هبت جنوب وطاح برد المكاتيب

[خـآلـد!!]

السـلام عليكم ورحمة الله وبركاته


مسـاكم الله بالخير


والله هالقصيده جازت لي


وحبيت انقلها لكم


اترككم مع القصيدهـ


هبت جنوب وطاح برد المكاتيب=وياكثر ماهب الجنوب وذكرته
يملا حضوري في حضوره وانا اغيب= ويما غيابي في غيابه حضرته
إن جاء مطر صارت له ضلوعي شعيب=وإن راح ريح ٍ طيّر اللي بذرته
جنـّبت لو مالي عن الدمع تجنِيب=ومن وين ما هاج بجروحي شعرته
طال السكوت ومال صمتي مطاليب=غير الكلام اللي وقف وإنتظرته
وآآصمتي اللي صار في عيونهم عيب=وآآجرحي اللي لو فضحني سترته
لي صاحبٍ يملا كفوفه تراحيب=لولا الحياء في ضحكته ما اعتبرته
ويا صاحبي ما هي عليّه مقاضيب=عذروبي إنك ذخري اللي ذخرته
عذروبي إنك شــوّهتك الأكاذيب=عذروبي إنك جاك طيبي ونكرته
إن جيتني بفراق زود العذاريب=لا جيك أنا من زود صبرٍ صبرته
للطير جنحان وريش ومخاليب=لكن يضيّع صيدته في غبرته
من جزم نفسي يوم صار الردى طيب=وحلمي قبل لا يكسرونه كسرته
ومن راح مني قلت يا عله مصيب=دورت له عذر كريم وعذرته
اللي يبي بعدي أن ماني قريب=إما ربحني وإلا أنا ما خسرته
قلبي خوي ما لقلبي معازيب=واللي حقرني من رداه احتقرته
رغم الجروح اللي بقلبي معاطيب=حييت كفين الزمان وشكرته

ودمتم بخيـر

تحيـآتي

[سلطان السبيعي]

مشكور علا القصيده الجميله وصح لسانك ولسان قايلهاء

[بري حالي]

الله الله علاك ملايين وصح الله السانك ومنقولك



لله درك تسلم يمناك بارك الله فيك



لاهنت في انتظار بوحك الرائع دائمـــاً


كل عام وانت بخير ..

[خـآلـد!!]

سلطان السبيعي وبري حالي


اشكركم على المرور ..

وحيـاكم الله في مواضيع قادمه