البدويه
09-02-2007, 01:58 AM
السلام عليكم
قصيده جديده كتبها شاعرنا الكبير فالح بن قشعم في مدح قبيلة بني هاجر وقحطان كافه وتعبير
يقول من بدعه على غيـره اصعيـب \\\ راهـي ونهجـه مايغيّـر مـسـاره
شـرّد معانيّـه ماتحتـاج تعـريـب \\\ امعـرّبـه ماعربتـهـا الأثـــاره
صمخ البيوت الليّ مافي بدعها\\\ عيـبتطلق السـان اللـيّ براسـه نعـاره
فـرايـدٍ مافنـدوّهـا اللـواعـيـب \\\ اللـيّ شرايدهـم علـى غـيـر أداره
شعّـار تلفـاز وطبايـع رعابـيـب \\\ تحـت شعـار ان التقـدّم حضـاره
وانا ماني ضـد الحضـاره ولانيـب \\\ راضي على وضـع الرقيـب ورداره
الشعر أدب والبـدع معنـى وترتيـب\\\ واللـيّ يجيـده ماينقّـص وقــاره
امّـا يخلّـد بأسـم راعيـه فالطيـب \\\ والا بـلاش امـن اللغـى والعيـاره
ماهـو بمقيـاسٍ لعكـف الأشانيـب \\\ اللـيّ مراجلهـم تـذب الـصـداره
لكنّ واهس .. والطـواري غياهيـب \\\ يسج معهـا اللـيّ بصـدره حـراره
كثـرة أعلـوم اقريبيـن المحاضيـب \\\ وكلٍ بـدع لـه سالفـه مـن مـداره
أحدٍ يقول ان قولنـا مالـه امصيـب\\\ واحـدٍ يقـول انّـه كسرنـا بغـاره
وأحدٍِ نسب ساسه وهو ساسـه ايعيـب \\\ وأحدٍ يقـول ان فعلنـا حكـي حـاره
وحنّـا ماننظـر للحكـي والأكاذيـب \\\ نشـوم مـن كلمـة رديّ العـبـاره
لولا الحـدب ومعكفّـات المشاعيـب \\\ يمدي كلتنـا السـن كـلاب المغـاره
قـومٍ خلقنـا للمسـيّـر معـازيـب \\\ وعوق الحوار اللـيّ تهيـزع فقـاره
كرمان مانخلـف اسلـوم المواجيـب \\\ ولانحسب احسـاب ربـح وخسـاره
وظفرين لامـن غثربّـن المشاريـب \\\ واليـا تقدمـنـا مافيـنـا بــواره
خزنة ظفر ماحـن بخزنـة دواليـب \\\ من قوّ مافـي روسنـا مـن سطـاره
مقدامنـا شافـي حصـان الأطاليـب \\\ شيـخٍ براسـه حلـم رأي وقـشـاره
لاشبّ ضوّه فـوق روس المراقيـب \\\ ربّـط عـدوّه ماغـلا مـن أقشـاره
لاقـاد جمـع محمـدٍ والمخاضيـب \\\ وشريـف والنبّـاب جتنـا أخبـاره
ميرادنا يشبـع بـه الطيـر والذيـب \\\ وسوٍ على اللـيّ فـي فـؤاده نمـاره
كـم شيـخ قـومٍ حوّلتـه المعاطيـب \\\ بكفـوف عيـالٍ تـزيـد الـمـراره
وكم من عقيدٍ طاح واخلى المراكيـب \\\ وعليـه يبـكـن البـنـيّ بـغـزاره
مانلتفـت للـيّ ليـا قـام ماهـيـب \\\ الا على الليّ فـوق راسـه الامـاره
خـلان أشـدّه مروييـن المحاديـب \\\ مانتقـيّ لاصـار للعـلـم شــاره
اليـا تعزوينـا بحـرش العراقـيـب \\\ سـودٍ عليهـا اوسـوم ربـعٍ نـداره
نرعـى بهـا قفـرٍ لنبتـه نبانـيـب \\\ عشبه من الوسمي يشعشـع خضـاره
هواجـرٍ والسـاس ماعنـه تجنيـب \\\ من روس قحطـانٍ ومـن قعـر داره
ادروعنا الليّ ضربهم صعب واتعيـب \\\ وحنا محازمهـم علـى اوّل شـراره
حامين نجـد امطوعيـن الاصاعيـب \\\ وكسيرهـم يبطـي ماتجبـر اجبـاره
مركاضهم منه البـزر يلحقـه شيـب \\\ وتاريخهم مجـدٍ مايحجـب استـاره
للطيب سـاس وللحرايـب مشاهيـب \\\ وكـل قحطانـي للوفـا شـب نـاره
علـى مدايحهـم تزيـد المكاسـيـب \\\ وأشوش من بيتٍ مايخـدش أجـداره
قحطان لا اهتزّت اسـروج المهاذيـب \\\ اهتـز نجـدٍ والـعـراق وجــواره
افعالنـا مانبتدعهـا مــن الجـيـب \\\ يشهـد لنـا التاريـخ بـأول قـراره
ندرى الخوي من بد كل الاصاحيـب\\\ ولانحـسّـه فالحـكـي والـنـزاره
ولجارنا احلى من لبـن شمّـخ النيـب \\\ ندمـح أكبـاره وأنتحمّـل اصغـاره
الهاجـري لا منـه خـاوا الاجانيـب \\\ تلقـى ضويّـه فـوق راس الزبـاره
عجلٍ على المخبـا ولايعلـم الغيـب \\\ ونفسه على كسـب المعالـي امجـاره
من غير قاصر في فالأصول المجاذيب \\\ الطيـب ولعـه والمراجـل مـنـاره
وفي فعلنـا مافيـه شـكٍ ولا ريـب\\\ وقـولٍ بليّـا فعـل عـدّه خـسـاره
مافالحكيـا فـود ياهـل المكاتـيـب \\\ الشرح واضح .. والحقيقـه شعـاره
اليا بغيت الطيـب يامـدوّر الطيـب\\\ رافق بنـي هاجـر وتلقـى شنـاره
وسلامتكم
8
8
8
صح لسان الشاعر المبدع فالح بن قشعم عالقصيد الرااائعه الجزله
وبني هاجر وقحطان كفووو ويستااهلون المدح
لكم ارق التحااااياااا من اختكم البدويه
قصيده جديده كتبها شاعرنا الكبير فالح بن قشعم في مدح قبيلة بني هاجر وقحطان كافه وتعبير
يقول من بدعه على غيـره اصعيـب \\\ راهـي ونهجـه مايغيّـر مـسـاره
شـرّد معانيّـه ماتحتـاج تعـريـب \\\ امعـرّبـه ماعربتـهـا الأثـــاره
صمخ البيوت الليّ مافي بدعها\\\ عيـبتطلق السـان اللـيّ براسـه نعـاره
فـرايـدٍ مافنـدوّهـا اللـواعـيـب \\\ اللـيّ شرايدهـم علـى غـيـر أداره
شعّـار تلفـاز وطبايـع رعابـيـب \\\ تحـت شعـار ان التقـدّم حضـاره
وانا ماني ضـد الحضـاره ولانيـب \\\ راضي على وضـع الرقيـب ورداره
الشعر أدب والبـدع معنـى وترتيـب\\\ واللـيّ يجيـده ماينقّـص وقــاره
امّـا يخلّـد بأسـم راعيـه فالطيـب \\\ والا بـلاش امـن اللغـى والعيـاره
ماهـو بمقيـاسٍ لعكـف الأشانيـب \\\ اللـيّ مراجلهـم تـذب الـصـداره
لكنّ واهس .. والطـواري غياهيـب \\\ يسج معهـا اللـيّ بصـدره حـراره
كثـرة أعلـوم اقريبيـن المحاضيـب \\\ وكلٍ بـدع لـه سالفـه مـن مـداره
أحدٍ يقول ان قولنـا مالـه امصيـب\\\ واحـدٍ يقـول انّـه كسرنـا بغـاره
وأحدٍِ نسب ساسه وهو ساسـه ايعيـب \\\ وأحدٍ يقـول ان فعلنـا حكـي حـاره
وحنّـا ماننظـر للحكـي والأكاذيـب \\\ نشـوم مـن كلمـة رديّ العـبـاره
لولا الحـدب ومعكفّـات المشاعيـب \\\ يمدي كلتنـا السـن كـلاب المغـاره
قـومٍ خلقنـا للمسـيّـر معـازيـب \\\ وعوق الحوار اللـيّ تهيـزع فقـاره
كرمان مانخلـف اسلـوم المواجيـب \\\ ولانحسب احسـاب ربـح وخسـاره
وظفرين لامـن غثربّـن المشاريـب \\\ واليـا تقدمـنـا مافيـنـا بــواره
خزنة ظفر ماحـن بخزنـة دواليـب \\\ من قوّ مافـي روسنـا مـن سطـاره
مقدامنـا شافـي حصـان الأطاليـب \\\ شيـخٍ براسـه حلـم رأي وقـشـاره
لاشبّ ضوّه فـوق روس المراقيـب \\\ ربّـط عـدوّه ماغـلا مـن أقشـاره
لاقـاد جمـع محمـدٍ والمخاضيـب \\\ وشريـف والنبّـاب جتنـا أخبـاره
ميرادنا يشبـع بـه الطيـر والذيـب \\\ وسوٍ على اللـيّ فـي فـؤاده نمـاره
كـم شيـخ قـومٍ حوّلتـه المعاطيـب \\\ بكفـوف عيـالٍ تـزيـد الـمـراره
وكم من عقيدٍ طاح واخلى المراكيـب \\\ وعليـه يبـكـن البـنـيّ بـغـزاره
مانلتفـت للـيّ ليـا قـام ماهـيـب \\\ الا على الليّ فـوق راسـه الامـاره
خـلان أشـدّه مروييـن المحاديـب \\\ مانتقـيّ لاصـار للعـلـم شــاره
اليـا تعزوينـا بحـرش العراقـيـب \\\ سـودٍ عليهـا اوسـوم ربـعٍ نـداره
نرعـى بهـا قفـرٍ لنبتـه نبانـيـب \\\ عشبه من الوسمي يشعشـع خضـاره
هواجـرٍ والسـاس ماعنـه تجنيـب \\\ من روس قحطـانٍ ومـن قعـر داره
ادروعنا الليّ ضربهم صعب واتعيـب \\\ وحنا محازمهـم علـى اوّل شـراره
حامين نجـد امطوعيـن الاصاعيـب \\\ وكسيرهـم يبطـي ماتجبـر اجبـاره
مركاضهم منه البـزر يلحقـه شيـب \\\ وتاريخهم مجـدٍ مايحجـب استـاره
للطيب سـاس وللحرايـب مشاهيـب \\\ وكـل قحطانـي للوفـا شـب نـاره
علـى مدايحهـم تزيـد المكاسـيـب \\\ وأشوش من بيتٍ مايخـدش أجـداره
قحطان لا اهتزّت اسـروج المهاذيـب \\\ اهتـز نجـدٍ والـعـراق وجــواره
افعالنـا مانبتدعهـا مــن الجـيـب \\\ يشهـد لنـا التاريـخ بـأول قـراره
ندرى الخوي من بد كل الاصاحيـب\\\ ولانحـسّـه فالحـكـي والـنـزاره
ولجارنا احلى من لبـن شمّـخ النيـب \\\ ندمـح أكبـاره وأنتحمّـل اصغـاره
الهاجـري لا منـه خـاوا الاجانيـب \\\ تلقـى ضويّـه فـوق راس الزبـاره
عجلٍ على المخبـا ولايعلـم الغيـب \\\ ونفسه على كسـب المعالـي امجـاره
من غير قاصر في فالأصول المجاذيب \\\ الطيـب ولعـه والمراجـل مـنـاره
وفي فعلنـا مافيـه شـكٍ ولا ريـب\\\ وقـولٍ بليّـا فعـل عـدّه خـسـاره
مافالحكيـا فـود ياهـل المكاتـيـب \\\ الشرح واضح .. والحقيقـه شعـاره
اليا بغيت الطيـب يامـدوّر الطيـب\\\ رافق بنـي هاجـر وتلقـى شنـاره
وسلامتكم
8
8
8
صح لسان الشاعر المبدع فالح بن قشعم عالقصيد الرااائعه الجزله
وبني هاجر وقحطان كفووو ويستااهلون المدح
لكم ارق التحااااياااا من اختكم البدويه