ممكن طلب ياشباب

[كابتن الطائره]

السلام عليكم

كيف حالكم ياشباب نشا الله بخير

انا عضوي جديد عندكم في هذا المنتدى الجميل واتمنا ان تقبلوني معاكم .........

فاذا ممكن اطلب من عندكم قصيدة لاني دورتهااااا وما حصلتهاااا فيمكن احصلهاااا عندكم لانكم من اهل القصيد ونشا الله بحصلهااا في هذا المنتدى

ابغي قصيدة الشاعر الاماراتي محمد بن طناف الكعبي الي رد فيها على بن الذيب
وهي قصيده مسموعه فالله لاهانكم اذا ممكنحد يساعدني ........ وشكرا


اخوكم الصغير : كابتن الطائره

[البشاير]

راح نوفرها لك


بأذن الله

[البشاير]

أخوي لقيت قصيدتين له

لا اعلم اي قصيده تريد لكن هذه القصيده الاولى


يَـربّـي تعافينـا وزول البـلا يــا رب
أشوف الرجـل مسلـم وبالكفـر متشبّـه

تقول النبـي عنـده رجـل هـبّ ولا دب
ماكنّ النبي أنسان معصـوم مـن ربّـه

واشوف العرب تضحك وهي تلعن وتنسب
وتسبّ الشيوخ وعندهم ما هـي مسبّـه

ولي قال ( أص ) أقول له يالدويني جـب
بو راشد اصـلاً شيخنـا وكلّنـا انحبّـه

وبو خالد اصل اشيوخنا طبّ ثمك وطـب
نضحي بمـا نملـك وبالـروح ع َ سبّـه

إذا جيت عند الشيخ ما هوب عيب.. أطلب
وإذا ما قضالـك حاجتـك شكـره وطبّـه

ولكّن لا تشحت يا مقشور وجـه.. آهـب
طلبت العمارة لجل تدعـي علـى القبّـه

يعلك جهنم في حشاشة حشـاك اتصـب
ألين ايحرق مصرانـك الوهـج ويصبّـه

وهذا رابطها الصوتي

http://www.zshare.net/download/_____002-amr.html

.................................................. ......................................

وهذي القصيده الثانيه


قولوله ابن الذيب قولو لـه ع شانـه يستشيـط
أني إذا جيته أبسحب من تحت رجلـه البسـاط

ماني أبالغ في الكلام أو أن ذا زيـف وخريـط
ولا قول ذا من حيث قلة عقل أو أنـه اعتبـاط

ما يستوي يغلط ع خلق الله ويا زم شيـط ميـط
مادام مـاط النـاس لا بـده أيتحمـل للميـاط

الناس قامت تشتكي منـه وهـو أمـره بسيـط
ان كان يبغيها زمـاط أنـا تـرى قـد الزمـاط

آهـا تحانـي وشـد العـزم مادمـك نشـيـط
وان كان ماعندك نشـاط أنـا بمـدك بالنشـاط

وإن كنت مانته مقتنع فينا ترى ذوقـك حطيـط
وعديتنا مثـل الطحالـب وش نعـدك لنحطـاط

وين الملوك ووين شيخان العرب معطى الصفيط
إذا نوولك في الشعر مالك على البركن صفـاط

مثل الزعيم الفارس الشاعر يلي يلقـب سليـط
لي مايفوته شي يلقطهـا علـى الطايـر لقـاط

بو راشد محمد إبن راشد أبـو الأمـر القليـط
على أبو أكبر شنب وأهـل الممالـك والبـلاط

ولو ما أحاتي بالرضا فـزاع ماخفـت اللغيـط
لي ماوفاه الذيـب وامثالـه ولا شعـر لنبـاط

الشاعر الفارس الشيخ الراقي الشمـخ البسيـط
يكفي بأنك بس لـو تشوفـه تحـس بالأنبسـاط

إذا سمح لي طال عمره أستأذنه أقص الشريـط
وإن ماسمح لي سيدي أمره ومع الأمـر اتعـاط

أقولهـا مـن حيثـنـي بالله وبالله مستحـيـط
من كل شيطانٍ رجيمٍ واعمله ومـا بـه منـاط

الشعر علمه مثل ميـدان الكـرة لعبـة رهيـط
اليوم تلعبـه أساسـي وبكـره تلعبـه احتيـاط

يا الذيب علامك تحوّط وانت شكلـك ماحويـط
بالشعر مستهتر وراعي الشعر تمسح به البـلاط

وأنته ولا أنته قد لي تستعبطه وما أنـت بعبيـط
أبنصحك نصيحة ٍ أوضع ع الحـروف النقـاط

ما عدا نبكي ع الشباط المنشبـط بـرّا الشبيـط
ما قد قفى قد راح في حالـه ولا يفيـد العيـاط

وش لي تزمّر صادعنا طيط طاط وطاط طيـط
ما حيدنا جيناك لديـارك نبـا انملـي الشنـاط

ان كنت يا ابن الذيب بحر أنا ترا جنبك محيـط
وان كنت حايط لك على شلة أنا بقومي محـاط

لو ماطويـل العمـر فـزاع وزَعلـه مايحيـط
ولو ما مراعا للشعور وخوفتي يفـك الربـاط

ولو ماعربنا والسلوم وخوفتي يـدش الوسيـط
لعلن عليك الحرب من ساحل دبي إلى الربـاط

ياخي أتق الله وخاف ربك والكبر أكبـر سليـط
على بني آدم يوديبـه علـى عـوج الصـراط

الشعر ماهوب ملك لك ولا أن بالأمر البسيـط
واحنا بدو مانقبـل الشينـه ولا نقنـى السيـاط

يا هيه وش تعلم عن الشعـار عشانـك تميـط
لثامة السانك وتوضع للشعـر منـك اشتـراط

الشعر يا ابن الذيب ماهوب أمسيـة ولا سقيـط
الشعر من قبلك ومـن قبلـي ولا يـاه انفـراط

[كابتن الطائره]

مشكور اخوي البشاير على بحثك لهذه القصيده والله لاهانك نشا الله

بس طال عمرك القصيده الثانيه اهيااا وانا دورت عليهااااا مسموعه ومحصلتها

ع العموم مشكور اخوي على بحثك والرب لاهانك نشا الله

[¶ متهـورهـ بس ثقهـ ¶]

ان شاء الله اني ببحث لك عنها مسمووعهـ ..


وماشاء الله ماقصرو الاخوان

جـآري البحث .. ف2