ٍٍٍٍٍ بَوْح المهَـــــــاجِر ٍٍٍٍٍٍ

[المهـــــــاجر]

بكتب رحيلي في قصيرات الابيات = في ركن هادي وانثر البـوح وارتاح
يمكن اعبّر عن حياتي والاهـــات = ويمكن قراها من على القلب ما زاح

[المهـــــــاجر]

بوح من الماضي :

نســـــتريح من المصايب والشقا والشــــــــاردات = ونرتجي من هالزمن عدل الليـــــــالي والنــصيب
والرخــــــى ما ينكتب من دون طيب النايبات = ويا كثر ناســن ما لقــــت في دربهــــا غــــير النحيب
يا جعل حظ المنتظر عقب الصــبر زين الممات = واللي يبي من دنيتــه جـــود العطا يلــــــقى نصيب
خاشرت اناراعي الصبر وخاويت جادعت الحصاة = وما لقيت بدنيـــــــتي غير العنـــــا وحــــده صحيب
ولو استوى مع فرحتي حزنن يبعثرني شـــتات = ما كنت ارضى للشجن يسكن حشاي المستريب
ولو هي على كثر الشــــــقا يا كبرها هــــذي الحياة = ويا كثر ما دار الرحى يطحن بذورن من عطيب
تناطحت روس البـــــشر وقلوبهم متخـــالفات = وعيــــون تلهث بالنـــظر بروازها وجهن شحيب
مرّ الزمــــن وتغيرت كل المظاهـــر والصفات = وصارت العليــــا مكان ومرتعـــــــــن لادنى طليب

[المهـــــــاجر]

يستكين الوقت وحلوك الليالي في زهاب العمر خير
وتشفق الكلمه تبوح بداخلي تبقى سجينه مع رجاويها
وانا ويا الخضوع ارفض اسافر وارتحل يم الهجير
وعندي من سيوف الحق ما يكفي تخاويني واخاويها
عرفت القاف من ناسن يسّلون الحروف ويَحفُظون الجير
وعشقت الشعر من يومي وانا انهل من بحوره وقوافيها
وقريت ابيات من قومن يسوقون القوافي بروعة التعبير
وسليت بخاطري مبحر وسط يمّ الجزاله ترويني معانيها
انا مثلي مثل طيرن بغى يرقى وجناجه يسعفه ويطير
ركبت ابيات اشعاري كما الغيمة وذاك الريح مجريها

[المهـــــــاجر]

صمت طويلا وبُحت لكي بترانيمي :

ياوسع الارض اللي وطاها خافقي وعشقي لاطراف المدينه = شَوف عيني ما بقى من كل هالنـاس غيري مغــترب رحّال
كل دارن تستوي من غيبـــــة اوطانــــي مع اراضيها رهينه = وكل دربن لو مشــيته القى سرابـــــك ويحكـــــي لي سؤال
ليه يوم اني احتريتك مع غياب الشمـــس وجروحـــي طعينه = وليه كان الانتــــظار يملّ صــبري ويطرق ابــــواب الخيال
ومن متى وجهـــي يملّك ومن متى صوتك تـــداريه السكينه = والله اني ما عرفـــت الحــب مع غيـــــرك ولو كنتـي محال
اسمعيني وابحـــــــري في كل كلمـــــه مع مجاديف السفينه = ايه احبك وما بقــــى لي غير انتي ولا بقــى لي غــــير فال
اني ارجع لك مهـــــــاجر للمــــدينه واقتــــل الفرقى اللعينه = وليت قبري عند ســــورك وفي ترابـــك في مــداراتك مئـال
ليت حتفي في عيونك مع دموعـــــك مع هجــيرك يا الامينه = يالعفيفـــــه يا اختصــار الصـــدق بوقت التصـنّع والاحتيال
ايه احبـــــك واعذريني ولا تحسبــــيني اســـــاوم بك غبينه = وما اهين اللي عطــــتني من حيــــاته اغلى شـــيّ بكل حال
ايه احبك وما رضيت البـوح باســراري واشعـــاري الدفينه = غير لمّا اعتزيت القلب يشعلك شــراينه وينبض لك وصال

[المهـــــــاجر]

ْْْ تراب المقبره ْْْْ

اذا نشدتو يوم وين المهــــــاجر عن دياره وين راح ْْْْ تلقون في وسط الثرى بعض البـــقايا من رسوخ
شوفوني مثل تراب المقــــبره ينتحب فـــوق البراح ْْْْ واول على سفح الجبل تاقف مثل صــخرة شموخ
واليوم هذي حالتي بعد الشقا بعد الوهم بعد الجراح ْْْْ صارت حياتي كلها رملن بقى في نهـاياته شروخ

[المهـــــــاجر]

في شعاع الشمـــــس معنى للشــــروق ::: واضحه للّي من الصـــــــدق ارتوى
وش يظرّك يالجبـــــــل ليصـــــرت فوق ::: ما يطــــــولك من على الشينـه نوى
سفحك العــــــــــالي مع الغيمـــة بروق ::: ترتحــــــل بالطـــيب والعفّــــه سوى
ونترك علــــــــوم الردى للغــــير سوق ::: ما نهاب مواجــــــه الّلـي مــــا قوى
ادري ان المرجــــــلة شــــرع وحقوق ::: وما يخــاف الذيــــب من كلبن عوى

[المهـــــــاجر]

سمعت كثيرا عنه ...
قرأته في الروايات ...
كتبته في الاشعار ...
داعبته في الخواطر ...
لمحته في عيناي بالمرآه ...
اقتربت منه اكثر فاكثر ...
حاصرني ...
ضج مضجعي ...
استباح ليلي ...
سرق مني نهاري ...
باختصار ...
لم اعد املك نفسي ...
ولله الملك جميعاً سبحانه ...
لكن لم تعد جوارحي لي ...
حتى المرآه لم اعد ارى نفسي فيها ...
هل هو صباح جديد ...
هل هي الدنيا ...
هل هي الاقدار ...
حدث ما حدث ولم يعد بقربي احد ...
هل استطيع ان ابتعد قليلا ...
لا ابحث عن استراحة محب ...
بل ابحث عنه ...
قد اراه في سكون ليلي ...
وفي دروب سفري ...
وفي شعاع شمسي ...
قد المحه في سفوح الغروب ...
قد اسمع صوته خلف الضجيج ...
قد تاتيني ترانيمه من السحاب ...
لكنني ...
عندما اتذكر كيف انه يجهلني ولا يعي مقاصدي ...
اركن الى الرحيل مرة اخرى ...
فجحيم السفر والبعد عن كل شي ارحم من قلب لم يعد يعرف من انا ...
وعندها ...
ساعلم جيدا معنى الانتحـــــــــار ...