المساعد الشخصي الرقمي

مشاهدة النسخة كاملة : والله بجيت على القصيده هذي

ابدويه وافتخر
11-02-2007, 04:34 PM
السلام عليكم ورحمة الله وبركاته

اشلوووووونكم شخبااااااركم

انا سمعت القصيده هذي بلتلفزيوووون على نجوم القصيد 4 والقصيده اعجبتني حيييل وخذيت اسم الشاعر واسم القصيده ولقت اجيبها لكم

والله كاان الشاااعر يقووول القصيده واهووو يبي يبجي والله انه بجاااني اناا اهئ اهئ اهئ

لكم القصيده

هذي قصيدة لشاعر : حربي الظفيري وانشا ءالله تعجبكم

جلست بضيقتي وحدي افكر في بداياتي
على شاطى البحر جالس وكان اليوم بغروبه
على الشاطى جلست احسب جروحي وكل خساراتي
وكان الوقت حزتها مطر وقلوب...مرعوبه
وكانت طفله اصغيره بجنبي تقرا حسراتي
كأن الضيقه في وجهى وهي بالروح مكتوبه
تذكرت الحبيبه يومها خلتني بأهاتي
بعد ما جتني تشكي لي تقول اليوم مخطوبه
وعرسي..في شهر(واحد) وضاعت كل حيلاتي
وامي اعزمت ناسي ولعرسي جهزوا ثوبه
تقول ارجوك تحرق صوري مع رسالاتي
وفراقك ماهو بكيفي وانا والله مغصوبه
وقالت خذ وعد من دمعي المقهور بسكاتي
اموت بحبك الغالي وارد احيا على دروبه
وقالت..مدري وش قالت ...انا ميت بلحضاتي
خنقني الهم في صدري وشفت الدنيا مقلوبه
أبستوعب ولاني قادر استوعب نهايااتي
أبي ذرة فرح لكن لقيت الفرحة مسلوبه
تساوت دنيتي بعيني تساوى الماضي باالاتي
ما دام ان العيوب اليوم ترفع ناس معيوبه
رجعت لغرفتي بين (الاثاث) وبين شمعاتي
اناظر كل رسايلها وقلت...؟ان كان لي حوبه
يا عل اللي خذاها ياخذه ربي من ادعاتي
يشوف اللي اا شفته ويصير الهم مشروبه
بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه
ما غير(أمي) تحاول بس تخفف لي معاناتي
وبكت شافت حياة اوليدها للموت مطلوبه
يا دنيا بس خليني ابي ارتاح في ذاتي
انا كني على الدنيا خلقتني ربي اعقوبه
ابنسي واطوي الذكرى ابدفن كل حكاياتي
ابمشي وما أبي احد وهي توبه بعد توبه
ابقطع سيرتك واطلب من المولى بركعاتي
يصبرني على غيابك واعيش بدنيه محجووبه
وانا قلبي يا عمري تاب وعزم يجمع اشتاتي
واذا قلبي طلع مذنب ترى انتي اعظم اذنووبه
][مسافر®للشقى][
11-02-2007, 05:37 PM
وانا قلبي يا عمري تاب وعزم يجمع اشتاتي *** واذا قلبي طلع مذنب ترى انتي اعظم اذنووبه


صح لسان شاعرها وناقلها

وتسلم يمينك على هالقصيدة الجميلة


’,
دمتي بكل ود
رجاوي سنين
11-05-2007, 05:50 PM
صح لسااان شاااعرهاا وتسلم يمين ناااقلهاا

الله يعطيك العااافيه ع الذوووق
غريبه دنيتي
11-05-2007, 08:53 PM
ابدويه وأفتخر ذوق أنتقيتي قصيده في الصميم

وقالت خذ وعد من دمعي المقهور بسكاتي
اموت بحبك الغالي وارد احيا على دروبه
وقالت..مدري وش قالت ...انا ميت بلحضاتي
خنقني الهم في صدري وشفت الدنيا مقلوبه



الله عليك وعلى ذوقك أنا هالقصايد تأثر فيني الله يجيب الخير وخصوصا أن كلن راح في طريقه والمشكله ان الحب حب شرف بس يالله الله يريد ونحن نريد والله يفعل مايريد


تقبلي مروري
العنــا
11-05-2007, 09:22 PM
تسلم يمناك على النقل

وصح لسان شاعرها

تقبلي مروري
ابدويه وافتخر
11-08-2007, 12:34 AM
تسلمووون حباايب قلبي على مروووووووركم
عسيريه محزونة
02-15-2008, 04:59 PM
تسلمي عالنقل ويسلم قايلها

من جد ذوووووووووووووووووق


تقبلي مروري
المهره الاصيله
12-15-2008, 05:33 AM
تقبل مروري يالغلا وقصيده روعه والاروع حظورك


وفرااقك مااهو بكيفي اناا والله مغصوبه
وقالت خذوعد من دمعي المقهور بسكااتي