الجــادل ... اول مشاركه لي ,,,,,

[مشاري الشليمي]

احبائي ..

اعزائي ..

الجادل شامت لـ عيوني ..

وانا اكتبها لـ عيونكم ..







الجادل اللي لها بـ القلب حشمه وقدر .. = على هذاك الطريق العذب مريتها ..
لقيتها تجمع الاشواق ورد وزهر .. = يا سعد حظي يوم اني جيت .. لاقيتها ..
حييتها من صميم القلب واقصى الصدر .. = ردت علي التحيه ثم خصيتها ..
خصيتها بـ الغلى والحب مما ندر .. = لبيتها وهي في وسط الحشا بـ بيتها ..
أي والله ان قلبي من العام شايل كدر .. = يا ليتها تعالج جروحي ويا ليتها ..
يا ليتها ما تمن بـ شوفها يا بدر .. = او انها ما تعيـّي كل ما جيتها ..
على النقا يا بدر ما فيه شي ٍ بدَر .. = مني على الشين .. لا بالله عزيتها ..
القلب واحة امان واستراحة سفر .. = لكن من يوم حلت فيه كنــّيـتها ..
لقيتها والسنين عجاف وايضا دهر .. = جرت ضميري بـ رقتها و آويتها ..
خليتها في صميم القلب تجمع درر .. = شرايد افكار شعري يوم غنيتها ..
حبيتها ماهو بإيدي وقلبي أمر ,, = اني على كل خلق الله بديتها ..
هي الوحيده تمر وغيرها لو يمـر .. =ما هم قلبي مروره يوم حبيتها ..
اهديتها يوم من الايام ذكرى عطـر .. = وحطيت قلبي مع التذكار واهديتها ..
تسوى بـ عيني جميع السمر معهن حمر .. = اللي حلاها رفع بـ أقصى الحشا صيتها ..
من زينها تعتبر فتنة زمان وعصر .. = لا قلت يـ الزين وينك .. قال خاويتها ..
تبعث على النفس حس العاطفه والفخر .. = يا رب جل جلالك حين سويتها ..
عنــّيت رجلي على درب التعب والخطر .. = وانا على قد دربي يوم عنــّيتها ..
( اليا سرقت .. الجمل .. واليا عشقت .. القمر .. )= هذا المثل حافظه .. والنفس اشقيتها ..
اشقيتها في طلوع الصعب شبر ومتر .. = ولا همني جهد تفسي كاني أذيتها ..
النفس تعشق وصالك يـ الغزال الحذر .. = يـ اللي دروب الردى ما يوم ماشيتها ..
الناس في درب بيتك ودها تنتحر .. = ارحم قلوب البشر يا زين وازيتها ..
الناس من عقب شوفك وش تبي بـ النظر .. !! = من كثر ما هي تحبك كنك اعميتها ..
بس الوكاد اني ابغي من جنابك عذر .. = على السفر والدروب اللي تماديتها ..
احب ابعد عشان ارجع وانا مدّهر .. = واحضن طيوفك قبل شوفك اذا جيتها ..

[شمس الغرام]

مشكور اخوي مشاري بيض الله وجهك وجعلها في ميزان حسناتك