سولفوا تكفون لا عاد تسكتون ..

[رجل الصحراء]

الشاعر:محمد بن فطيس المري


،؛، .. ســـولفـــــوا .. ،؛،


سولفوا تكفون لا عاد تسكتون ..
.. قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي

[رجل الصحراء]

الشاعر:محمد بن فطيس المري


،؛، شــــطـــر حفـــــظتــــــه ،؛،


ماني بمن ياتي ولا يدري به ..
.. شطرٍ حفظته ما أعرف كتابه


شطرٍ يناسبني لمثل الليله ..
.. وآشوفني في ذا المكان أولى به


أبا أتكل بالله ونعمٍ بالله ..
.. اللي ما يوصد دون خلقه بابه


باقول واللجنه تقيم قولي ..
.. ومن كثرة الشعار ماني آبه


الحمد لله واثقٍ من روحي ..
.. وإن كنت ذيب فالرجال ذيابه


ما أقول أنا أشعر واحدٍ في العالم..
.. لكن قصيدي كفو وأنا أدرى به


الشعر جمعنا لو تفرقنا ..
.. حدودنا وظروفنا الغلابة


الله يبيض وجه راعي الفكرة ..
.. عز الله انها تنحسب لحسابه


والله يبيض وجه من يرعاها ..
.. محمد الله يحفظه لأحبابه


محمد ولد زايد عريب المجنى ..
.. ولي عهد الديرة الخلابة


الشعر تاريخ لنا من مبطي ..
.. وإعلامنا يوم السنين نهابه


الشعر بيت والوزن عمدانه ..
.. معناه طنب وقافيته حجابه


الشعر وادٍ فيه صيد واجد ..
.. وكلٍ على الوادي يهج ركابه


والأفكار صيد وكل شاعر قانص ..
.. وكلٍ يدسم شاربه مخلابه


أحد خياله حر .. وأحد وكري ..
.. وأحدٍ خياله كوبجٍ بقطابه


وأنا خيالي كل ما هديته ..
.. حول على الوادي وصاد عقابه


شاركت أمثل ديرتي وربوعي ..
.. وكل يمثل ديرته وأقرابه


والله إلى الله راد والله قاله ..
.. إني لا أسلمها الفخر وكتابه


داري قطر .. وأنا هنا أمثلها ..
.. المجد مطلوبي وأنا طلابه


عهدٍ علي إني لا أشرف داري ..
.. ترك صبي ما يعز ترابه


شوفوا دمي من حبها عنابي ..
.. وحماستي من ضوها شبابه


شاعر خليجي والعروبة بيتي ..
.. والبيت ما ياقف بدون أطنابه


وإن عودت بين القبايل فزعه ..
.. أنا أشهد إني في اللوازم لابه


لي في القبايل ربع .. وأقدرهم ..
.. ماني بمن يجهل مقام أصحابه


وإن عودت لأصلي .. فأنا أصلي مري ..
.. من صلب يام أهد القنا وخضابه


قومٍ لنا فوق المعالي بيرق ..
.. والسيف قوة سلته بنصابه


الشعر طوقني وأنا طوقته ..
.. قمت آتمشى به وأفك أبوابه


يا بنت ياللي تفرقين بعودج ..
.. ما ألومهم لو كثروا الخطابه


لامر بج دربج على خلق الله ..
.. قالوا كذا بالأصبع السبابه


زينج يزينه فعل أبيج وجدج ..
.. وإنتي بدورج للنقى كسابه


قومي تباهي بي .. وفلي راسج ..
.. عليج من ستر الشرف جلبابه


وإن ما سترتج بالفعول وباسمي ..
.. فعقبني الفنجال يا صبابه




،؛، .. يا قـــو قلــــبـــك .. ،؛،


ياقو قلبك على الصّـده ويـا صُــــــبـرك
وياوسع صدري على صدك ويا صُبري


وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري


والله لون حمل صبري فوقـك..ان تبرك
والله ولو تعتذر منـت بعلـى خــــــــبـري


ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري


تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري


طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري


امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

[رجل الصحراء]

الشاعر:محمد بن فطيس المري




،؛، .. يـــوم المزايـيـــن .. ،؛،


من لابتي مّره الى جـدي افطيـس ..
.. ربعي مطوّعة الصعـب بالصمايـل


ناموس ياللـي تكسبـون النواميـس ..
.. ياهـل العلـوم الغانمـه والجمايـل


اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل


انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل


يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل


منصا الرجال اللي على ضمّر العيس ..
.. وفالحرب نطّاحة شبـا كـل عايـل


هواجـرٍ لاجـات قدهـي مقاويـس ..
.. ركب الضيوف امن السرا والقوايـل


تنصـا ربـاع امتعّبيـن المحاميـس ..
.. مروين حـد المرهفـات الصقايـل


يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل


وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل


تفوز في يـوم المزايـن وفالريـس ..
.. من كـل منعوتـه تسمـى وحايـل


ولو حصل للبل من النـاس تفليـس ..
.. يكفيكم انك فالعـرب مـن لاوايـل


تلبس من العنّـاب زيـن الملابيـس ..
.. يوم المزاين مـع ارجـال الحمايـل


يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل


ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل


الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل

[رجل الصحراء]

الشاعر:محمدبن فطيس المري

،؛، .. لا ضاقت الدنيـــا .. ،؛،


لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد


فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد

[رجل الصحراء]

الشاعر:سعد بن جدلان

يالله اللـي مـا خشـى غيـر خــوفٍ مـنـك خــوف
لا شـــريـــك ٍ لــــــه بـمــلــكــه ولا يــعــبـــد ســـــــواه
فـيـك تشـخـيـص البـصـايـر ولـــك مـــد الـكـفـوف
يــــا كــريـــم ٍ يـكــرمــون الاكـــــارم مـــــن عــطـــاه
عالم اللي ما اعلعمـه شايـف اللـي مـا نشـوف
خــافــي ٍ ســـــره والاســـــرار مـــــا هـــــي بـتـخـفــاه
لا جـفــانــا الــقـــل والــلـــي روابــعــهــم ضـــعـــوف
جــعــل ربــــي مــــا يـوريـنــا غـضــبــه ولا جــفـــاه
ولا انقـفـل بــاب ٍ مــن الــرزق حـراسـه وقـــوف
فــتّــحــت بــيــبــان الارزاق مــــــن كـــــــل اتـــجــــاه
والله انـــي شـــره وان هـقـوتـي تــرقــا الـطـفــوف
مـيـر عـيــا يسـتـحـي الـفـقـر مـــن وجـــه الـغـنـاه
كـــم تعـبـنـا نـحـســب الـجـهــد يـثـمــر ومـخـلــوف
وكـــل مغـرسـهـا عــلــى قــــوز ينـطـحـهـا صــفــاه
راكــب الـلـي مـثـل نـصـبٍ غـبـش قــدم القـنـوف
شـاص لنـد الفـيـن تشـفـي عـلـى شـوفـه شـفـاه
لا اعتـرض روس الشطـرطـون قــدام معـطـوف
كـالـشـفـق لحـمـرعـلـى حــــد نــــوّ ٍ مــــن صــحــاه
فالطعوس البيـض يزمـي علـى روس الطنـوف
مـثـل مــا تـزمــي سـحــال الحـلـيـب مـــن الـرغــاه
مـنــو شـغـمـوم ٍ عـلــى خـدمــة الـخـويــا ولــــوف
ايــتــغــانــم شــــبـــــة الــــنـــــار قـــــــــدام اخــــويـــــاه
كــن سـبـيـره حـبــة الـخــال فـــي عـاتــق هـنــوف
لا لــقــت خــطــوى عـشـيــر ٍ تـبـيــن لــــه غــــلاه
دق سلفـه لا انكـف الزيـت مـن فــوق البـلـوف
لا قضـيـت الـفـرظ الاول وفـظـت مـــن الـصــلاه
وأمش من بطن الشقيقه سلمت من الصدوف
ونـحـره بـيـت بــن ذرعـــان فـــي بـطــن الـغـضـاه
بـيــت شـرهـيـن الـهـقـاوي مـدلـهــت ّ الـضـيــوف
مـسـنـد الـلــي لا طـلــب عـونـهــم وجــــه ٍ وجــــاه
عـنـد ابــو فـــارس تـريــح عـلــى بـــن وخـــروف
وان نـشـد مفـلـح عــن العـلـم قــل علـمـي عـفـاه
الــرجــال اتــقــول مــــا يـنّـصــا عــنـــد الــظـــروف
كـــــود رجـــــال ٍ يــســـد الـــلـــزوم لـــمـــن نـــصـــاه
ولا يـفـيـد الـنـعــم ويـسـيــر لــــه بـالـمــدح نــــوف
كــــود رجــــال ٍ يـعـشــق الـمـراجــل مـــــن صــبـــاه

[رجل الصحراء]

مــيـعـــادنا عند الــتــمــنــي نــســـانـــا
............. و ظــــروفــنـــا تـــزرع عــلـــى دربـــنـــا عــــوق

[رجل الصحراء]

مشيت لع ـيونكـ
ع ـلى كــل
م ـمنوع

مدري ج ـنون
الـــــح ــب
وإالا
شــج ـاعه