وش تعني...؟؟

[نسايم نجد]

بالخيريالربع

جبت لكم كلمات قديمة

المطلوب معرفة معناهن .




شنة :

شنينة :

ثميلة :

نحو :

زويدة :

حواة :

صفرية :

[بنت نوره]

أهلين نسايم
كيف الحال
نحو :على شاكلة ذلك
صفريه:قدر
دمت سالمه

[الشييهان]

[QUOTE=نسايم نجد;163018][color=#8B0000][size=4]بالخيريالربع

جبت لكم كلمات قديمة

المطلوب معرفة معناهن .




شنة : يوضع بها لحجر بالنباله لصيد العصافير

شنينة :من اللبن حامضه

ثميلة : حفره بأول الشعيب ينضح منه الماء وفي ناس تستعمله سكارة مي بالخرزه(مثمله)

نحو : غديها اتجاه

زويدة : اللي يحطون بها الزهاب لاطلعوا للبر ونقولها المزوده

حواة :عشبه ربيع حول عشبة الربحلا

صفرية : هذي اللي تبدر بالطلع والثمر من النخل

[نسايم نجد]

أهلين نسايم
كيف الحال
نحو :على شاكلة ذلك
صفريه:قدر
دمت سالمه

هلا بنت نورة

الحمد لله بخير الله يسلمك.


أجابة الكلمة الأولى خطأ ولا هي حوله.


الثانية صح بس ماهو أي قدر له مواصفات معينة

هاتيهن لا هنتي.

[نسايم نجد]

شنة : يوضع بها لحجر بالنباله لصيد العصافير

شنينة :من اللبن حامضه

ثميلة : حفره بأول الشعيب ينضح منه الماء وفي ناس تستعمله سكارة مي بالخرزه(مثمله)

نحو : غديها اتجاه

زويدة : اللي يحطون بها الزهاب لاطلعوا للبر ونقولها المزوده

حواة :عشبه ربيع حول عشبة الربحلا

صفرية : هذي اللي تبدر بالطلع والثمر من النخل

الشيهان مالك لوى

على كل الاجابات


والحوّاة اللي انت تقول مشددة وليست المقصودة.. وهذي الموجوة غير مشددة

[الشييهان]

الشيهان مالك لوى

على كل الاجابات


والحوّاة اللي انت تقول مشددة وليست المقصودة.. وهذي الموجوة غير مشددة


ياساتر تقول عايشين واهلنا بالعصر الحجري لغتنا غير0

ولا انتم عايشين بالعصر الحجري يادافع البلا0

وان صبرن ابشري يالبناخيه باللي يجيب لتس حلهن كلهن0

[الشييهان]

بالخيريالربع

جبت لكم كلمات قديمة

المطلوب معرفة معناهن .




شنة :

شنينة :

ثميلة :

نحو :

زويدة :

حواة :

صفرية :


زويدة : غديها اللي يحملون بها اللقاح لاصعدو النخل0زي الشنيطه مخيطه من القماش الأبيض او قماش الشراع0

[نسايم نجد]

ياساتر تقول عايشين واهلنا بالعصر الحجري لغتنا غير0

ولا انتم عايشين بالعصر الحجري يادافع البلا0

وان صبرن ابشري يالبناخيه باللي يجيب لتس حلهن كلهن0

هذولي كلمات قديمة ..

وانا ذكرت هذا ببداية الموضوع..


وياالله ننتظرك تجيبهن ياالبناخي

[نسايم نجد]

زويدة : غديها اللي يحملون بها اللقاح لاصعدو النخل0زي الشنيطه مخيطه من القماش الأبيض او قماش الشراع0

لا ياالأخو هذيك اسمها ميبرة .


الله يرحم .. راح تراثنا ماتعرفون أسماء الأدوات القديمة .


لازم أعملكم إعادة تأهيل هههههههه

[الشييهان]

لا ياالأخو هذيك اسمها ميبرة .


الله يرحم .. راح تراثنا ماتعرفون أسماء الأدوات القديمة .


لازم أعملكم إعادة تأهيل هههههههه


الباقي ماقول به شين انتي أدرى بتراثكم0

لاكن هاذي
=الثميلة كل العرب يعرفونها داني وقاصي

ويشربون منها بالصيف يحفرون مكاناتها عارفينها

0فوقها منابت نجيل بالشعيب0وهذي خرجة وتمردت على سلطة تراثكم الحجري 0

وعيدي النظر غديك لو من شان الزوار اللي عارفينها ومتهولين 0

ودمتي يالبناخيه0

[نسايم نجد]

على سلطة تراثكم الحجري

تراثنا هو نفسه تراثكم..


وترى مااسمح لك تسميه حجري .


والمثل يقول اللي ماله أول ماله تالي .. ولا لا ؟



ثميلة : حفره بأول الشعيب ينضح منه الماء

لاحض هذا حلك قبل شوي..


ومدام أبلشتنا عليه نقوله ونسلم..


الثميله هي البئر الصغير

وماهو شرط تكون بشعيب .

[الشييهان]

شنة : صبه







شنينة :الماء مصبوب على اللبن 0

يالتراث اللغشاش0اشوى مانعرفها 0

بس حنا اللي نعرفه يسوونها من الجوع يكثرونه ويشربونه

[الشييهان]

بالخيريالربع

جبت لكم كلمات قديمة

المطلوب معرفة معناهن .




شنة :

شنينة :

ثميلة :

نحو :

زويدة :

حواة :

صفرية :

وش رايك عجزت عن فهم الكلامات غديك تحاول ياشرقاوي

والتفكير مستمر 0غديك عقب هالصلاه تشوف لنا العجوز

غديهم مادين اول يمهم وعارفين لهم كم كليمه0


نحو : هذي زولها مهو غريب بس ماني قادر اجمع

[الشييهان]

بالخيريالربع

جبت لكم كلمات قديمة

المطلوب معرفة معناهن .




شنة :

شنينة :

ثميلة :

نحو :

زويدة :

حواة :

صفرية :

****************

صفرية :

اما تعني لاصفرة الدنيا قبل المغرب وعندنا يقال لها صفره0

ولا نوع من اآنيه مصنوعه من النحاس 0

ولا العجه الصفراء لاصار ماتشوف ايدك 0غبار اصفر يادافع البلاء0


وهالكلمه ياهي عذبتي كلن يفسرها شكل0


وراح اربعة معاني لها واذا (مالي لوى ) ابي اجيب لك باقي رعية معانيه0

ولو بالتقسيط بعد 0 والسلام خير ختام 0

[نسايم نجد]

شنة : صبه

خطأ





[quote]شنينة :الماء مصبوب على اللبن 0


صحيح : اللبن المخلوط بالماء .




يالتراث اللغشاش0اشوى مانعرفها 0

هذا ماهو غش .. يسوون كذا على شان يخففون ثقل اللبن .

وتعرفونها : ماهو شرط اذا انت ماتعرفها انها ماكانت موجودة عندكم .

وجز عن هالحتسي يالشيهان..

ولا ترى مرة ثانية ماأجيب لكم كلمات قديمة.





صفرية :

ولا نوع من اآنيه مصنوعه من النحاس 0

انا مستغربة منك انت ماتقرأ اجابات اللي قبلك ولا وش السالفة ؟

هذي قالته بنت نورة

وانت جبت تفصيل أكثر انها من النحاس ..

وهذا صحيح .

[نسايم نجد]

بالخيريالربع

جبت لكم كلمات قديمة

المطلوب معرفة معناهن .


هذا المتبقي........



شنة :

نحو :

زويدة :

حواة :

[الشييهان]

بالخيريالربع

جبت لكم كلمات قديمة

المطلوب معرفة معناهن .


هذا المتبقي........



شنة :

نحو :

زويدة :

حواة :


النحو غديه القدح او اللي يستعمل لمخض اللبن0


وانتي الله يهديك يالبناخيه تبينا مبوزين ماحتى نناقش 0

كأننا يالبناخيه عايشين العصر الحجري بعينه 0

وبعد ميخالف00الا جيبي كل تاريخكم الحجري ان ماعرفنا نتعلم 0

ومالك غير اللي ينصت ويجاوب على قد السؤال ياما يركد الرمي 000يالبناخيه

وترانا ماحنا مبعدين نبي ندور حول اللبن0 ياما تشيب روسنا0

[نسايم نجد]

وبعد ميخالف00الا جيبي كل تاريخكم الحجري ان ماعرفنا نتعلم 0

هذا تاريخ أجدادك.. ياملا الخير


واجابتك خطأ ،،،،،،،

[الشييهان]

بالخيريالربع

جبت لكم كلمات قديمة

المطلوب معرفة معناهن .


هذا المتبقي........



شنة :

نحو :

زويدة :

حواة :


اهلين يالربع

شنه يمكن القربه للماء ولا صميل اللبن مدبوغه من الجلد0

[نسايم نجد]

شنه يمكن القربه للماء ولا صميل اللبن مدبوغه من الجلد0


القربة للماء اذا كانت قديمة تسمى شنة .



وصح لسانك .. على شان ماتزعل ههههههه

[الشييهان]

القربة للماء اذا كانت قديمة تسمى شنة .



وصح لسانك .. على شان ماتزعل ههههههه


تسلمين على التشجيع وماتدريين كنت بحالة احبااااااااااااااط

وجى بوقته0


تسلمييييييييييييييييييييييين


اما هذي حواه عاد مشكلتنا مع الي حولنا0

كل ماقلتها 000وش تقول 00 وش تقول00

[نسايم نجد]

سلمت ودمت يالبناخي..







هذا المتبقي........


نحو :

زويدة :

حواة

[الشييهان]

بالخيريالربع

جبت لكم كلمات قديمة

المطلوب معرفة معناهن .


هذا المتبقي........



شنة :

نحو :

زويدة :

حواة :


حواة : غديها يعني جمعه 0

ولا من الحاويه 00المطبقه

[الشييهان]

بالخيريالربع

جبت لكم كلمات قديمة

المطلوب معرفة معناهن .


هذا المتبقي........



شنة :

نحو :

زويدة :

حواة :


حواة : غديها يعني جمعه 0

ولا من الحاويه 00المطبقه


وتراي اتفشلت من كثر مارحت وجيت يم بنات هالحلال عن امي هالضحي0

غديك 000 ترجعينها مشدده ونسلم 0

[نسايم نجد]

وتراي اتفشلت من كثر مارحت وجيت يم بنات هالحلال عن امي هالضحي0

ههههههههه قل قسم ههههههه



لا ماهي مشددة تنطق بالسكون حْواة

[الشييهان]

ههههههههه قل قسم ههههههه



لا ماهي مشددة تنطق بالسكون حْواة


عاد ساعدي شوي 000وش هالنشبه اللي مابغت تفك 000

الشرقه صارت أهون منها 0

[نسايم نجد]

توي الناس على المساعدة


ماامدانا بدينا.....


الا باقي الربع وينهم مايشاركون ؟

[بنت نوره]

أهلين نسايم
انامعاكم متابعه بصمت
علشاني ماعرفت شي منها

نحو بإتجاه
دمت سالمه

[نسايم نجد]

أهلين نسايم
انامعاكم متابعه بصمت
علشاني ماعرفت شي منها

نحو بإتجاه
دمت سالمه

أهلين وسهلين بنت نور


نحو بالفتح كلنا نعرفها فصيحة ..


لكن هذي كلمة قديمة اسم لشىء ما ....وتنطق بالسكون

[الشييهان]

نحو :

غديها يعني ابعد يقال انحو زي فحزو ولا ازحفو وراء


حواة غديها العلف الاخظر يبسونه 0

[نسايم نجد]

أسعد الله صباحكم الجميع...


نحو :

غديها يعني ابعد يقال انحو زي فحزو ولا ازحفو وراء

حواة غديها العلف الاخظر يبسونه 0

مالك لوى ياالبناخي..



وهذولي هن قربناهن لكم..



هذا المتبقي........


نحو :

زويدة :

حواة

[نسايم نجد]

color=#8B0000]نحو[/color] : يستخدم لحفظ السمن مصنوع من الجلد.


زويدة : لبن مخلوط بحليب لتخفيف حموضته.


حواة : حلقة من القماش تشبه شكل العقال، لكن أكثر سماكة

تضعه المرأة على راسها ثم تضع قدر الماء فوقه

للتوازن وحتى لايؤثر القدر في راسها.








ريحناكم منهن.

[نسايم نجد]

ياالله معافاتك من غضبك !!!


ياربي اني داخلةٍ عليك !!!


يالشيهان انت كل شي تعدل به؟! حتى لومابه شي ؟!


وش بك حايس حلي .


خلن أصير مراقبة ان مانزلتك من الاشراف مانا بنت نجد .

[شمالي متعصب]

السلام عليكم ورحمة الله وبركاته


الله يعطيك العاافيه اخوي على الغز




نحو : يمكن بمعني ذهبو او راحو

زويدة : :عتقد انه الشي الزائد

حواة : امسكه او حمله


تقبل تحياتي

[نسايم نجد]

السلام عليكم ورحمة الله وبركاته

الله يعطيك العاافيه اخوي على الغز

نحو : يمكن بمعني ذهبو او راحو

زويدة : :عتقد انه الشي الزائد

حواة : امسكه او حمله

تقبل تحياتي

وعليكم السلام ورحمة الله وبركاته

الله يعافيك أخوي شمالي ..

ومالك لوى ..

الأسئلة محلولة فوق,,

وحياك الله.

[الشييهان]

وعليكم السلام ورحمة الله وبركاته

الله يعافيك أخوي شمالي ..

ومالك لوى ..

حياك الله.

الأسئلة محلولة فوق,,

[الشييهان]

علمي هالصعيدي ليه اقفل المحلول

عساه بفكني من هالسالفه

[نسايم نجد]

قفله يالشيهان لا هنت .