي بيتين فكاهيه فقط .


تحياتي للجميع .

[إزعآج الصمت]

مبروك للجميــع .. وصح لسآنكم .. :) !

موفقيــن خ ـيـر ~ ..

[أبو نيّاف]

الف الف مبروك للجميع ويستاهلون


والف شكر للجنة المسابقه على الجهد المميز



ليش ماتنزلون بقية المشاركات لإطلاع الأعضاء لا أكثر ولا أقل


تقبلوا تحياتي

[أحمد البشري...]

الف مبروك للفائزين بمسابقة البدوان

والشكر موصول لللجنه ولصاحب المبادره ...


لا هنتم ...

[نسايم نجد]

الف مبروووووك للاخوان الشعراء الفائزين

بديع القاف / شوق الجنوب / الخنساء / صقار الجزيرة

وصــــح لسانــــهم


"


ولباقي اخواننا الشعراء الذين لم يحالفهم الحظ .. نقولهم يعطيكم العافية وصح لسانكم جميعا ..

وحظاً أوفر في مرات قادمة باذن الله ..


"

ونشكر الشيهان على هذه المسابقة الرائعة ..

"

محمد بن فهد سلمت ويعطيك العافية ..

[هامة نجد]

ألف

مبرووووك

للفائزين

وشكر
‏ للغايمين على الموضوع ومتبنينه!

[البشاير]

الف مبروك للفائزين

والله يعطي الشيهان العافيه ع هالمسابقه

[الهنـوف]

مآشآء الله

الف مبـــروكـ


لبديع القاف وشوق الجنوب والخنسآء الصغيره وصقار الجزيره



ولاهنت الشيهآن على هالفكره المميزه والمسآبقه الطيبه ف14


وشكر للجنه ولنسومه وعنآد يعطيكم العافيه جميعآ م6



لاهنت محمد بن فهد

[الشييهان]

الله يعطيكم العافية جميعااا

وتسلمون فردا فردا على حسن ردودكم وجزيل تجاوبكم ف17

[شلال حب]

ماشاء الله تبارك الله

نقدم الشكر لادارة المنتدى على تبني هذه المسابقة
ونشكر الرعاه الرسميين لها
ونشكر اللجنة

ونشكر المتسابقين

ونقول الله يزيد ويبارك

وصح لسان الجميع

[وجودك يكفي]

الف مبروك للفائزين ويستاهلون

والف شكر لجميع القائمين على هذه المسابقه

[الشييهان]

السلام عليكم ورحمة الله وبركاته

ألف مبروك للفائزين وأنا منهمف2

ويستاهلون جميعا المراكز اللي نالوها


واشكركم على الجائزة

ولكني ومن هذا المتصفح أعلن تبرعي بجائزتي
لمنتدى البدوان " هدية ما من وراها جزية "م2

لأن مشاركتي لم تكن بهدف الفوز بالجائزة
ولكن لمحمد السديري في نفسي كشاعر وفارس
الكثير من التقدير والاحترام


شكرا لكل القائمين على هذه المسابقة
شكرا للجنة التحكيم الموقرة

ودام منتدى البدوان في عطاء وتقدم وازدهار


وعلى هذا أوقع ف3

الخنساء الصغيرة ف14

عليكم السلام ورحمة الله وبركاته

الخنساء

وهديتك أعتبريها وصلت ولك ألف شكر وجزاك الله من كل خير على هذا الموقف الطيب

لاكن حنا مايرضينا غير استلامك للجايزه ومصرين على موقفنا

فياليت كما أرسلنا لكم مع الاخوان ترسلين لنا رقم حساب للتحويل عليه

أو تختارين مكانها بطايق سوى او مبايلي بنفس القيمة

ولكي الف شكر ياخت الخنساء

[الشييهان]

الف الف مبروك للجميع ويستاهلون




والف شكر للجنة المسابقه على الجهد المميز



ليش ماتنزلون بقية المشاركات لإطلاع الأعضاء لا أكثر ولا أقل



تقبلوا تحياتي



تسلم والف شكر لك أبي نياف

وحنا نزنا جميع المشاركات بدون أسماء على الموضوع الاصلي للمسابقة

لاننا مانعرف من يرغب عرض مشاركتة بالاسم ام لا !

وهالحين انزلها مرة ثانية واكتب اسمك على مشاركتك ف7











مشاركة شوق الجنوب

7





لو صابـــــكم مابي ترى ما تلومون =يومنّ ملـــح الدمع عالخـــــدّ سالا
بلواي ماهو ضيق لـــه وقت ويهون =بلواي من فرقا عنــيـــد الخصــــالا
سعدي غدا وياادعج العين مدفون =ياليتني ويـــــاه تحـــــت الرمــــالا
بدري هجر ليــلي وظليت انا دون =نور وغدا عمـــــــري رهين الظلالا
والله لوماني بذكـــــــراه مسجون =ماعطيت لاسباب المقاديـــــر بالا
توّي دريت ان المنيّه لها عيــــون =عين(ن) تخيّر يوم تنوي غــــــزالا
عزي لمن في ذكر الاحباب مفتون =يومن لقاهم لا رجاه استــحـــــالا
حتى قصيدي صار بالدمع معجون =والياس في كبدي محــكّم غــلالا
يالله مالي غيرك ابهـــمي امْعــون =ياللي على عرش الدّنـــا قد تعـالا
انثر علي امزون عطفك بـــهالكـون =وقّف مآسي عمري اللي تــــــوالا





مشاركة ابي نياف

7




البارحه والفكر للقاف ماعون = يارد عليها ويتنقى الجزالا

وردة مغاتير ٍ تمشّى على هون=هوبل لها الرعيان يالالا لا لا

يالله يامرسل نبيك لفرعون = ياعالم شرق وجنوب وشمالا


إنك تزيل الهم وتكون لي عون = في وصف من وصفه تعدّ الخيالا

خشف ٍ شلع قلبي ولاله رادعون =غير الإله اللي يرسّي الجبالا

يلعب بقلبي لعب بيريز شمعون =وإذا سالته إبتسم وإستمالا

وإذا هجرته إبتداء يرسل طعون =وإذا وصلته راح يمشي بخُيالا

وإذا تعطّف وقّفوله يراعون =ناس ٍ تقول الله وش هالجمالا

ماقول غير إنّا إليه راجعون = وإدعيه وأرفع له أكفّي إبتهالا

يالله ياللي لك عبادك راكعون = حنن قليبه ياعزيز الجلالا






مشاركة بديع القاف

7



قالوا علامك ضايق البال محزون=ودموع عينك فوق خدك تتالا
قلت الهوى رمحه على الدوم مسنون=شدد طميه من جنوب الشمالا
وشلون اداري دمعة الحب وشلون=وهذي جروح الحب فيني تلالا
اكابر جروحي على شان مزيون=واشرب من جروحه قراحن زلالا
لا شفت زوله يوم يمشي على هون=ذكرت رب الكون جل وتعالا
هذا الذي في حبه اليوم مفتون=كن الجمال اليوسفي له جمالا
ان غاب عني ضايقن فيني الكون=واليا حضر ياحي هاك القبالا
غنيت له من صافي الشعر بلحون=لين الغصن من زايد الشوق مالا






يا السارحاتْ السارياتٍ بالمزون=كم قلت لبي ثم هبي الشمالا
ثمْ إنْ هالمره وعلى غيرها لون=تلملمن ثم احقبن واستقالا
دَرّاتها دَرّ ٍ من الدِرْ مكنون=يـــِعَـم فيها كل حدب ٍوجالا
اسوقها سوق ٍمِسجىً على الكون=في حق دين الله وجنده تعالى
ملفانا في ربع ٍعلى الوعد يــِدون=من جـِاد منهم، له عم ٍ وخالا
ربع ٍعلى الطولات ما صدهم هون=ولا تقلب راحهم بالعدالا
قصرنا فيهم لكن السمع مشطون=بما يزيد الشر الا خبالا
يسعون في صد المخاليق يرجون=اهل الكفر، سلطان جاه ووصالا
لكن، هيهاتٍ، على الله يبطون=إحديد ٍسهل وتشوف أمره تمالا






مشاركة صقار الجزيرة

7



العقل من فرقا المحبين مجنون= أسهر وعد نجوم قطب الشمالا
فرقا حبيبي تذبح القلب بالعون=الصاحب اللي معتليه الدلالا
أليا نده يفلان ثم قلتله عون = يطيح قلبي من سها من تتالا
أدعج غنج ماورد الكحل بعيون= رمشه شراعن يجذبنه حبالا
أقفا وخلاني رميه ومطعون=من عقبها ماذقت طعم الزلالا
مهو بكيفه ياملا راح مغبون=حكم القدر خلاه شد الر حالا
وناعليه أسبغ رضايا وممنون=لنه وفي ماضمن الوصل لالا
أحن له والحب بالصدر مكنون=ماغرد القمري لهبوب الشمالا






مشاركة الخنساء

7




في منتدى البدوان قاموا ينادون = من هو يجاري من قصيده تلالا؟؟
قلت : اسمعوني وافهموا لا تروحون = ودي أشارك واستثير الخيالا !
هم يسألونك يا السديري عن /ا/ طعون = تسكن حشاك وزوّدوا بالسؤالا
لو جربوا كانوا بجرحك يحسون = وما كان زاد الهم قيلٍ وقالا !
يا شاعري كان الهوى در مكنون = والمترفات /ا/من الحيا في دلالا!
الحين صار العشق بارد ومجنون= ما به حلا واهدار دمّه حلالا
هذا يحب ابرار/حصه/وميسون=وياسر ومشعل هم من اصحاب تالا!!!
بالعون مات الحب بالعون بالعون=وكل المشاعر آيله لـ الزوالا
يا شاعري موجود وان كنت مدفون=شعرك خلود وباقياً وِيِتَعَالى!









أنا أشهد إن الحب لحظات به نون = مره يخسف بك الأرض ومره يتعالا

إن جيت بأظهرحب خافي ومدفون = يمكن تزيد جوف قلبي نار تصالا

أنا طعني كامل الوصف واللون = أناأشهد إن الله عطاه الجمالا


زينه يغطي ياعرب كل مزيون = أبو خدودن مثل برق الخيالا

وفي حب خلي صرت مغرم ومفتون = وليا نصحتوني عنه قلت لا لا

ماني مدور بين الشر مضنون = وأنا أشوف قاسي إلباس إنحنالا

خلي يقولون الناس مات مسجون = ولا يقولون بالحب مات اختلالا

واخلي حبها بالقلب مدفون = ولا تلعبي شرق و شمالا






بين الحنايا العوج ونات مطعون =طعنة غلا تذبح جريحٍ تعالا
اغفيت عيني البارحه كنت مغبون=هذا رفيقي؟؟؟ ردد القلب لالا
اواه يا دنيا بها العقل مجنون=جرح الزمن في صدري يا كم توالا
بالهون يا قلبي الشقي ايه بالهون=خل الزمن يعطب جروحٍ تتالا
حتى الشجر لو ما سقيته على الهون =ماتت جذوره والغصون اتمالا
اهديت لك حبي ... وتهدي لي كفون؟ =تدفن عشيرك... تنسى ذيك الزمالا؟
بكيت واسمع حولي ناسٍ يغنون =غنو على جرحي... كما الجهالا
دمعي وحرفي ونبضي اليوم يبكون =من بعد ما حكم القدر فيه حالا
يا دمع يا حرفي ويا النبض تكفون=ترى النهايه تحت هذي الرمالا
رب العباد اللي خلق كامل الكون =ما ينسى عبده عاش عمره حلالا

[بديع القاف]

لا أدري ماذا اقول...
اشكركم جزيل الشكر على ماقدمتموه من أجل هذا المنتدى العملاق الذي ابرز شعراء هم نجوم بكل المقاييس
وقد يعجز التعبير عن البوح مما في مخيلتي لانكم اكبر من الوصف الجميل والمدح الجزيل
اشكر الأخ الشييهان على هذه المسابقه القيمه التي تثير روح التنافس بين اعضاء هذا المنتدى العملاق وسوف ابذل قصارى جهدي من اجل خدمة هذا المنتدى واشكر اعضاء اللجنه :هلال بن مزعل العنزي_سلطان العطاوي
والمراقبين:نسايم نجد_عناد العقاب
واخيرآ ليس الفوز في هذه المسابقه سوف يثنيني عن خدمة هذا المنتدى الرائع
واشكر جميع من بارك لي وشاركني فرحة الفوز
كم انتم عظماء....
لكم الحب والود والتقدير
خالص تحياتي

[رماد رجل]

الف مبروك للشعراء ويستاهلون والله مبدعين كلهم بدون استثناء

ومن ساهم في هذة المسابقه الله يعطيه العافيه على الجهد المبذول

وشكرا

[الشييهان]

شلال حب .. وجودك .. رماد رجل

لكم كل الشكر على الحضور والمشاركة الجميلة

وتحياتنا لكم

[الشييهان]

لا أدري ماذا اقول...
اشكركم جزيل الشكر على ماقدمتموه من أجل هذا المنتدى العملاق الذي ابرز شعراء هم نجوم بكل المقاييس
وقد يعجز التعبير عن البوح مما في مخيلتي لانكم اكبر من الوصف الجميل والمدح الجزيل
اشكر الأخ الشييهان على هذه المسابقه القيمه التي تثير روح التنافس بين اعضاء هذا المنتدى العملاق وسوف ابذل قصارى جهدي من اجل خدمة هذا المنتدى واشكر اعضاء اللجنه :هلال بن مزعل العنزي_سلطان العطاوي
والمراقبين:نسايم نجد_عناد العقاب
واخيرآ ليس الفوز في هذه المسابقه سوف يثنيني عن خدمة هذا المنتدى الرائع
واشكر جميع من بارك لي وشاركني فرحة الفوز
كم انتم عظماء....
لكم الحب والود والتقدير
خالص تحياتي

بديع القاف

ألف مبروووك ولك كل الشكر والامتنان على مابذلته وذكرته

وتم تحويل الجايزة على حسابك ودمت بود

تحياتي لك

[الخنساء الصغيرة]

عليكم السلام ورحمة الله وبركاته

الخنساء

وهديتك أعتبريها وصلت ولك ألف شكر وجزاك الله من كل خير على هذا الموقف الطيب

لاكن حنا مايرضينا غير استلامك للجايزه ومصرين على موقفنا

فياليت كما أرسلنا لكم مع الاخوان ترسلين لنا رقم حساب للتحويل عليه

أو تختارين مكانها بطايق سوى او مبايلي بنفس القيمة

ولكي الف شكر ياخت الخنساء




هلا أخوي الشيهان
ودام ملزمين
فأنا بانتظار الـ 500 م3

شكرا لكم مرة أخرى

[اللاعب]

الـــــف الـــــف الـــــف الـــــف
مبرووووووك للفائــــــزين وبـــجــدارة
كل واحد الف ف19

وكل التقدير للجنة التقييم
ومبادرة رائعة منكم ياالشييهان ومحمد بن فهد
في احياء روح المنافسة بين الأعضـــــــاء

بس أهم شي ما يلهون الأعضــــاء هالأيام عن صلاة القيام ف30

[الشييهان]

ألف شكر لك اخت الخنساء على مبادرتك الطيبة وموقفك النبيل وتم تحويل الجائزة


والف شكر لك اخوي اللاعب على كلامك الطيب وتذكيرك الوافي ياوافي


ونشكر جميع الاخوة ولم يتبقى عندنا سوى شوق الجنوب بانتظاره لتسليمه الجائزه

[الـغـانـمـي]

قالوا علامك قلت بالهون بالهون ،،، قلبي على فرح الحبايب تلالا


ألف ألف مبرووووك لـــ بديع القاف ;)

ألف ألف مبروووك لــ شوق الجنوب ف24

ألف ألف مبرووووك لـ الخنساء الصغيرهف14

ألف ألف مبروووك لـ صقار الجزيرهم5


وشكر خاص للجنه وكل من له سند في إنجاح هذه المسابقة

واللي أهم من هذا كله أني شاركت ببيت واحد يمشي الحال وعلى فكره أخوي الشيهان مواعدني بجائزة المركز الأخير اللي ترجع لي ، ياترى وش الهديه <<<<<<أمزحف7


يعطيكم ألف عافيه ودمتم بصحه وسلام

محبكم
الغانمي

[هلال بن مزعل العنزي]

أبارك للفائزين بظفرهم ، وأهنئ مهنئيهم الذين سبقوني على هذه الحميمية ، وأعضد من له الرأي والفكر هاهنا ، وليعلم من لم ينل من مجد السبق هنا أنه إنما حقق ذاته حينما ألزم قوافيه بالمنافسة ودا ، وكرامة !!

فاز بكم القلب جميعا فليهنأ ، وليطل سباته !!

أبو صلاح

[الشييهان]

888

ابو صلاح

لمسات قلمك تثير مشاعري :)

ولاعجب ان قلنا عنك منبع ومدرسة في كل المجالااات

[تميم الحكيم]

ولكني ومن هذا المتصفح أعلن تبرعي بجائزتي
لمنتدى البدوان " هدية ما من وراها جزية "م2
14


منتدى البداون فلوسه كثيره الله يباركلهم .. لكن اذا ودك تحطينها في حسابي ترا ماعندي مانع .. ف5

والف مبروك لجميع الفايزين

اسمتعت بقصايدهم الجزله ومافيهم قصور ف2

[الشييهان]

قالوا علامك قلت بالهون بالهون ،،، قلبي على فرح الحبايب تلالا


ألف ألف مبرووووك لـــ بديع القاف ;)

ألف ألف مبروووك لــ شوق الجنوب ف24

ألف ألف مبرووووك لـ الخنساء الصغيرهف14

ألف ألف مبروووك لـ صقار الجزيرهم5


وشكر خاص للجنه وكل من له سند في إنجاح هذه المسابقة

واللي أهم من هذا كله أني شاركت ببيت واحد يمشي الحال وعلى فكره أخوي الشيهان مواعدني بجائزة المركز الأخير اللي ترجع لي ، ياترى وش الهديه <<<<<<أمزحف7


يعطيكم ألف عافيه ودمتم بصحه وسلام

محبكم
الغانمي


الغاانمي

ارحب تراحيب المطر ليلة العيد

شكر يالوافي على هالبيت وشكرا على تبريكاتك الوافرة ف14

وعلى فكره أخوي الشيهان مواعدني بجائزة المركز الأخير اللي ترجع لي ، ياترى وش الهديه <<<<<<أمزحف7

هههههههههههههههه


كنت ابي اسفزك تشارك لاكن طلعت هادي وبددت استفززازي م3ف1

[علم غرورك]

الف مبروووووووووووووكـ لجميع

[بـنـت شـيـوخ ™]

ألف مبروكـ لجميع الفائزين ..

تستحقون فعلا,,

وكل الشكر للطاقم الاداري على رعاية مثل هالمسابقات ..

الله يعطيكم الف عافية ..

[الشييهان]

888

تشكر علم غرورك ف17


وألف شكر لك بنت الشيوخ على متابعتك واهتمامك الدائم ف17

[الشييهان]

باقي شوق الجنوب لم يستلم جائزته


اللي يعرفه من الاخوان لايهون يبلغه

[تركي بن مدعج]

مبروك

للفائزين

[الشييهان]

باقي شوق الجنوب لم يستلم جائزته


اللي يعرفه من الاخوان لايهون يبلغه

تم تحويل جائزتها من فترة وان شاء الله انها وصلتهااا

[نسايم نجد]

^^^

كفيت ووفيت .. ف24


الله يبارك بجهودك .. ويخلف عليك الريال بعشرة << تقل مداعي مصرية ف090

[الشييهان]

888

هههههههههههههه

ويبارك بكم ويخلف تعبكم لو علي لحالي ماعملتها ,,

[أبن عجلآن]

الف مبروووووووووووووكـ للـجميع

مع تحيآت أخوكم : أبن عجلآن

[شرووواك]

بالتوفيق للجميع

[الـذيـابـي]

مبروك للفائزين