أبي مساعدتكم من الصــــميـــم

[شامان]

اخواني واخواتي في يوم من الايام وانا في العمل استقبلت اتصال على التيلفون الثابت

واذا باحدى من الاخوات تسئل عن زميل معنا في العمل ولاكان متواجد في ذللك الوقت

سئلتني من اكون انا رديت عليها السوال ماذا يعنيك من اكون انا قالت انا عندي سر

ولايمكن اعطيك السر الا بعد مااعرف اسمك ولان رجاء ياخوي انا في امس الحاجه ا

الامساعدتي وبعد ماانشديت مع الموضوع عطيتها اسمي وقالت اخوي شأمان انا تقدم

لي زميلكم هذا يطلبني من اهلي لزواج وانا بنت عمري ثلاثين سنه ولااعرف عنه شي
من اموره الخاصه هل الانسان هذا يستاهل من ناحيه اموره الدينيه هل توقع انه
بيتحمل حقوق الزوجه اما بالنسبه للظروفه الماديه مايعنيني االرزق على الله . قالت

لي في نهايه حديثها انا داخلت ذمتك انك ماتجحد علي ... لاتوهقني مع الولد يتكلف مهر وشبكه ومصاريف الزواج والرجل مايصلح.. طلبت منها الاتصال بي بعد ثلاثه ايام واوعدتها ان لا اجحد عليها شي ..
اما بالنسبه الرجل الي هي اسئلتني عنه الرجل انا شفت عليه بعض الملاحظات التي تخل في شرف الشخص
لاكن انا ماانصحها به من تصرفاته الظاهره .. ولاحبيت كا وجهت انظري اني اتسبب في قطع نصيب الرجل مع البنت التي هو بنا احلامه على زواج عليها .. من ناحيه ان اخرى

نظرت لها ان الرجل يمكن تصلح احواله بعد مايتزوج وان انشاء الله ان الزوجه تدخل معه في اظروفه الخاصه واتكون ان شاء الله عليه مدخل خير ...
3
والان هي البنت تنتظر الرد مني انا وانا احتاج الى مساعدتكم االي عنده تعليق لايتاخر

اخوكم ومحبكم شــــــــــــــــــــامان

[مغرورة بتواضعي]

يعطيك العافيه اخوي شامان و الله يوفقك في قرارتك


بصرراحه عندي اراء كثيره و راح اكتبها كلها

اول شئ:- الزواج قسمه و نصيب

سبحان الله هالبنت جاها واحد ما تعرفه ،،

يعني هالبنت ما تعرف عن الولد شئ و تبي تسال عن اموره الدينيه و اخلاقه ،، بس هالبنت عمرها 30 يعني انسانه واعيه وعاقله وتقدر تغير من تصرفات الزوج على سبيل المثال انا اعرف وحده تزوجت وعمرها 28 و زوجها ما يصلي ابد بس هي الله يوفقها كلمته بأسلوب جميل و نصايح يعني مش صراخ ومهاوشه و صار زوجها يصلي بالمسجد


طيب هي البنت اهلها ما سألوا عنه ولا يعرفون عنه شئ و لا كيف


بس احب اقولك اخووي شامان الله لا يهينك

انت لازم تقول لها لازم اهلها يسألون عنه مش تعتمد على كلامك و بعدين الشخص يكون فالدوام غير وفالبيت غير تعرف ظروف الدوام تخلي الواحد طفشان و اسلوبه جاف وقاسي مع زملاءه


الله يوفقها و يزوجها و يسعدها يا رب في حيااتها


و الله يوفقك دنيا واخره


لي عوده ان شاء الله

[غريبه دنيتي]

ياخوك الله يبلى العدو على سؤالك


لكن سؤال ولك مني تسمع وجهة نظري



لا والله ياخوك لا تكذب عليه عطها الصدق وأذا ماجاز لها الله يرزقك أياها

والله يرزقك أن شالله


لكن الله يوفقك يمكن أنها من نصيبك وخويك مافيه أمل



تقبل مروري

[][مسافر®للشقى][]

أخي الكريم شامان

لن نقول أفضل من ماقاله المصطفى صلى الله عليه وسلم


وسأدعك مع أحاديثه وبعض التعليقات:


عن أبي هريرة_ رضي الله عنه_ قال : نهى رسول الله صلى

عليه وسلم عن بيع الحصارة وعن بيع الغرر) رواه مسلم

( الغرر : ما له ظاهر تؤثره وباطن تكرهه ).


وهذا يعني أنه لايجوز لك اظهار محاسن الرجل من أخلاق ودين واخفاء ماتراه من عيوب

في هذا الرجل.


و عن معقل بن سيار المزني _ رضي الله عنه _ في مرضه

الذي مات فيه قال: إني سمعت رسول الله صلى الله عليه وسلم

يقول :" ما من عبد يسترعيه الله رعية يموت يوم يموت وهو

غاش لرعيته إلا حرم الله عليه الجنة .رواه البخاري ومسلم .



باختصار:

قل ماتراه في هذا الشخص من عيوب أو محاسن ولا تخفي شيئاً

واذكر كل ماتراه في نظرك فلا تحاول اختلاق الأعذار لصاحبك ... اذكر كل شيء بصدق.




أخوك / مسافر للشقى

’,

[ريــميــة نــجــد@]

§¤°~®~°¤§شـــــامـــــان§¤°~®~°¤§


قول لها الصدق مهما كان هي حطته في ذمتـــك..

وجعل ربي يكتب اللي فيه خيــر..


تقبل مروري المتواضع..

ريـمـيــة نــجـــد@
..

[خـآلـد!!]

الأخوان اللي قبلي كفوا ووفوا


وأنت قل للبنت الصراحه وقدم لها نصيحه انها تأخذه

وحتى لو كان فيه عيوب .

كلنا بشر . وزميلك هذا وغيرهـ ليسوا انبياء مرسلين ولا ملائكة منزلين


وحياة المراءة الزواج .

وخلها تدعي الله يهيدهـ وتأخذه وما جاها عندي


قلها انتي عمرك . تعدى الثلاثين والله ان طار ذا من يدك . لتبطين صبه مالقيتي اللي يأخذك

<< متحمس مع الموضع


دمتم بخيـر


وتحياتي

[الدانه]

(((((((((( الاخ/شااامااان ))))))))))

قول لها الصدق مهما كان زميلك لانها حطته في ذمتـــك..

[حنين الشوق]

اخوي شامان ..

هذه البنت حاطت ع كتفك حمل ثقيل تسأل عنه يوم القيامة

كلمة واحدة باأقولها لك اذا كانت هذه البنت اختك ايش حاتعمل

حاتوافق عليه انه يتزوج اختك ولا لا.

والله يعينك..

[سيف العرب]

أن كان صدق قله و لا يأخذ فيه لومة لائم لأنه حطته في ذمتك...
أو يمكنه أحد يستهبل و لا مقلب من ربعك...
اسمحلي يا الغالي أن كان ردي شوي قاسي و جدي هذا ردي يا الغالي...

[بسمة الخالدي]

و الله الموضوع ما يبي له اي تفكير ياخوك



البنت داخله عليك .. واحيي فيك هالضمير الحي مشالله عليك


اشور عليك انك بس تقول لها اللي انت شايفه ... شين الرجال قبل زينه


تدري لو خذته وشافت منه الشي اللي انت شفته صدقني طول عمرها بتبقى تدعي عليك ... سواء استمر زواجهم او لا ...


ابد اعتبرها اخت لك ... وشوف وش بتقول لاختك

وانا بصراحة ضد كلام الاخ خالد


يعني حتى لو كان عمرها 30 سنة هذا ما يعني انها ترتبط مع شخص غير كفو


ولا تقول ان شالله صلاحه على يدها .. هي ما تبي تتزوج عشان تقعد تصلح في هالرجال.. هي تزوجت تبي تربي وتصلح عيالها معاه..


مو عشان تصلح ابوهم ...!


يعني ممكن انت تقول لها حاله وتقول لها رايك هذا ..


ولا تحط ببالك انك قاطع رزق الرجال بالارتباط.. لا و الله .. بالعكس.. هو اللي تسبب بهالشي بسواياه



انتبه ياخوي ما تقول لها اللي انت شفته تراها امانة و ربي يسألك عنها يوم القيامة ...




الله يسعدك يا رب على اخلاقك العالية وضميرك


قليل مثلك اللي يشيل هم موضوع مثل هذا

عسى الله يكثر من امثالك

[لهفه الخاطر]

اخوى شااااااااااامان قول للبنت الصدددددددددددددق



انت بين لها اللى تشوفه عشان اذا انتبهت هى راح تدعى لك واذا خبيت عليها راح تدعى عليك

وانتبهى ترا هالاياااااااااااام تصير مقالب بأمور اكبر من كذا


قول الحقيقه اذا كانت البنت صادقه او كان مقلب فأنت بنهايه الكسبان

[أخت الذيب]

أنا رايي من رأي أختي بسمهـ

وبعدين يا أخ خااااااالد أكبر غلط تفكيرك أنها تعدت ال30 مع أحترامي لك ,, الوحده تقعد فبيت أهلها معززهـ مكرمهـ ولاتاخذ لها واااااااااحد مايصلح والا أانا غلطااااااااااانه ياخالد >>أتمنى أنكـ ماتزعل




وبعدين إذا أنت مومرتااااااااح تقول لها ياشامان ,, قول لها تستخير وااااالله يفرج لها ويفرج لكـ يارب

[الوسمي15]

السلام عليكم ورحمة الله وبركاته


اخوي شامان >> المستشار مؤتمن <<

حطها بين عيونك .. وهذي امانه .. علمها بوضع الرجل ولا تخبي عنها شيئ اذا مقدر لهم نصيب بيلقونه ..

خلها تدعي لك ما تدعي عليك ..


اخوك / الوسمي15

[قمر فعالي سماه]

هلا اخوي شامان

بقولك رايي انا اتمنى انك تقولها الحقيقه
لانها حلفتك بذمتك
واعتبرها اختك وجايها عريس
ولا تخدعها