شغلات ونصايح..تفيدش فالبيت..

[زبدة عربها]

اليوم جايبه لكم حركات مركات..^_^.. شغلات ونصايح تنفعش بالبيت ...

*مثلا عندش ورد صناعي بالبيت تبين تنظفينه من الغبار وخايفه لايخرب شكله شتسوين؟؟
تجيبين كيس بلاستيكي"حق الجمعيات يعني بس مذربتها" وتترسينه ملح خشن..يعني زود فسقه..وانا استغفر الله.. المهم وتهزين الكيس وبس راح ينظف الورد...


*واذا عندش قطعة فرو فالبيت سواء بدله والا فروه للبرد والا قطعة زل"سجاده" اخذيلش قطعة قماش مخمل وافركي الفروه فيها وراح ترد البريق واللمعان لها..

*اذا لاحظتي ان بعض ملابسش السوده او مثلا عباتش بهت لونها يعني عندنا"شوهب" لاجيتي تغسلينها حطي كوبين من القهوه السودا لماي الغسيل وراح يستعيد لونه..ترى مابعد جربتها؟؟

*اذا علق علك على ملابسش اخذي لش ورقه وحطيها على العلك اللي فملابسش وحطيها على طاولة الكي "الاوتي" واكويها لين يلزق العلك بالورقه..

*واذا علق العلك بشعر البزر او شعرش..خخخخخخخخخخخ.. عادي تصير حطي عليه سفن عشان يصير يابس ويتفتفت...

*واذا طاح على الملابس دهن او مثلا مرقه مليانه دهن حقة الهنود^_^ على طول اغسليها بصابونة اليد او حطي عليها بودر وخليها ساعه وبعدها اغسليه..

*واذا عندكم قلاصات بلاستيكيه راح تبقى فيها الريحه لاغسلتيها حطي داخلها قطعة جريده يعني تحشين القلاص وتحطينه بالفريزر راح تروح الريحه..

*واذا لاسمح الله احترقت ايدش او اي جزء من جسمش على طول حطي صفار البيضه عالحرق..

واللي عندها خبره بهالشغلات لاتبخل علينا..والسموحه عالقصور..

[البشاير]

بصراحه ذي النصيحه اذا ضبطت بجي احب راسك يابنت راكان


واذا طاح على الملابس دهن او مثلا مرقه مليانه دهن حقة الهنود^_^ على طول اغسليها بصابونة اليد او حطي عليها بودر وخليها ساعه وبعدها اغسليه..



جاري التجربه

[طرفه]

نصــائح حلووووه نجربها ونشووف


تسلمـيــن خيتووو بنت راكان


وربي يسعدج حبيبـتي

[زبدة عربها]

يسلم راسش..
اي والله بتضبطت وانا اختش انا مجربتها كم مره..وخواتي..
افا عليش بس..

ويامال اعافيه عالمرور الطيب يابشوره..

[نورالعيون]

بنت راكان تسلمي على النصايح

النصيحه هاي جربتا انا >>>> *واذا طاح على الملابس دهن او مثلا مرقه مليانه دهن حقة الهنود^_^ على طول اغسليها بصابونة اليد او حطي عليها بودر وخليها ساعه وبعدها اغسليه


بس انكب زيت وعلى طول حطيت بودره اطفال وبالفعل راحت على طول

[زبدة عربها]

الله يسلمش يالغلا..
لاهنتي عالمرور..
الحمدلله انها ضبطت معاش..