شامان
12-17-2007, 07:12 PM
هذه القصيده للشاعر دعيكان بن ناصر بن حرب المري
عندما طلع رحله بريه معا احدى كبار السن وفاله الشايب كانت هذه الارض طيبه وتنفع البدو والان مافيها شي ممحله
وهاضت قريحه الشاعر بهذه القصيده
جعل السحاب الي مزونه مراديف...... يسقي مداهيل على الله خلفها
باقي شجرها دفنته العواصيف......كف المطر منها وبين تلفها
تحزن اقلوب الي عرفها وهي ريف...... يوم السنين الماضيات يعرفها
يوم انها مدهال ذود مواليف...... ترعى من اريافه وتتبع سلفها
يشمل بها الوسمي ويجنب بها الصيف...... ترعى القفر رعيانها في طرفها
واليوم جرد والليالي مقاصيف...... جرد (ن) من اسباب السنين وعجفها
جاها زمان فيه نقص وتخاليف...... رعيانها ملت وبين كسفها
الروض شبك والمفالي معاليف ......والمصلح الي زايد في علفها
السين ياجل البكار المشاعيف ...... الي الله بمعظم كتابه وصفها
الي علينا من اصحاب المعاريف ......كم ضمت اجيال الليالي ضعفها
يالله ياوالي عليك التصاريف ...... يامبدل عسر السنين بردفها
تنشي سحابك ياجزيل المغاريف..... وتسيل وديان تدك معطفها
مجرى اسيوله يجرف الخد تجريف......واغثاه في حجر المسايل نسفها
تصبح خباريه كما شاطي السيف...... تروى به العبله ويقفي نشفها
ورد الاسبوع العشب مثل الزخاريف......متساوي عشب الطمان وشعفها
ورعيانها عقب الشقا والتكاليف...... كلن على مشهات قلبه حرفها
تقبلوو تحياتي
اخوكم شـــــــــــــامان
عندما طلع رحله بريه معا احدى كبار السن وفاله الشايب كانت هذه الارض طيبه وتنفع البدو والان مافيها شي ممحله
وهاضت قريحه الشاعر بهذه القصيده
جعل السحاب الي مزونه مراديف...... يسقي مداهيل على الله خلفها
باقي شجرها دفنته العواصيف......كف المطر منها وبين تلفها
تحزن اقلوب الي عرفها وهي ريف...... يوم السنين الماضيات يعرفها
يوم انها مدهال ذود مواليف...... ترعى من اريافه وتتبع سلفها
يشمل بها الوسمي ويجنب بها الصيف...... ترعى القفر رعيانها في طرفها
واليوم جرد والليالي مقاصيف...... جرد (ن) من اسباب السنين وعجفها
جاها زمان فيه نقص وتخاليف...... رعيانها ملت وبين كسفها
الروض شبك والمفالي معاليف ......والمصلح الي زايد في علفها
السين ياجل البكار المشاعيف ...... الي الله بمعظم كتابه وصفها
الي علينا من اصحاب المعاريف ......كم ضمت اجيال الليالي ضعفها
يالله ياوالي عليك التصاريف ...... يامبدل عسر السنين بردفها
تنشي سحابك ياجزيل المغاريف..... وتسيل وديان تدك معطفها
مجرى اسيوله يجرف الخد تجريف......واغثاه في حجر المسايل نسفها
تصبح خباريه كما شاطي السيف...... تروى به العبله ويقفي نشفها
ورد الاسبوع العشب مثل الزخاريف......متساوي عشب الطمان وشعفها
ورعيانها عقب الشقا والتكاليف...... كلن على مشهات قلبه حرفها
تقبلوو تحياتي
اخوكم شـــــــــــــامان