مجاراه الشاعر احمد السلمان لقصيدتي ( تجارب عمري )

[نـــاصر بن ثويـــني]

السلام عليكم

اولا اخواني اعتذر عن هذا الانقطاع عن المنتدى لانشغالي بامور الحياه الله يكفينا شرها وياكم

ووصلتني رساله من الاخ احمد السلمان بالخاص وهي مجاراه لقصيدتي تجارب عمري

ويشرفني ذلك

وصح الله لسانك ياخوي على هذه المجاراه

اخوك ناصر



خايلت لي نوٍ بروقة حية
وهلت علي مزونة الوسمية..

خياله أروى كل فكرٍ ضامي
ومنه أنبتت مني لكم ردية..

أقطف ثمرها جعل عينك تسلم
من روضةٍ ماداج فيها رعية..

سالت وسم والوسم جاها مبكر
ويرشها الماطر ضحى وعصرية ..

لوحتك ياناصر جديدة معنى
رسمتها بأبياتك السحرية..

بروزتها برواز زاهي نظرة
واخرجتها بلمحاتك الفنية..

حتى سعد يومه يغنيها أبدع
ياحلوها بألحانه اليامية..

صغت التجارب قدم عين الناظر
وأردفتها بحلولك الجذرية..

لو كل من ينظر وقلبه واعي
محدٍ يطب بداخل المحمية..

مايسمع الشمات مني شكوى
اكظم على جروحي وهي مدمية..

الراحه اللي كل نفس فيها
هي الثمر ومن التعب مجنية..

ولو كل خطابٍ يجيها توافق
رخص الثمن والسلعة المشرية..

مغانم الدنيا نعيم زايل
والصالحات ذخيرة الطرقية..

الرزق عند الله خزاين مليا
وحاجات خلقة بالدعاء مقضية..

الحر منزاله رفيع عالي
والهينة ترضى بها الدونية..

واللي كشف للناس خافي سده
نسي إن دورات الفلك مخشية..

مايطعن من الخلف غير الغادر
اللي تحرى غفلة مرجية..

من لا احتزم في ذا الزمان بقوة
ولا انقطع محزمه بأول هية..

يصبر على ماجاه كانه عاجز
والصبر منه العاقبة مرضية..

عكست لك من صمت فكرك صورة
ردت فعل للوحة الاصلية..

وإن غيبت بعض المنابر صوتي
أنت الرجاء فـالساحة الشعرية..

اتمنى ان تنال اعجابك
وبإنتظار تعليقك ...


أحمد السلمان

[بنـت الـروقـي ~]

ي الله انك تحييه ف14

لوحتك ياناصر جديدة معنى
رسمتها بأبياتك السحرية..

بروزتها برواز زاهي نظرة
واخرجتها بلمحاتك الفنية..

حتى سعد يومه يغنيها أبدع
ياحلوها بألحانه اليامية..


م6

الله عليه , تسلم يمينه شآعرنآ احمد ع القصيده ,

,


لك ف14

[زبن الشمري]

وعليكم السلام ورحمة الله وبركاته

يا هلا يا الله حيه , البركه بالرمضان اللي شفناك فيه

الله لا يشغلنا الا بـ طاعته وان شاء الله اخر الغيبات

صح لسانك ولسان ابو سلمان

[جوليت زماني ..]

حيااك الله شاعرناا ..

منووور ..



مغانم الدنيا نعيم زايل
والصالحات ذخيرة الطرقية..


هالله هالله ..

صح لساانه احمد ..

مننحرمش من هالطله شاعرنا .. :*)

[مغرورة بتواضعي]

قصيده راائعه وذووق


صح لسسانك ولسسانه


يعطيكم العافيه وما قصرتواا

[تاج القلب]

عكست لك من صمت فكرك صورة
ردت فعل للوحة الاصلية..


وعليــكم السلام والرحمــه
ياااااااااااااهلا بيك ,, وصح إلسااااانك
وصــح إلساااااااااان أحــمــد السلمان
مــاشاء الله,,,

[احمد السلمان]

السلام عليكم ..
في البداية
اشكر الأخ الشاعر ناصر بن ثويني
واشكر كل من رد او علق على قصيدتي يعطيكم الف عافيه

وحبيت اشارككم برد اخي الشاعر ابراهيم السلمان على قصيدتي

يامرحبا ترحيبةٍ مثنية
للي بيوته جزلةٍ منقية

غواص في بحر الشعر من حينه
لاغاص جاب الدرة المسمية

اشعلت في نفسي حماسٍ فاتر
وحاولت أجاري اللوحة الشعرية

مدري أتعجب من قصيدة ناصر
ولا اتعجب منك هالدرية

ماقيل من جزل القصايد يبقى
يبقى الذهب وتصدي المطلية

مايدرك العليا خدين الراحة
اللي حياتة بين ظل وفية

أحرى بمن يسعى ينال مراده
راعي الركايب يدرك الرجلية

ولا كل من يحرص يعوَّد سالم
كم من حريصٍ طاح وسط الخية

لكن على الله والله اللي يقدي
الدرب ماشي والبشر عبرية

تحياتي
احمد السلمان

[بدر أبوحيمد]

صح لسانك يا الشاعر إبراهيم السلمان قصيدة تكتب بماء الذهب مليئة بالحكم والصور الرائعة

مشكور يا اخوي أحمد على هالقصيدة الرائعة.

لاتحرمونا من جديدكم يا الشعراء الكبار ناصر ، أحمد ، و إبراهيم