الاوزان في شعر المحاوره

[محمد القحطاني]

اوزان المحاورهـ المشهورهـ

الى الاخوهـ شعار المحاورهـ هناك اوزان للقلطهـ خاصه بها..
وحبيت ان اوضح لكم بعض هذهـ الاوزان حتى تعم الفائدهـ على الجميع


(البحـر الطـويل)
كقول لويحان فيه:


هاضني مرقاب
عديت فــي عالـــي فروعه عصـــر والشمس حيه
ساقني سايق الاقدار لـين الساق عدا براسه من عذابي
آه واعبرتٍ كنيتها ما أبديتها في حشا روحي خفيه
مثـل عبــرة يتيمٍ ينزرونه نـزر والنـــزر هضـام الشبــابـي








( الحنيفي)

(( نسبة الى مبتدع هذه التسميه شاعر يدعى بحنيف او الحنيفي لقبه))


من صافي النيــــه ... سلام رديـــه
والملعبـــه واللـــي قافيــــها
من خاطرٍ صافي .. حييت يالسنافـي
والملعبه شدها لياك ترخيها









(المربوع المكسور)
كقول سليمان بن شريم:


والله اني فوقهم كني على مزعافي ... مهرةٍ لعابـــــه
لي ثلاث سنين ياصقران هذا حوفي ... بندقي مشعابي
انت ياراعي الغنم قد شافك الشوافي ... جوكم النهابه
يوم تمشي بالجبال السمر كنك عوفي ... للغنم حـلابي









( اللويحانـي )
كقول لويحان:


الا يامال فرقا العـين الا يامــــال فرقا العـــــين
يابعد الفرق بين الناس ياخلاق ياكــــافي
خطاه الزول صورة يحسب الجمعه ضحا الاثنين
يغر الاجنبي زولـه وفي ملبوسه الضافي







( القصير)
كقوله...


ياسلام رديه على كل الرجال
ردةٍ خاطــــري غـــــنا بها
هبت ارياحي شرق وشماـــل
والمعاني حسبت احسابها









( المعوسر او العسير )
كقول مرشد البذالي:


1 .. منهو وحدا .. بالقليل .. وان تيه عين العجفاوي
ولا.. منى على .. الاصحاب .. نفس تجي دونيه
2 عدا .. ذيب الندا .. في ليل .. مير احترس يالشاوي
ملا الناب العلا .. ون صاب .. ياخذ لحمته نــيه
3 غدا .. قولوا كدا .. ماقيل .. ســـــبعٍ طمع به واوي
ولا.. قولوا بلا .. شر شاب.. تطمع به الحنــديه







( المخـــــــــومس )
كقوله..


سلام والسلام مني والليله الملعب ينادي
الليله الليله لعبنا ماهبلك ياقلب الشروودي
تحية وفاء يافاهمين التماثيل






ياناقلين الطرق عني من جنب الطاروق غادي
ان قالوا العالم تعبنا انا قوياتٍ عضودي
تعاليل ياهل اللعب هذي تعاليل









( المســــــودس )
كقول مرشد البذالـي:


اسمعوا وافهموا رد الكلام ياسلامي على اللي يفهمون اقوال من قدم شريف الكلام بلا جزا
شاقه الولم.. واغرم يوم جابنه مطاليب حاجات الرفيق من عناله وجب حقه وصار

مالنا في تشعبات الكمام انت يامن لكح بالرجم زولٍ زال واستدنا سلاح الشجاعه واعتزا
ثابت العلم.. وافكر ليـــــن تدري طلــب قــــوم والا انه صديق لاتسرع بتنفيذ المغار









( المنكوس )
كقوله..

سلام رديه .. لها راس وعيون .. سلام رديه
الليله الليله .. بها اشكال والون .. الليله الليله
رده ومثنيه .. على اللي يغنون .. رده ومثنيه
كلن وتحليله .. الى كان ماكان .. كلن وتحليله








( المثــــــــــــومن )
كقوله..

وصلنا سلامك .. ونفهم كلامك
تبي تركب البرج والبرج عالي
ترفق وخل المشي يارجل بالهون
لقيتك لقيتك .. وانا مانسيتك
تصلي الفروض وتبوق القرايب
توضيت والا مصلي ماتوضيت








تظلل علينا .. وحنا درينا
قيل لاتكمل ثمان الليالي
تصلون ولايالربع ماتصلون
عصيت القرابه .. نويت الحرابه
ماهو نافعك لو يقولون تايب
تقهويت ولاعندنا ماتقهوت













( المربوط )
(( رابط بكلمه مكرره كقولهم: العالم الله ))


ياسلامي عليكم عد سموا قبيله
قلتها من صميم الجاش والعالم الله
وين راح القبيل اللي ينومس قبيله
ماربطنا عليها شاش والعالم الله














** وهذا نظم آخر مربوط ايضاا..
(( حيث تكرر جملة : المعني على سطح القمر ))

ياشاعر الميدان لو تنخا فلا تلقا نصير
ادخل ولك مظهار والمعنى على سطح القمر
ترى الجمل عيبٍ عليه رغاه من عقب الهدير
خذلك بها مشوار والمعنى عل سطح القمر










واخيرا اتمنى التثبيت

تحياااتي...


اخوكم/*·~-.¸¸,.-~*شاعروكلي مشاعر*·~-.¸¸,.-~*

[البشاير]

شاعرنا

ماقصرت مجهود رائع\



بحاول افهم هالسالفه اذا صحصحت

[][مسافر®للشقى][]

الله يعطيك العافية اخوي محمد على هالمعلومات

وانتي يالبشاير افلقيني اذا فهمتي شيء خخخخخخخ << امزح ف2


’,
دمت بود

[محمد القحطاني]

مشكورين جزيل الشكر على مروركم وانشاالله انكم بتفهمون اذا بغيتو والي يعرف شاعر محاوره يجيبه ويخليه يفهمه وانا بصراحه حبيت اشارك بموضوع يستفيد منه الجميع بس الظاهر الموضوع صعب عليكم اتمنى الفائده للجميع
ولكم مني خالص الشكر والعرفان


اخوكم/×?°شاعر وكلي مشاعر×?°

[محمد القحطاني]

ترى قلت صعب للي مايعرفون شعر المحاوره ولايعرفون شعار محاوره لكن مايمنع انك يالعضو او الزائر تقول خلاص صعب مااقدر اتعلمه ترى الشعر تتعلمه تدريجيا اول شي الالحان وهكذا وان كان كلمة صعب بتقلل من عزيمة احد ترى اسحبها وبونش سطحه بعد هههههههههههههههههههههههههههههههههههههههههههههههههه هههه ف7

ومشكورين على شرطتكم قصدي مروركم

هههههههههههههههههههههههههههههههههههههههههههههههههه هههههه ف12

اخوكم/«®°·.¸.•°°·.¸¸.•°°·.¸.•°®»شاعر وكلي مشاعر«®°·.¸.•°°·.¸¸.•°°·.¸.•°®»

[][مسافر®للشقى][]

أهلاً بك اخي محمد القحطاني

وشاكر لك تعقيبك الراقي وطرحك المرموق

ولي تعقيب على ماذكرت خلال ردودك بقولك انها صعبة علينا والقول الاخر اذا كنت تعرف شاعر محاورة يعلمك اياها .
قد أعرف شاعر محاورة والآخر يعرف شاعر محاورة ولكن الاكثرية من اعضاء وزوار لاتربطهم علاقة بشاعر محاورة ولو كانوا من عشاق هذا النمط من الشعر .

وبما أنك ملم بأوزان شعر المحاورة وشاعر وكلك مشااعر , وأوزان شعر المحاورة صعبة علينا ياليت تعرفنا فيها وتشرحها لنا لكي أستفيد ويستفيد من قرأ هذا الموضوع

ورحم الله امرءٍ افاد واستفاد


آآسف على الإطالة

[البشاير]

مسافر أجدت

وعلى لساني أيضاً

[محمد القحطاني]

اخوي مسافرواختي البشاير اعتقد اني ذكرت في الرد السابق اذا كلمة صعبه بتقلل من عزيمة احد اسحبها وبونش سطحه بعد

ومشكورين على تعقيبكم

اخوكم/~*¤ô§ô¤*~*¤ô§ô¤*~شاعر وكلي مشاعر~*¤ô§ô¤*~*¤ô§ô¤*~